ព័ត៌មានជាតិ
លោកហេង សួរ ៖ TVET គឺជាអណ្តូងមាស អណ្តូងប្រាក់ អណ្តូងសំណាងសម្រាប់ពលរដ្ឋក្រីក្រ
កំពង់ឆ្នាំង ៖ កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស គឺជាអណ្តូងមាស អណ្តូងប្រាក់ អណ្តូងសំណាងសម្រាប់ប្រជាពលរដ្ឋក្រីក្រ។ ការចូលរៀនក្នុងកម្មវិធីនេះពលរដ្ឋនឹងទទួលបានប្រាក់ឧបត្ថម្ភ ២៨ម៉ឺនរៀលប្រចាំខែ ហើយថែមទាំងបានរៀនជំនាញដែលអាចអភិវឌ្ឍន៍ខ្លួនឱ្យចាកផុតពីភាពក្រីក្រទៀតផង។
![](https://www.kampucheathmey.com/wp-content/uploads/2024/07/photo_2024-07-10_17-51-55-1-1024x682.jpg)
នេះជាការថ្លែងរបស់ លោកហេង សួរ រដ្ឋ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅខេត្តកំពង់ឆ្នាំង ក្នុងពេលចុះផ្សព្វផ្សាយពីរបបសន្តិសុខសង្គម និងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់ពលរដ្ឋមកពីគ្រួសារក្រីក្រ និងគ្រួសារងាយរងហានិភ័យ ក្នុងខេត្តកំពង់ឆ្នាំង កាលពីរសៀលថ្ងៃទី១០ ខែកក្កដា ឆ្នាំ២០២៤។
![](https://www.kampucheathmey.com/wp-content/uploads/2024/07/photo_2024-07-10_17-51-57-2-1-1024x682.jpg)
ក្នុងឱកាសផ្សព្វផ្សាយនោះ លោករដ្ឋមន្ត្រី បានជំរុញដល់អាជ្ញាធរមូលដ្ឋាន ចូលរួមផ្សព្វផ្សាយឱ្យបានទូលំទូលាយពីអត្ថប្រយោជន៍ នៃចូលរៀនក្នុងវគ្គបណ្តុះបណ្តាលជំនាញវិជ្ជាជីវៈ និងបច្ចេកទេស គឺពលរដ្ឋក្រីក្រ និងងាយរងហានិភ័យ នឹងទទួលបានប្រាក់ឧបត្ថម្ភប្រចាំខែ ២៨ម៉ឺនរៀល ការចូលរៀនមិនទាមទារកម្រិតវប្បធម៌ ទោះបីរៀនចប់ថ្នាក់ទី១ក៏អាចចូលរៀនបាន ហើយរៀនចប់បានសញ្ញាបត្រ ថែមទាំងរដ្ឋជួយរកការងារឱ្យធ្វើ ដោយទទួលបានប្រាក់ខែយ៉ាងតិចចាប់ពី ៨០ម៉ឺនរៀលឡើង។
លោកថ្លែងថា «កុំឱ្យដោយសារជីវភាព អត់បានរៀនដល់បាក់ឌុបអត់បានអី អត់មានសញ្ញាបត្រ ឥឡូវរដ្ឋផ្តល់ឱកាសឱ្យមកចូលរៀនវគ្គបណ្តុះបណ្តាលនេះដោយមិនគិតពីប្រវត្តិអតីតកាលទេ ឱ្យតែមកចូលរៀន ខំរៀននឹងបានសញ្ញាបត្រ១ អ៊ីចឹងអនាគតរបស់កូន-ក្មួយ នឹងក្លាយទៅជាមនុស្សម្នាក់ដែលមានជំនាញយកទៅប្រើប្រាស់មួយជីវិត ហើយរាជរដ្ឋាភិបាលធានាជួយរកការងារឱ្យធ្វើទៀត។»
![](https://www.kampucheathmey.com/wp-content/uploads/2024/07/photo_2024-07-10_17-51-57-1-1024x683.jpg)
លោករដ្ឋមន្ត្រី បានលើកឡើងថា ការជួយសម្រួលដល់ប្រជាពលរដ្ឋនៅក្នុងគ្រួសារក្រីក្របានចូលរៀនជំនាញ គឺជាការជួយឱ្យពួកគាត់ទទួលបានចំណូលបន្ថែម ចាកឆ្ងាយពីភាពក្រីក្រ ដែលប្រសើរជាងនៅផ្ទះធ្វើការងារតាមទម្លាប់ជាមួយឪពុកម្តាយ ឬទៅស៊ីឈ្នួលរកប្រាក់ដែលទទួលបានចំណូលមិនទៀងទាត់៕
![](https://www.kampucheathmey.com/wp-content/uploads/2024/07/photo_2024-07-10_18-01-53-1024x682.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ជីវិតកម្សាន្ដ៥ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍៣ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ម៉ោង ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
សន្តិសុខសង្គម២០ ម៉ោង ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៥ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានអន្ដរជាតិ៤ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៤ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង