ព័ត៌មានជាតិ
ប្រជានេសាទអយស្ទ័រធម្មជាតិ ស្នើឲ្យអាជ្ញាធរ និងមន្រ្តីជំនាញគាំទ្រការចិញ្ចឹមបន្ទាប់ពីទីផ្សារធ្លាក់ចុះខ្លាំង
នៅរសៀលថ្ងៃទី១៤ ខែកក្កដា ឆ្នាំ២០២៤ លោក នុន សុភាព ជាប្រជានេសាទ និងលក់អយស្ទ័ររស់នៅក្នុងសង្កាត់កោះតូច ក្រុងបូកគោ ខេត្តកំពត បានប្រាប់ឱ្យដឹងថា លោកបានប្រកបរបនេះជាង៧ឆ្នាំ ជាផលនេសាទអយស្ទ័រធម្មជាតិ ដោយបានថយចុះខ្លាំង ដូច្នេះហើយក្នុងទំហំអយស្ទ័រវាមានកាន់តែតូចទៅៗ ទើបអតិថិជនងាកមកនិយមទៅទទួលទានអយស្ទ័ររបស់វៀតណាមជំនួសវិញដោយវាមានទំហំធំជាងអយស្ទ័រខ្មែរ។ ប្រជានេសាទ បានស្នើឱ្យអាជ្ញាធរ និងមន្ត្រីជំនាញ និងអង្គការដៃគូបន្តគាំទ្រ និងផ្តល់វគ្គបណ្តុះបណ្តាលអំពីការចិញ្ចឹមអយស្ទ័របន្ថែមទៀត។
![](https://www.kampucheathmey.com/wp-content/uploads/2024/07/photo_2024-07-15_10-14-23.jpg)
លោក នុន សុភាព ជាប្រជានេសាទអយស្ទ័រ រស់នៅភូមិព្រែកអំពិល សង្កាត់កោះតូច ក្រុងបូកគោខេត្តកំពត បានបញ្ជាក់ឱ្យដឹងថា ការប្រកបរបរអ្នកនេសាទអយស្ទ័រជាង ៧ឆ្នាំមកនេះបានជួយលើកកម្ពស់ជីវភាព និងរស់នៅក្នុងក្រុមគ្រួសារលោក និងប្រជាពលរដ្ឋនៅក្នុងភូមិព្រែកអំពិលមានជីវភាពបានប្រសើរហើយសមរម្យផងដែរ។ ប៉ុន្តែការប្រមូលផលពីមួយឆ្នាំទៅមួយឆ្នាំ ក្នុងការនេសាទអយស្ទ័រមានការថយចុះខ្លាំង ដោយសារតម្រូវការទីផ្សារមួយចំនួន និងអ្នកនេសាទមានការកើនឡើងកាន់តែច្រើនជាងមុន។
លោក នុន សុភាព បានបន្តទៀតថា ការទៅនេសាទអយស្ទ័រដោយបានចំណាយទុនច្រើនគួរសម ក្នុងមួយជើងដែលចេញទៅនេសាទនៅតាមបណ្ដាលកោះឆ្ងាយៗ កាលពីមុនចេញទៅនេសាទកោះនៅជិតៗ អាចរកអយស្ទ័របានចាប់ពី ២ពាន់ ទៅ៣ពាន់គ្រាប់ក្នុងមួយជើង ប៉ុន្តែនៅបច្ចុប្បន្ននេះអាចរកបានប្រមាណចាប់ពី ៤រយ ទៅ ៥រយគ្រាប់តែប៉ុណ្ណោះ។
![](https://www.kampucheathmey.com/wp-content/uploads/2024/07/photo_2024-07-15_10-14-28.jpg)
បើតាមការលើកឡើងពីម្ចាស់តូប ចែ តូច នៅសង្កាត់កោះតូច បានប្រាប់ឱ្យដឹងថា អ្នកស្រីបានលក់អយស្ទ័រជាងបីឆ្នាំមកហើយ ប៉ុន្តែបច្ចុប្បន្ននេះទីផ្សារអយស្ទ័រធម្មជាតិមានការធ្លាក់ចុះខ្លាំង ដោយសារការនាំចូល និងចែកចាយអយស្ទ័រទឹកដោះគោពីខាងក្រៅមកកាន់តែច្រើន។ ហើយដោយសារតែអយស្ទ័រធម្មជាតិមានចំនួនតិច ទំហំកាន់តែតូចៗទៅ ភ្ញៀវដែលនិយមទទួលទានអយស្ទ័របានងាយមកនិយមគាំទ្រទទួលទានអយស្ទ័រទឹកដោះគោវិញ។
![](https://www.kampucheathmey.com/wp-content/uploads/2024/07/photo_2024-07-15_10-14-31.jpg)
បើយោងតាមការបញ្ជាក់ពីប្រជានេសាទសមុទ្រជាអ្នកប្រកបរបរកអយស្ទ័រថា ជាងមួយឆ្នាំមុន គម្រោងរបស់អង្គការអភិរក្សសមុទ្រកម្ពុជាបានផ្តល់វគ្គបណ្តុះបណ្តាលអំពីការចិញ្ចឹមអយស្ទ័រដល់ប្រជានេសាទសមុទ្រនៅភូមិព្រែកអំពិលចំនួន ១០គ្រួសារ ប៉ុន្តែដោយសារការចិញ្ចឹមអយស្ទ័រមានរយៈពេលយូរ (២ឆ្នាំ) គម្រោងត្រូវបានបញ្ចប់មុនការប្រមូលផល ហើយមកដល់ពេលនេះ បើតាមការបញ្ជាក់ពីពលរដ្ឋថា ទិន្នផលអយស្ទ័រដែលចិញ្ចឹមបានក្នុងរង្វង់ ៣០ ភាគរយ នៃផែនការ ទាមទាឱ្យមានមន្ត្រីជំនាញ និងអង្គការដៃគូជួយបន្តគាំទ្រគម្រោងចិញ្ចឹមអយស្ទ័រ ឬផ្តល់បច្ចេកទេសបន្ថែមជូនដល់ប្រជានេសាទ។
![](https://www.kampucheathmey.com/wp-content/uploads/2024/07/photo_2024-07-15_10-14-42.jpg)
អយស្ទ័រធម្មជាតិដំបូងឡើយសំបូររស់នៅលើផ្ទាំងថ្មនៅតាមតំបន់កោះ ប៉ុន្តែដោយសារតម្រូវការទីផ្សារ មួយចំនួនអ្នករកអយស្ទ័រកាន់តែច្រើនជាងមុន ធ្វើឱ្យបរិមាណអយស្ទ័របានធ្លាក់ចុះខ្លាំង ដែលមកដល់បច្ចុប្បន្ននេះ បើតាមការបញ្ចាក់ពីប្រជានេសាទថា កន្លែងណាដូចកន្លែងណាដែរ អយស្ទ័រធម្មជាតិធំៗលែងមានទៀតហើយ ខណៈដែលអយស្ទ័រសេសសល់មានចំនួនកាន់តែតិចហើយ នៃទំហំកាន់តែតូចទៅៗនៅក្នុងបច្ចុប្បន្ន៕
អត្ថបទ៖ សឹង រ៉ាត់
![](https://www.kampucheathmey.com/wp-content/uploads/2024/07/photo_2024-07-15_10-14-42-1.jpg)
![](https://www.kampucheathmey.com/wp-content/uploads/2024/07/photo_2024-07-15_10-14-17.jpg)
![](https://www.kampucheathmey.com/wp-content/uploads/2024/07/photo_2024-07-15_10-14-20.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?