ព័ត៌មានជាតិ
គ្រឹះស្ថានសាសនាខេត្តកំពត ត្រៀមរួចរាល់ដើម្បីអបអរសាទរពិធីបើកការដ្ឋានគម្រោងព្រែកជីកហ្វូណនតេជោ
នាថ្ងៃទី១៣ ខែកក្កដា ឆ្នាំ២០២៤នេះ លោក នាក់ យិតថូ ប្រធានមន្ទីរធម្មការ និងសាសនាខេត្តកំពត បានឲ្យដឹងថា មកដល់ថ្ងៃនេះ គ្រប់គ្រិះស្ថានសាសនាដូចជា នៅតាមទីវត្តអារាម វិហារ សារ៉ាវ គ្រិស្តមណ្ឌល នៅទូទាំងខេត្តកំពត បានត្រៀមលក្ខណៈរួចរាល់ដើម្បីអបអរសាទរពិធីបើកការដ្ឋានសាងសង់ព្រែកជីកហ្វូណនតេជោ នៅថ្ងៃទី៥ ខែសីហាខាងមុខ ខណៈដែលព្រះមេគណខេត្ត ថាគ្រប់វត្តអារាម ព្រះសង្ឃ យាជីតាជី និងពុទ្ធបរិស័ទនឹងចូលរួមទូងស្គរសូត្រធម៌ប្រសិទ្ធពរជ័យជូនដល់ថ្នាក់ដឹកនាំ និងក្រុមការងារឲ្យទទួលជោគជ័យ។
![](https://www.kampucheathmey.com/wp-content/uploads/2024/07/photo_2024-07-13_16-21-39.jpg)
លោក នាក់ យិតថូ ប្រធានមន្ទីរធម្មការ និងសាសនាខេត្តកំពតបានប្រាប់ឲ្យដឹថា ក្រោយពីបានទទួលការណែនាំពីក្រសួងធម្មការ និងសាសនា លោកស្នើឱ្យមន្ត្រីជំនាញបានធ្វើការផ្សព្វផ្សាយបន្តដល់គ្រីះស្ថានសាសនា ពុទ្ធសាសនា ឥស្លាមសាសនា គ្រិស្តសាសនា និងសាសនាដទៃទៀតឲ្យត្រៀមលក្ខណៈចូលរួមអប់អរសាទរការបើកកាដ្ឋានសាងសង់ព្រែកជីកហ្វូណនតេជោ នៅថ្ងៃទី៥ ខែសីហា វេលាម៉ៅង ៩និង៩នាទីព្រឹក ដោយគ្រប់វត្តអារាម វិហារសាសនាទាំងអស់ ត្រូវចងទង់ជាតិ ទង់ជ្វាលា ទង់សាសនា សម្អាតបរិស្ថានទីធ្លាតាមគ្រិះស្ថានសាសនានីមួយៗឲ្យបានស្អាត និងត្រូវវាយរគាំង ទូងស្គរ ទះប៉ោត គោះត្រដោកជាដើម។ល។ បន្លឺសំឡេងឲ្យកង់រំពង។ លោកបានបន្តថា មកដល់ថ្ងៃនេះ គ្រប់គ្រឹះស្ថានសាសនាទាំងអស់ ពិសេសតាមវត្តអារាម បានត្រៀមរៀបចំរួចរាល់ហើយ។
ព្រះជលធីវាសី ញ៉ែត ចន្ទតារា ព្រះមេគណខេត្តកំពត មានសង្ឃដីកាថា គ្រប់វត្តអារាមបានត្រៀមស្គរ រគាំង ទង់សាសនា ទងជ្វាលា រួចរាល់ហើយ ដើម្បីធ្វើកិច្ចចូលរួមអប់អរសាទរ និងគាំទ្រពិធីបើកកាដ្ឋានព្រែកជីកហ្វូណនតេជោ នៅថ្ងៃទី៥ ខែសីហា វេលាម៉ោង ៩ និង៩នាទីព្រឺក។
![](https://www.kampucheathmey.com/wp-content/uploads/2024/07/photo_2024-07-13_16-21-45-1024x593.jpg)
សម្រាប់ថ្ងៃបើកការដ្ឋានសាងសង់ព្រែកជីកហ្វូណនតេជោនោះដែរ រដ្ឋបាលខេត្តក៏បានណែនាំដល់មន្ទីរអង្គភាពជុំវិញខេត្ត រដ្ឋបាលក្រុងស្រុក ប្រជាពលរដ្ឋឲ្យរៀបចំកន្លែង និងគេហដ្ឋានរបស់ខ្លួនរឲ្យបានស្អាត មានចងទង់ជាតិ ទង់ជ្វាលា និងមានគោះស្គរ ទះប៉ោតដើម្បីបន្លឺសំឡេងដើម្បីអប់អរសាទរ និងគាំទ្រដល់គម្រោងព្រែកជីកហ្វូណនតេជោផងដែរ៕
អត្ថបទ៖ សឹង រ៉ាត់
![](https://www.kampucheathmey.com/wp-content/uploads/2024/07/photo_2024-07-13_16-21-51-1024x572.jpg)
![](https://www.kampucheathmey.com/wp-content/uploads/2024/07/photo_2024-07-13_16-22-07-1024x608.jpg)
![](https://www.kampucheathmey.com/wp-content/uploads/2024/07/photo_2024-07-13_16-22-12.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
សេដ្ឋកិច្ច៦ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ១ សប្តាហ៍ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ១១ ម៉ោង ago
អាកាសធាតុអំណោយផល ចំណោតដែលរអិលផុងខ្លាំងផ្លូវជាតិលេខ ៤៨ ត្រូវកែសម្រួលល្អឡើងវិញ
-
ព័ត៌មានជាតិ១ សប្តាហ៍ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៥ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ៣ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៤ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់