ព័ត៌មានជាតិ

សមត្ថកិច្ចឃាត់ខ្លួនមនុស្ស៥នាក់ពីបទប្រើឧបករណ៍ឆក់ត្រីខុសច្បាប់

បានផុស

៤ years មុន

នៅ

ថ្ងៃអង្គារ ២ មីនា ២០២១

ដោយ

កាលពីរំលងអាធ្រាត្រថ្ងៃទី១ ខែមីនាឆ្នាំ២០២១នេះ កម្លាំងប៉ុស្តិ៍នគរបាលរដ្ឋបាលបាសាក់ និងកម្លាំងអធិការដ្ឋាននគរបាលស្រុករុក្ខគីរី បានសហការជាមួយកម្លាំងប្រជាការពារចុះបង្ក្រាបបទល្មើសនេសាទឆក់ត្រីខុសច្បាប់នៅចំណុចអាងទឹកបាសាក់ ក្នុងស្រុករុក្ខគីរី ខេត្តបាត់ដំបង។

ប្រតិបត្តិការបង្ក្រាបនេះ កម្លាំងជំនាញតាមស្ទាក់ឃាត់ខ្លួនជនល្មើសបានចំនួន៥នាក់ រួមជាមួយវត្ថុតាងមួយចំនួនមានដូចជា ដងឧបករណ៍ឆក់ចំនួន៤គូ និងអាគុយចំនួន៤គ្រាប់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនល្មើសទាំង៥នាក់មានឈ្មោះ ឡុង វីរៈ ភេទប្រុសអាយុ៣៨ឆ្នាំ ២ឈ្មោះ ហេង ហាក់ ភេទប្រុសអាយុ៣៧ឆ្នាំ ទាំងពីរនាក់រស់នៅក្នុងស្រុកសាលាក្រៅខេត្តប៉ៃលិន។ ៣ឈ្មោះ អេង កក្កដា ភេទប្រុសអាយុ២៦ឆ្នាំរស់នៅភូមិកំពង់ចម្លងឃុំតាក្រី ស្រុកកំរៀង។ ៤ឈ្មោះ ហ៊ុន សុធាន ភេទប្រុសអាយុ៣៥ឆ្នាំរស់នៅភូមិចម្លងគួយ ស្រុកសំឡូត។ ៥ឈ្មោះ ស៊ិន លុញភេទប្រុសអាយុ៣៨ ឆ្នាំរស់នៅក្នុងភូមិធ្មួយ ឃុំព្រែកជីក ស្រុករុក្ខគិរី។

ករណីជនសង្ស័យបានប្រើឧបករណ៍នេសាទល្មើសច្បាប់នេះត្រូវបានកម្លាំងនគរបាលស្រុកអនុវត្តវិធានការអប់រំណែនាំនិងឲ្យធ្វើកិច្ចសន្យាឈប់ប្រព្រឹត្តរួចអនុញាតិឲ្យត្រឡប់ទៅផ្ទះវិញរៀងៗខ្លួនវិញ៕

អត្ថបទ ៖ សៅ សារិទ្ធ