ពលរដ្ឋ​រងគ្រោះ ដោយ​ខ្យល់​កន្ត្រាក់​១៦​គ្រួសារ ទទួល​បាន​អំណោយ​មនុស្សធម៌ ពី​ស​ម្តេច​កិត្តិ​ព្រឹទ្ធ​បណ្ឌិត ប្រធាន​កាកបាទ​ក្រហមកម្ពុជា

កំពង់ចាម ៖ នៅ​ព្រឹក​ថ្ងៃ​ព្រហស្បតិ៍​  ៦​កើត​  ខែអាសាឍ​  ឆ្នាំរោង ឆស័ក ព​.​ស​.២៥៦៨ ត្រូវ​នឹង​ថ្ងៃ​ទី ១១ ខែកក្កដា​  ឆ្នាំ​២០២៤ លោក អ៊ុន ចាន់​ដា អភិបាល នៃ​គណៈ​អភិបាលខេត្ត​កំពង់ចាម និង​ជា​ប្រធាន​គណៈកម្មាធិការ​សាខា កាកបាទក្រហម​ខេត្ត បាន​ដឹកនាំ​ក្រុមការងារ អញ្ជើញ​ចុះ​ជួប​សួរសុខទុក្ខ និង​នាំ​យក​អំណោយ​មនុស្សធម៌ ជូន​ប្រជាពលរដ្ឋ​រងគ្រោះ​ដោយ​ខ្យល់​កន្ត្រាក់​  សរុប ១៦ គ្រួសារ​  រស់​នៅ​ក្នុង​ភូមិ​រអាង​ក្រោម ឃុំ​រអាង ស្រុក​កំពង់សៀម ខេត្តកំពង់ចាម។

អំណោយ​មនុស្សធម៌​ដែល​បានផ្ដល់​ជូន​មានដូចខាងក្រោមនេះ ៖

១- ពលរដ្ឋ​រងគ្រោះ កម្រិតធ្ងន់​ទាំង ៧​គ្រួសារ​  ក្នុង ១​គ្រួសារ ទទួលបាន តង់ ២ និង ថវិកា ៤០០,០០០  រៀល ។​

២- ពលរដ្ឋ​រង​ផលប៉ះពាល់​កម្រិត​ស្រាល ៩​គ្រួសារ ក្នុង ១​គ្រួសារ ទទួលបាន ថវិកា ១០០,០០០ រៀល ។​

ដោយឡែក អនុសាខា​ស្រុក ឧបត្ថម្ភ​បន្ថែម​ជនរងគ្រោះ​ទាំង ១៦​គ្រួសារ ដោយ ក្នុង ១ គ្រួសារ ទទួលបាន ថវិកា ៤០,០០០​រៀល៕

ដោយ ៖ សាន វិ​ឡែ​ម