ព័ត៌មានជាតិ
ប្រធានរដ្ឋសភា ប្រាប់សមាជិកសភាជប៉ុន ថា ភាពរីកចម្រើនរបស់កម្ពុជា មានចំណែកជួយរបស់ជប៉ុន
ជួបជាមួយលោក យ៉ាម៉ាហ្គូឈិ ណាស្យុអុ សមាជិកព្រឹទ្ធសភាជប៉ុន, សម្ដេច ឃួន សុដារី ប្រធានរដ្ឋសភាកម្ពុជា បានបញ្ជាក់ប្រាប់សមាជិកព្រឹទ្ធជប៉ុនរូបនេះ ថា ភាពរីកមច្រើនរបស់កម្ពុជាពេលនេះ គឺមានចំណែកនៃការចូលរួមជួយរបស់ប្រទេសជប៉ុន នៅគ្រប់កាលៈទេសៈ ទាំងក្របខណ្ឌមនុស្សធម៌ សង្គម-សេដ្ឋកិច្ច។

សម្ដេច ឃួន សុដារី បានប្រាប់សមាជិកព្រឹទ្ធសភាជប៉ុន ថា «ការអភិវឌ្ឍរបស់កម្ពុជានាពេលនេះ មិនអាចកាត់ផ្តាច់ពីជំនួយរបស់ប្រទេសជប៉ុនបាននោះទេ»។ សម្តេចប្រធានរដ្ឋសភា សង្ឃឹមថា ចំណងមិត្តភាពកម្ពុជា-ជប៉ុន និងកាន់តែរឹងមាំ នៅគ្រប់កាលៈទេសៈ ដើម្បីចូលរួមថែរក្សាសុខសន្តិភាព ស្ថិរភាព វិបុលភាព ជូនពលរដ្ឋនៅក្នុងសកលលោក ហើយឈរលើមូលដ្ឋានសន្តិភាពនេះហើយ ទើបកម្ពុជា ក្លាយជាប្រទេសមុនគេនៅក្នុងតំបន់អាស៊ាន ដែលបានគាំទ្រគោលការណ៍ឥណ្ឌូប៉ាស៊ីហ្វិកសេរី និងបើកចំហរបស់ប្រទេសជប៉ុន។
នៅក្នុងជំនួបនៅវិមានរដ្ឋសភា នាព្រឹកថ្ងៃទី១៥ ខែកក្កដា ឆ្នាំ២០២៤ សម្ដេច ឃួន សុដារី ប្រធានរដ្ឋសភា សង្កត់ធ្ងន់ថា ដំណើរទស្សនកិច្ចរបស់គណៈប្រតិភូសភាជប៉ុន នឹងរួមចំណែកដ៏សំខាន់ដល់ការលើកកម្ពស់កិច្ចសហប្រតិបត្តិការរវាងប្រទេសទាំងពីរកាន់តែស្អិតល្មួតថែមទៀត ពិសេសគាំទ្រដល់ការអភិវឌ្ឍនៅកម្ពុជា។ សម្តេចប្រធានរដ្ឋសភា បានលើកឡើងពីការជឿទុកចិត្តគ្នាចេញពីបេះដូងរវាងប្រជាជនកម្ពុជា និងប្រជាជនជប៉ុន ដែលបានធ្វើឱ្យទំនាក់ទំនងរដ្ឋសភា និងរាជរដ្ឋាភិបាលកើនឡើងជាលំដាប់ ហើយបានឈានដល់ភាពជាដៃគូយុទ្ធសាស្ត្រគ្រប់ជ្រុងជ្រោយ។

សម្តេចប្រធានរដ្ឋសភា បានអរគុណប្រទេសជប៉ុន ដែលបានចូលរួមស្វែងរកសន្តិភាព និងគាំទ្រការអភិវឌ្ឍរបស់កម្ពុជារហូតមកទាំងក្នុងក្របខណ្ឌមនុស្សធម៌ សង្គម និងសេដ្ឋកិច្ច ពិសេសជប៉ុន បានបន្តគាំទ្រការសម្អាតមីននៅកម្ពុជា តាំងពីដើមមក និងបន្តទៅអនាគត ក្នុងការសម្រេចគោលដៅកម្ពុជាគ្មានមីននៅឆ្នាំ២០២៥ ឬ ឆ្នាំ២០៣០ខាងមុខនេះ។
លោក យ៉ាម៉ាហ្គូឈិ ណាស្យុអុ (YAMAGUCHI NATSUO) ប្រធានគណបក្ស Komeito និងជាសមាជិកព្រឹទ្ធសភាជប៉ុន បានវាយតម្លៃខ្ពស់ពីការរីកចម្រើនរបស់កម្ពុជា និងបានកោតសរសើរពីការដឹកនាំរបស់សម្តេចតេជោ ហ៊ុន សែន នៅក្នុងការធានាបាននូវសុខសន្តិភាពពេញលេញ និងការអភិវឌ្ឍដល់ប្រទេសជាតិ និងប្រជាជន។ លោកសមាជិកព្រឹទ្ធសភាជប៉ុន បានចាត់ទុកសន្តិភាពនៅកម្ពុជា មានគុណតម្លៃជាចាំបាច់ និងជាមូលដ្ឋានគ្រឹះនៃការអភិវឌ្ឍឱ្យកាន់តែរីកចម្រើនបន្ថែមទៀត៕


-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ