ព័ត៌មានជាតិ
មន្ត្រីជាន់ខ្ពស់ ប.ស.ស ណែនាំគណៈកម្មការប្រឡង ត្រូវរៀបចំប្រឡងប្រព្រឹត្តទៅដោយតម្លាភាព និងយុត្តិធម៌
មន្ត្រីជាន់ខ្ពស់បេឡាជាតិសន្តិសុខសង្គម (ប.ស.ស) បានណែនាំដល់គណៈកម្មការប្រឡង ត្រូវរៀបចំការប្រឡងជ្រើសរើសបុគ្គលិកជាប់កិច្ចសន្យា ឱ្យចូលបម្រើការងារនៅ ប.ស.ស សម្រាប់ឆ្នាំ ២០២៤ ប្រព្រឹត្តទៅប្រកបដោយប្រសិទ្ធភាព តម្លាភាព និងយុត្តិធម៌ ព្រោះបេក្ខជនដែលប្រឡងជាប់ នឹងក្លាយជាកម្លាំងជួយជំរុញការផ្តល់សេវាជូនប្រជាពលរដ្ឋ។
ថ្លែងក្នុងកិច្ចប្រជុំគណៈកម្មការរៀបចំការប្រឡងជ្រើសរើសបុគ្គលិកជាប់កិច្ចសន្យា កាលពីរសៀលថ្ងៃទី ១១ កក្កដា លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស និងជាអនុប្រធានគណៈកម្មការរៀបចំការប្រឡង តំណាងលោក ម៉េង ហុង ប្រធានគណៈកម្មការរៀបចំការប្រឡង បានមានប្រសាសន៍ថា គណៈកម្មការរៀបចំការប្រឡង ត្រូវមានទំនួលខុសត្រូវខ្ពស់ ពិសេសត្រូវពង្រឹងការត្រួតពិនិត្យ ក៏ដូចជាពិនិត្យលើកិច្ចការប្រឡងឱ្យបានហ្មត់ចត់ ដើម្បីចម្រាញ់យកបេក្ខជនប្រកបដោយសមត្ថភាពពិតប្រាកដ និងត្រូវធ្វើយ៉ាងណាឱ្យការប្រឡងនេះ ប្រព្រឹត្តទៅប្រកបដោយប្រសិទ្ធភាព តម្លាភាព និងយុត្តិធម៌ ព្រោះបេក្ខជនដែលប្រឡងជាប់ នឹងក្លាយជាកម្លាំងជួយជំរុញការផ្តល់សេវាជូនប្រជាពលរដ្ឋ ជាពិសេសធ្វើយ៉ាងឱ្យស្របនឹងគោលនយោបាយរបស់រាជរដ្ឋាភិបាល“អ្នកចេះ គឺជាប់”។
បេឡាជាតិសន្តិសុខសង្គម ហៅកាត់ ប.ស.ស នៃក្រសួងការងារ និងបណ្ដុះបណ្ដាលវិជ្ជាជីវៈ ត្រូវការជ្រើសរើសបុគ្គលិកជាប់កិច្ចសន្យា សរុបចំនួន ២៣៣ រូប ឱ្យចូលបម្រើការងារនៅតាមបណ្តាស្នាក់ការ ប.ស.ស ក្នុងរាជធានីភ្នំពេញ និង សាខា ប.ស.ស ខេត្ត-ខណ្ឌមួយចំនួន ក្នុងនោះជ្រើសរើសផ្នែកលេខាធិការបម្រើការងារនៅតាមបណ្ដាស្នាក់ការ ប.ស.ស ក្នុងរាជធានីភ្នំពេញ សរុបចំនួន ៨០ រូប ដែលនឹងត្រូវប្រឡងនៅថ្ងៃទី ១៣ កក្កដា។ ចំណែកការជ្រើសរើសមន្ត្រីជាប់កិច្ចសន្យាបម្រើការងារនៅតាមបណ្តាស្នាក់ការសាខា ប.ស.ស ខេត្ត-ខណ្ឌ ផ្នែកបច្ចេកទេសអគ្គិសនី-ទឹក សរុបចំនួន ២១ រូប ផ្នែកអនាម័យសរុបចំនួន ៣២ រូប និងផ្នែកសន្តិសុខសរុបចំនួន ១០០ រូប ដែលការប្រឡងនឹងប្រព្រឹត្តិទៅនៅថ្ងៃទី ១៤ ដល់ ១៧ កក្កដា។
គួររំលឹកឱ្យដឹងថា ការប្រឡងប្រជែងជ្រើសរើសបុគ្គលិកជាប់កិច្ចសន្យាឱ្យចូលបម្រើការងារនៅបេឡាជាតិសន្តិសុខសង្គម សម្រាប់ស្នាក់ការកណ្ដាល និងសាខាខេត្ត-ខណ្ឌ នាពេលនេះ មានមុខជំនាញចំនួន ៣ ផ្នែក រួមមាន ៖ ផ្នែកលេខាធិការ, ផ្នែកបច្ចេកទេសអគ្គិសនី-ទឹក ផ្នែកសន្តិសុខ និងអនាម័យ។
សម្រាប់ការប្រឡងផ្នែកលេខាធិការ ត្រូវបានចែកចេញជា ៤ វិញ្ញាសា គឺ វិញ្ញាសាវាយពាក្យដោយប្រើយូនីកូដ ចំណេះដឹងទូទៅ ចំណេះដឹងពាក់ព័ន្ធនឹងវិស័យសន្តិសុខសង្គម និងភាសាអង់គ្លេសទូទៅ ដែលមានរយៈពេលប្រឡង ៤៥ នាទី៕
អត្ថបទ ៖ សំអឿន
លោក ហេង សួរ ចូលរួមពិធីសូត្រមន្ត ចម្រើនព្រះបរិត្ដ បុណ្យកាន់បិណ្ឌ នៅវត្តទួលទំពូង ក្នុងខណ្ឌចំការមន រាជធានីភ្នំពេញ
លោក គង់ វិសាល៖ បវរកញ្ញាពិភពលោក ជាការប្រកួតដ៏ពិសេស បង្ហាញពីភាពប៉ិនប្រសប់របស់ស្ត្រី
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១២ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៥ ម៉ោង agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan