ព័ត៌មានជាតិ
ប្រធានសមាគមសិល្បៈលើកទឹកចិត្តម្ចាស់មកុដ MGC២០២៤ ក្នុងការតំណាងកម្ពុជាប្រកួតលើឆាកអន្តរជាតិ
លោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរបានសម្តែងការចូលរួមអបអរកញ្ញា ប៊ី សុធារី ដែលបានក្លាយជាម្ចាស់មកុដនៃកម្មវិធី MissGrand Cambodia2024។ ជាមួយគ្នានេះប្រធានសមាគមសិល្បករលើកទឹកចិត្តម្ចាស់មកុដ MG C2024 ក្នុងការតំណាងកម្ពុជាប្រកួតឆាកអន្តរជាតិនាពេកឆាប់ៗខាងមុខផងដែរ។
ប្រាកដណាស់ថ្វីដ្បិតមានភារកិច្ចចាំបាច់មិនអាចឆ្លៀតអញ្ជើញចូលរួមដោយផ្ទាល់បាន ប៉ុន្តែអ្នកឧកញ៉ាប្រធានសមាគមបានចូលរួមសម្ដែងការអបអរសាទរចំពោះកម្មវិធី Miss Grand Cambodia2024 ដែលបានប្រព្រឹត្តទៅយ៉ាងរលូន និងសម្រិតសម្រាំងបានបេក្ខនារីប្រកបដោយសមត្ថភាពទេពកោសល្យ។
អ្នកឧកញ៉ា ម៉ៅ ចំណាន បានចូលរួមអបអរសាទរចំពោះកញ្ញា ប៊ី សុធារី ក្លាយជាម្ចាស់មកុដ Miss Grand Cambodia 2024 ដែលនឹងក្លាយជាតំណាងកម្ពុជាសម្រាប់ការប្រកួតលក្ខណៈអន្តរជាតិនាពេលខាងមុខ ក៏ដូចជាអបអរសាទរចំពោះបេក្ខភាពលំដាប់រងទាំងអស់ផងដែរ។ ជាពិសេសអ្នកឧកញ៉ាប្រធានបានសរសើរចំពោះលោកស្រី អ៊ឹម សុគន្ធា ដែលបានខិតខំយកអស់កម្លាំងកាយចិត្ត ធនធានរៀបចំកម្មវិធីនេះនៅកម្ពុជាដែលជាការបង្កើត និងបង្កើនឱកាសឈរលើវិថីសិល្ប:សម្រាប់យុវតីជំនាន់ក្រោយ។ ក្នុងនោះប្រធានសមាគមសិល្បករខ្មែរតែងមានការគាំទ្រលើកទឹកចិត្តជាប់ជានិច្ច និងចូលរួមរាល់សកម្មភាពទាំងឡាយណាដែលនាំមកនូវការលើកស្ទួយវិស័យសិល្បៈវប្បធមជាតិ ក៏ដូចជាការលើកកម្ពស់កិត្យានុភាពជាតិនៅលើឆាកអន្តរជាតិ។
សូមបញ្ជាក់ដែរថា បន្ទាប់ឆ្លងកាត់វគ្គជម្រុះចម្រាញ់ជាច្រើនដំណាក់កាល ទីបំផុតបានរកឃើញម្ចាស់មកុដ Miss Grand Cambodia2024 ហើយគឺបានទៅលើកញ្ញា ប៊ី សុធារី ដែលត្រៀមខ្លួនចេញទៅប្រកួតនៅលើឆាកអន្តរជាតិនាពេលឆាប់ៗខាងមុខ។ នៅក្នុងវគ្គប្រកួតផ្តាច់ព្រ័ត្រនារាត្រីថ្ងៃទី១២ ខែកក្កដា ឆ្នាំ២០២៤ ស្រីស្អាត ប៊ី សុធារី ដែលតំណាងឲ្យខេត្តកំពង់ឆ្នាំង បានប្រឹងប្រែងអស់ពីសមត្ថភាពដើម្បីប្រជែងយកជ័យជំនះគ្រងមកុដតំម្លៃជាង 1M របស់MGC2024 រំលេចរូបរាងដ៏ប្រណិតរចនារូបហង្សពាំតំណក់ទឹកនៃគ្រាប់ពេជ្ររាប់ពាន់គ្រាប់៕
អត្ថបទ៖ ចាន់រ៉ា
-
ព័ត៌មានអន្ដរជាតិ៥ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៧ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៧ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ សប្តាហ៍ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ១៤ ម៉ោង ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៣ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា២០ ម៉ោង ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ១១ ម៉ោង ago
សង្គ្រាមលោកលើកទី៣លេចឡើងស្ទង់ៗ