ព័ត៌មានជាតិ
សមត្ថកិច្ចស្រុកឯកភ្នំ ចុះបង្រ្កាបបទល្មើសនេសាទ៦ទីតាំងដុតបំផ្លាញឧបករណ៍មួយចំនួន
ឧបករណ៍ពាក់ព័ន្ធ និងបទល្មើសនេសាទយ៉ាងច្រើនត្រូវបានកម្លាំងសមត្ថកិច្ចចម្រុះចុះរុះរើពីដែនទឹកនៃបឹងទន្លេសាប ស្ថិតក្នុងឃុំមួយ ក្នុងស្រុកឯកភ្នំ និងបានដុតកម្ទេចចោល នៅចំណុចបង្កហេតុនិមួយៗ។

ការដុតកម្ទេចចោលសម្ភារ: និងឧបករណ៍បទល្មើសនេសាទ ដែលជនល្មើសបានប្រព្រឹត្តនេះ បានធ្វើឡើងកាលពីថ្ងៃទី១១ ខែកក្កដា ខណៈកម្លាំងចម្រុះប្រមាណ ៣៥នាក់ និងបានប្រើប្រាស់កាណូតស្មាច់ចំនួន១១គ្រឿង ជាមធ្យោបាយក្នុងការចុះបង្ក្រាប។ នេះបើយោងតាមរបាយការណ៍ពីមន្ត្រីជំនាញ។
ប្រភពដដែលបញ្ជាក់ថា ភូមិសាស្ត្រដែលជាគោលដៅប្រព្រឹត្តបទល្មើសនេសាទ ដែលត្រូវបានបង្ក្រាបនេះ គឺស្ថិតក្នុងភូមិក្បាលតោល ឃុំកោះជីវាំង ស្រុកឯកភ្នំ ខេត្ដបាត់ដំបង។ ខណៈមន្ត្រីខ័ណ្ឌរដ្ឋាបាលជលផលខេត្តបានបញ្ជាក់ថា
ឆ្លៀតក្នុងរយៈពេលដែលកម្រិតទឹកនៃបឹងទន្លេសាបបានហក់ឡើងបានមួយកម្រិត គឺជាឱកាសសម្រាប់មច្ឆាជាតិចម្រុះចេញរកចំណី និងរកទីជម្រកសម្រាប់ទម្លាក់ពងកូន ក៏ជាឱកាសល្អរបស់ជនខិលខូចផ្តើមប្រព្រឹត្តបទល្មើសនៅតាមទីតាំងដែលជាគោលដៅសំខាន់ៗផងដែរ ទើបមន្ត្រីជំនាញ និងប្រជាសហគមន៍សហការគ្នាតាមពិនិត្យជាប្រចាំទើបឈានដល់ការបង្ក្រាបតែម្តង។

ទីតាំងទាំង០៦ដែលជនបង្កបានប្រព្រឹត្តនោះរួមមាន ១/ចំណុចខាងត្បូងពាក់កន្ទេល រឹបអូសបាន របាំងសាច់អួនប្រវែង
៧០០ម៉ែត្រ,បង្គោលចំនួន១២០ដើម,ឡុកចាប់ត្រីចំនួន០២គ្រឿង។២/ចំណុចកោះក្រញ៉ាន រឹបអូសបាន របាំងស្បៃម៉ុងប្រវែង១៥០០ម៉ែត្រ,បង្គោលចំនួន២៣០ដើម,លូស្បៃមុងចំនួន២៥មាត់។៣/ចំណុចក្បាលក្របី រឹបអូសបាន របាំងសាច់អួនប្រវែង ៧០០ម៉ែត្រ,បង្គោលចំនួន១៥០ដើម,ឡុកចាប់ត្រីចំនួន០២គ្រឿង។៤/ចំណុចខាងកើតព្រៃត្រសក់ រឹបអូសបាន របាំងសាច់អួនប្រវែង៦០០ម៉ែត្រ,បង្គោលចំនួន២០០ដើម,ឡុកចាប់ត្រីចំនួន០២គ្រឿង។៥/ចំណុចអ្នកតាឃ្លាំង រឹបអូសបាន របាំងសាច់អួនប្រវែង៦០០ម៉ែត្រ,បង្គោលចំនួន២០០ដើម,ឡុកចាប់ត្រីចំនួន០២គ្រឿង។៦/ចំណុចកោះរីក រឹបអូសបាន របាំងស្បៃមុងប្រវែង ១១០០ម៉ែត្រ,បង្គោលចំនួន២៥០ដើម,លូស្បៃមុងចំនួន៣០មាត់។សរុបសាច់ស្បៃមុងចំនួន២,៦០០ម៉ែត្រសាច់អួន២,៦០០ម៉ែត្រ,ឡុក០៨គ្រឿង,បង្គោល១,១៥០ដើមនិងលូស្បៃមុងចំនួន៥៥មាត់ ។

ដោយឡែកមន្ត្រីដដែលបានអះអាងថា ក្រោយពីបានដុតបំផ្លាញវត្ថុតាង និងសម្ភារៈល្មើសខាងលើ ជនប្រព្រឹត្តក៏ត្រូវឲ្យចូលខ្លួនមកទទួលទោសតាមផ្លូវច្បាប់ផងដែរ ខណៈរាល់ការបង្ក្រាបបទល្មើសម្តងៗមហាជនមើលឃើញថា មិនដែលបានឃាត់ខ្លួន ឬបង្ហាញឈ្មោះជនល្មើសណាម្នាក់ជាសាធារណៈនោះទេ ទើបបទល្មើសនៅតែមិនថមថយ៕
អត្ថបទ៖ សៅ សារិទ្ធ





-
ព័ត៌មានអន្ដរជាតិ១០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?