ឧ​ត្ត​ម​សេនីយ៍​ឯក ឌី វិជ្ជា ដឹកនាំ​កិច្ចប្រជុំ​ត្រួតពិនិត្យ និង​ពង្រឹង​ការងារ​នៅ​អង្គភាព​អន្តរាគមន៍ – Kampuchea Thmey Daily
Connect with us

ព័ត៌មានជាតិ

ឧ​ត្ត​ម​សេនីយ៍​ឯក ឌី វិជ្ជា ដឹកនាំ​កិច្ចប្រជុំ​ត្រួតពិនិត្យ និង​ពង្រឹង​ការងារ​នៅ​អង្គភាព​អន្តរាគមន៍

Published

on

ភ្នំពេញ ៖ នៅ​ថ្ងៃទី​០៤ ខែវិច្ឆិកា ឆ្នាំ​២០២០​នេះ ឯកឧត្តម ឧ​ត្ត​ម​សេនីយ៍​ឯក ឌី វិជ្ជា អគ្គ​ស្នងការរង​នគរបាលជាតិ និង​ជា​ប្រធាន​នាយកដ្ឋាន​កណ្តាល​សន្តិសុខ តំណាង​ដ៏​ខ្ពង់ខ្ពស់ ឯកឧត្តម នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ បាន​អញ្ជើញ​ជា​អធិបតី​ដឹកនាំ​កិច្ចប្រជុំ​ត្រួតពិនិត្យ និង​ពង្រឹង​ការងារ នៅ​អង្គភាព​អន្តរាគមន៍​។

​ឯកឧត្តម ឧ​ត្ត​ម​សេនីយ៍​ឯក ឌី វិជ្ជា បាន​នាំ​ប្រសាសន៍​ផ្តាំផ្ញើ​សាកសួរ​សុខទុក្ខ និង​ថ្លែង​ការ​កោតសរសើរ ពី​សំណាក់ ឯកឧត្តម នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ ដល់​ថ្នាក់ដឹកនាំ ក៏ដូចជា​មន្ត្រី​ក្នុង​អង្គភាព​ទាំងអស់ ដែល​កន្លង​បានរួម​ចំណែក​យ៉ាង​សំខាន់​ក្នុង​កិច្ចការ​រក្សា​សុវត្ថិភាព សន្តិសុខ និង​សណ្តាប់ធ្នាប់​សង្គម​បាន​ល្អ​ប្រសើរ។ ឯកឧត្តម ក៏បាន​ណែនាំ​ឲ្យ​កងកម្លាំង​ទាំងអស់​ត្រូវ​រក្សា​អនាម័យ​ជាប់​ជាប្រចាំ ដើម្បី​រួមគ្នា​ទប់ស្កាត់​ជំងឺ​កូ​វីដ​១៩ ដោយ​អនុវត្តតាម​វិធាន​សុខាភិបាល​។

​ឯកឧត្តម ឧ​ត្ត​ម​សេនីយ៍​ឯក ឌី វិជ្ជា បាន​សង្កត់ធ្ងន់​ដល់​អង្គភាព​អន្តរាគមន៍ ត្រូវ​ពង្រឹង​សមត្ថ​ម​ភាព​មន្ត្រី​ដូចជា បើក​វគ្គ​បណ្តុះបណ្តាល និង​បង្កើន​ការហ្វឹកហាត់ ជាពិសេស​ត្រួត​ពិនិត្យឡើងវិញ​នូវ​កម្លាំង​មន្ត្រី​ទាំងអស់​ក្នុង​អង្គភាព​។

ឆ្លៀត​ក្នុង​ឱកាស​នោះ ឯកឧត្តម ឧ​ត្ត​ម​សេនីយ៍​ឯក ឌី វិជ្ជា អគ្គ​ស្នងការរង​នគរបាលជាតិ និង​ជា​ប្រធាន​នាយកដ្ឋាន​កណ្តាល​សន្តិសុខ ក៏បាន​អញ្ជើញ​ត្រួតពិនិត្យ​មធ្យោបាយ សម្ភារៈ អាវុធយុទ្ធភណ្ឌ របស់​អង្គភាព​អន្តរាគមន៍ និង​ណែនាំ​ឲ្យ​ថែទាំ​ទុកដាក់​បានល្អ​ផងដែរ៕

ចុច Like Facebook កម្ពុជាថ្មី

ព័ត៌មានពេញនិយម