ព័ត៌មានជាតិ
អ្នកជំនាញ ៖ ជំងឺផ្លូវដង្ហើម ជាបន្ទុកដ៏ធ្ងន់ និងជាជំងឺឈានមុខគេក្នុងចំណោមជំងឺទាំងឡាយរបស់កុមារនៅកម្ពុជា
លោកសាស្ត្រាចារ្យ វេជ្ជបណ្ឌិត គឹម អាង អនុប្រធានមន្ទីរពេទ្យកុមារជាតិ បានអះអាងថា ជំងឺផ្លូវដង្ហើម គឺជាបន្ទុកដ៏ធ្ងន់ និងជាជំងឺឈានមុខគេក្នុងចំណោមជំងឺទាំងឡាយរបស់កុមារនៅកម្ពុជា ដែលទាមទារឱ្យក្រុមគ្រូពេទ្យទាំងអស់ ត្រូវចូលរួមក្នុងការធ្វើរោគវិនិច្ឆ័យ ការព្យាបាល និងការការពារមានប្រសិទ្ធភាពខ្ពស់។
ថ្លែងក្នុងសន្និសីទក្រោមប្រធានបទ«រួមគ្នាកាត់បន្ថយជំងឺផ្លូវដង្ហើមខាងលើដល់កុមារ» កាលពីថ្ងៃទី ១៣ កក្កដា នៅសណ្ឋាគារភ្នំពេញ លោកសាស្ត្រាចារ្យ បានបន្តថា «បើយើងគ្រូពេទ្យចេះច្បាស់នូវផ្នែកជំងឺផ្លូវដង្ហើមនេះ បានជួយកាត់បន្ថយ និងជួយសម្រាលនូវការព្យាបាលរហូតដល់ទៅ ១ ភាគ ៣ នៃជំងឺកុមារ ពិសេសជំងឺផ្លូវដង្ហើមខាងលើនេះវាជារឿងសំខាន់»។
លោកសាស្ត្រាចារ្យ បានបន្តទៀតថា ការចូលរួមរបស់អ្នកជំនាញជាតិ និងអន្តរជាតិ នាពេលនេះ ដើម្បីស្វែងយល់ពីការអាប់ដេតថ្មីៗ ទាក់ទិននឹងការធ្វើរោគវិនិច្ឆ័យ ការការពារ និងការព្យាបាលដែលមានវាគ្មិនមកពីក្នុងស្រុក និងក្រៅស្រុក ហើយវិធីការចំពោះជំងឺផ្លូវដង្ហើមកុមារនេះក៏មានបញ្ចូលការធ្វើអនាម័យដូចជំងឺកូវីដដែរ និងលើកទឹកចិត្តដល់អ្នកម្តាយបំបៅកូនដោយទឹកដោះម្តាយ និងការចាក់វ៉ាក់សាំង ១១ មុខ និងការចាក់វ៉ាក់សាំងការពារជំងឺផ្តាសាយ ព្រមទាំងផ្តល់អាហារូបត្ថម្ភល្អដល់កុមារ។
លោកស្រី ឱសថការី ឌៀប ពៅ បានលើកឡើងថា សន្និសីទស្តីអំពីប្រធានបទ “រួមគ្នាកាត់បន្ថយជំងឺរលាកផ្លូវដង្ហើមផ្នែកខាងលើចំពោះកុមារ» ធ្វើឡើងក្នុងគោលបំណងចែករំលែកព័ត៌មាននូវការអភិវឌ្ឍថ្មីៗ នៃឱសថ ដែលក្រុមអ្នកស្រាវជ្រាវបណ្តាប្រទេសនៅអឺរ៉ុប ជាពិសេសអ៊ីតាលីដែលយកមកផ្គត់ផ្គង់ដល់ប្រទេសកម្ពុជា ដើម្បីចូលរួមចំណែកកាត់បន្ថយការប៉ះពាល់ធ្ងន់ធ្ងរដល់សុខភាព និងការថែទាំសុខភាពកូនៗ ក្នុងគ្រួសារផងដែរ។
ជាងនេះទៀត សន្និសីទនេះ ធ្វើឱ្យក្រុមគ្រូពេទ្យ និងអ្នកជំនាញ ទទួលបាននូវបទពិសោធបច្ចេកទេស និងការយល់ដឹងថ្មីៗ បន្ថែមពីការព្យាបាល ការការពារទប់ស្កាត់ពីជំងឺ រលាកផ្លូវដង្ហើមរបស់កុមារ និងមនុស្ស ពេញវ័យដែលបង្កឡើងដោយបាក់តេរី ដែលជាញឹកញាប់តែងតែជួបលើកុមារតូចៗ ដែលកង្វះអនាម័យជាហេតុ ធ្វើឱ្យក្រុមគ្រួសាររបស់ប្រជាពលរដ្ឋ មានក្តីបារម្ភ ខាតបង់ថវិកា និង ខាតពេលវេលាជាដើម។
លោកស្រីសង្ឃឹមថា សន្និសីទនេះ នឹងផ្តល់អត្ថប្រយោជន៍ជាចំណេះដឹងដ៏មានតម្លៃដល់អ្នកចូលរួមទាំងអស់គ្នាក្នុងការងារអនុវត្តការងារវេជ្ជសាស្ត្រប្រកបដោយវិជ្ជាជីវៈ និងមានប្រសិទ្ធភាពខ្ពស់៕
អត្ថបទ ៖ សំអឿន
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ