ព័ត៌មានជាតិ
ខេត្តព្រះសីហនុ មានកំពង់ផែចំនួន ៣ សម្រួលដឹកជញ្ជូនទំនិញចេញចូលតាមផ្លូវសមុទ្រ
ខេត្តព្រះសីហនុ ដែលរដ្ឋាភិបាលកំពុងរៀបចំអភិវឌ្ឍប្រែក្លាយជាតំបន់សេដ្ឋកិច្ចពិសេសគំរូពហុបំណង មានកំពង់ផែចំនួន ៣ ដែលកំពុងប្រតិបត្តិការសម្រួលការដឹកជញ្ជូនទំនិញចេញចូលតាមផ្លូវសមុទ្រ។
ខណៈអនុញ្ញាតឲ្យគណ:ប្រតិភូនៃសមាគមមិត្តភាពកម្ពុជា-ឡាវ ចូលជួបសម្តែងការគួរសមនិងពិភាក្សាការងារនៅសាលាខេត្តព្រះសីហនុកាលពីថ្ងៃទី១០ ខែកក្កដា ឆ្នាំ២០២៤ លោក ម៉ាង ស៊ីណេត អភិបាលខេត្តព្រះសហនុបានបង្ហាញពីភូមិសាស្ត្រខេត្តព្រះសីហនុជាមួយការអភិវឌ្ឍហេដ្ឋារចនាសម្ព័ន្ធ និងសក្តានុពលសេដ្ឋកិច្ច។
បើតាមលោកអភិបាលខេត្ត ខេត្តព្រះសីហនុមានក្រុងចំនួន ២ ស្រុកចំនួន ៣ និង ២៩ ឃុំ សង្កាត់ ស្មើ ១១១ ភូមិ។ ខេត្តមានកោះតូចធំចំនួន ៣២ ឆ្នេរសមុទ្រប្រវែង ១៧៥ គីឡូម៉ែត្រ មានឧទ្យានជាតិបាតសមុទ្រប្រកបដោយជីវចម្រុះ និងព្រៃកោងកាង ជាមូលដ្ឋានជំរុញការអភិវឌ្ឍសេដ្ឋកិច្ច។
ខេត្តព្រះសីហនុជាតំបន់ស្នូលនៃខេត្តជាប់សមុទ្រមានដូចជា ខេត្តព្រះសីហនុ កែប កំពត និងកោះកុង។ នេះបើតាមលោកអភិបាលខេត្ត។
រាជរដ្ឋាភិបាលកម្ពុជាកំណត់ខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង។ ទន្ទឹមនោះរាជរដ្ឋាភិបាល ក៏បានសាងហេដ្ឋារចនាសម្ព័ន្ធផ្លូវក្នុងក្រុងចំនួន ៣៧ ខ្សែ រួមទាំងការស្ថារអូរ ប្រឡាយ សាងសង់ស្ថានីយប្រព្រឹត្តកម្មទឹកកខ្វក់ចំនួន ៤ កន្លែង។
លោកអភិបាលខេត្តក៏លើកឡើងការអភិវឌ្ឍផ្លូវគមនាគមន៍មានផ្លូវទឹក គោក ផ្លូវអាកាស រួមទាំងកំពង់ផែចំនួន ៣ ក្នុងនោះមាន ១.កំពង់ផែស្វយ័តក្រុងព្រះសីហនុ ២.កំពង់ផែស្រុកស្ទឹងហាវ ៣.កំពង់ផែឧកញ៉ាម៉ុង កែវផុស។
ដោយឡែកកំពង់ផែស្វយ័តក្រុងព្រះសីហនុ បច្ចុប្បន្នមានជំរៅទឹក ១៣.៥០ ម៉ែត្រ។ ចក្ខុវិស័យរបស់រាជរដ្ឋាភិបាលអភិវឌ្ឍកំពង់ផែជា ៣ ដំណាក់កាល ទី១.ឆ្នាំ២០២៤-២០២៧ មានជម្រៅទឹក ១៤.៥០ ម៉ែត្រ អាចឲ្យនាវាមានចំណុះ ៦ ម៉ឺនតោនចូលចត ទី២.ឆ្នាំ២០២៥ -២០២៨ ជម្រៅទឹក ១៦.៥០ម៉ែត្រ នាវាមានចំណុះ ១២ ម៉ឺនតោនចូលចត ទី៣.ឆ្នាំ២០២៦-២០២៩ មានជម្រៅទឹក ១៧.៥០ ម៉ែត្រ នាវាចំណុះ ១៦ ម៉ឺនតោនចូលចតបាន។
ព្រលានយន្តហោះប្រភេទ 4E ដែលមានផ្លូវរត់ប្រវែង ៣ ៣០០ម៉ែត្រ។ ផ្លូវដែកមួយខ្សែកំពុងជំរុញឲ្យមានល្បឿន ៨០ គីឡូម៉ែត្រក្នុងមួយម៉ោង។ ផ្លូវគោកតភ្ជាប់មានផ្លូវជាតិលេខ ៣ និងលេខ៤ រួមទាំងផ្លូវល្បឿនលឿន។
ចំពោះវិស័យឧស្សាហកម្ម លោកអភិបាលខេត្តបានគូសបញ្ជាក់ថា រដ្ឋាភិបាលបានកំណត់ខេត្តព្រះសីហនុជាតំបន់សេដ្ឋកិច្ចពិសេសគំរូពហុបំណងប្រទាក់ក្រឡា ជំរុញខេត្តព្រះសីហនុជាទីក្រុងបៃតងអាស៊ាន ប៉ូលសេដ្ឋកិច្ចជាតិ ជាមជ្ឈមណ្ឌលកំណើនជាតិ មជ្ឈមណ្ឌលហិរញ្ញវត្ថុអន្តរជាតិមានទំនាក់ទំនងទីផ្សារអាស៊ាននិងសកលលោក។
ខេត្តព្រះសីហនុមានតំបន់សេដ្ឋកិច្ចចំនួន ១៣ ក្នុងនោះ ៣ កំពុងដំណើរការ និង ១០ ទៀតកំពុងធ្វើការអភិវឌ្ឍ។ ដោយ ឡែកចំពោះទឹក ភ្លើង ខេត្តព្រះសីហនុមានគ្រប់គ្រាន់ក្នុងការទទួលអ្នកវិនិយោគ៕
អត្ថបទ៖ ស៊ុយ ចាន់ធា
កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១០ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត