ជនជាតិចិន៨នាក់ និងអ្នករត់តាក់ស៊ី២នាក់ រត់ទៅខេត្តកោះកុង តេស្ត​អវិជ្ជ​មាន​កូវីដ១៩​ទាំងអស់

យោងតាមលោក ចេង មុន្នីរិទ្ធ អភិបាលស្រុកគិរីសាគរ ខេត្តកោះកុង ជនជាតិចិន៨នាក់ និងអ្នករត់តាក់ស៊ី២នាក់ ដែលបាធ្វើដំណើរចេញពីខុន​ដូរ​មួយ​នៅ​​ភ្នំពេញ ដែលជាកន្លែងពាក់ព័ន្ធក្នុងព្រឹត្តិការណ៍២០កុម្ភៈ ទៅខេត្តកោះកុង មានលទ្ធផលអវិជ្ជមានកូវីដ១៩ទាំងអស់ ហើយបច្ចុប្បន្នកំពុងធ្វើច​ត្តា​ឡី​ស័កនៅមណ្ឌល​សុខភាព​កូន​កុក ក្នុង​ឃុំភ្ញី​មាស ស្រុក​គី​រី​សាគរ​ខេត្តកោះកុង។​

ក្រោយទទួលបានព័ត៌មានពី​វត្តមាន​របស់​ជនជាតិ​ចិន ​ពុំមាន​ឯកសារ​សម្គាល់​ខ្លួន និង​សង្ស័យ​ជាប់​ពាក់ព័ន្ធ​ព្រឹត្តិការណ៍​២០​កុម្ភៈ លោក ទួន ឪ​ទី អភិបាលរង​ស្រុក បាន​ដឹកនាំ​កម្លាំង​នគរបាល​នៃ​អធិ​ការដ្ឋាន និងកម្លាំង​សឹក​រង​ស្រុក​ចុះ​ពិនិត្យ​ដល់​គោលដៅ​នៅវេលា​ម៉ោង​១១និង​១៥​នាទី​យប់​ថ្ងៃទី​២៧ ខែ​កុម្ភៈ ឆ្នាំ២០២១ បាន​នាំខ្លួន​ជនជាតិ​ចិន​ចំនួន​៨​នាក់ (​ស្រី​១​នាក់) និងតៃកុង​ឡាន​ឈ្នួល​ចំនួន​០២​នាក់ យកទៅមណ្ឌល​សុខភាព​កូន​កុក ក្នុង​ឃុំភ្ញី​មាស ស្រុក​គី​រី​សាគរ​ខេត្តកោះកុង ដើម្បី​ធ្វើ​ច​ត្តា​ឡី​ស័ក។​

អត្ថបទ៖ វ៉ាត វិន​