ព័ត៌មានជាតិ

ការប្រឡងជ្រើសរើសគ្រូបង្រៀនបឋមសិក្សា សម្រាប់ថ្ងៃទី ១៣ កក្កដា ត្រូវបានផ្លាស់ប្ដូរ

បានផុស

៩ ខែ មុន

នៅ

ថ្ងៃសុក្រ ១២ កក្កដា ២០២៤

ដោយ

ការប្រឡងប្រជែងជ្រើសរើសគ្រូបង្រៀននៅបឋមសិក្សា សម្រាប់ថ្ងៃទី ១៣ ខែកក្កដា ឆ្នាំ ២០២៤ ត្រូវបានផ្លាស់ប្ដូរទៅថ្ងៃទី ១៥ ខែកក្កដា ឆ្នាំ ២០២៤ វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីរសៀលថ្ងៃទី ១១ ខែកក្កដា ឆ្នាំ ២០២៤ ក្នុងកិច្ចប្រជុំត្រួតពិនិត្យវឌ្ឍនភាពការងារឆ្ពោះទៅកាន់ការប្រឡងប្រជែង នៅសាលាភូមិន្ទរដ្ឋបាល គណៈកម្មការបានសម្រេចលើការរៀបចំជាច្រើន ដើម្បីរៀបចំការប្រឡងប្រជែងស្របតាមនិយាមដែលបានដាក់ចេញ ហើយស្របតាមគោលការណ៍ធានាដល់គុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព។

ដោយមានភាពចាំបាច់ គណៈកម្មការអន្តរក្រសួង បានសម្រេចលើកពេលប្រឡងចំនួន ១ ថ្ងៃ ពោលគឺត្រូវលើកពេលថ្ងៃសៅរ៍ ទី ១៣ ខែកក្កដា ឆ្នាំ ២០២៤ សម្រាប់វេនទី ១ និងវេនទី ២ ទៅប្រឡងនាថ្ងៃចន្ទ ទី ១៥ ខែកក្កដា ឆ្នាំ ២០២៤ វិញ។

មុននឹងឈានចូលទៅដល់ការសម្រេចចិត្តផ្លាស់ប្ដូរពេលវេលារយៈពេល ១ ថ្ងៃនេះ គណៈកម្មការរៀបចំការប្រឡងប្រជែង បានគិតគូរពិចារណា ថ្លឹងថ្លែងយ៉ាងល្អិតល្អន់ គ្រប់ទិដ្ឋភាពទាំងអស់ ទាំងការរៀបចំ ទាំងស្ថានភាពបេក្ខជនដែលចូលរួមប្រឡងប្រជែង។ ក្នុងន័យនេះ គណៈកម្មការ សូមការអធ្យាស្រ័យពីបេក្ខជន ក៏ដូចជាភាគីពាក់ព័ន្ធទាំងអស់ សម្រាប់ភាពចាំបាច់ក្នុងការលើកពេលវេលានេះ៕