ព័ត៌មានជាតិ
កម្ពុជា-ចិន បើកកិច្ចប្រជុំលើកទី១១ ដើម្បីពង្រឹងការងារប្រយុទ្ធប្រឆាំងគ្រឿងញៀន
ភ្នំពេញ ៖ នៅថ្ងៃទី១៥ ខែកក្កដា ឆ្នាំ២០២៤ ស្ថាប័នប្រយុទ្ធប្រឆាំងគ្រឿងញៀនកម្ពុជា និងចិនបានជួបប្រជុំទ្វេភាគីលើកទី១១ស្តីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀនដោយពិភាក្សាលើ ៖ ការស៊ើបអង្កេតចាប់ឧក្រិដ្ឋជនគ្រឿងញៀន វិធានការបង្ការ បង្ក្រាបបទល្មើសគ្រឿងញៀន ការគ្រប់គ្រងសារធាតុគីមីផ្សំ ការងារពិសោធន៍គ្រឿងញៀន បណ្តុះបណ្តាលធនធានមនុស្ស។
ដែលកិច្ចប្រជុំនេះប្រព្រឹត្តទៅក្រោមអធិបតី លោកនាយឧត្តមសេនីយ៍ មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន កម្ពុជា NACD និងលោកឡាន ហ្វៃហុង (Lan Weihong) អគ្គលេខាធិការរងនៃគណៈកម្មាធិការត្រួតពិនិត្យគ្រឿងញៀននៃសាធារណរដ្ឋប្រជាមានិតចិន NNCC ព្រមទាំងមានអញ្ជើញចូលរួមពីតំណាងអង្គភាពជំនាញពាក់ព័ន្ធនៃប្រទេសទាំងពីរកម្ពុជា ចិន។
លោកនាយឧត្តមសេនីយ៍ មាស វិរិទ្ធ អគ្គលេខាធិការ បានមានប្រសាសន៍ដោយបានស្វាគមន៍ដល់ប្រតិភូមិត្តចិននិងបានលើកឡើងពីការងារមួយចំនួនដែលជាមតិដឹកនាំរបស់លោកសន្តិបណ្ឌិត នេត សាវឿន ឧបនាយករដ្ឋមន្ត្រី មាន ៖១.ការពង្រឹងពង្រីកកិច្ចសហប្រតិបត្តិការស្ថាប័នត្រួតពិនិត្យគ្រឿងញៀនកម្ពុជា ចិន។ ២.ថ្លែងអំណរគុណដល់មិត្តចិនដែលតែងតែគាំទ្រដល់ការងារត្រួតពិនិត្យគ្រឿងញៀនកម្ពុជា។
៣.ការបណ្តុះបណ្តាលមន្ត្រីអនុវត្តច្បាប់ សារធាតុគីមីផ្សំ មន្ទីរពិសោធន៍គ្រឿងញៀន ហើយកិច្ចសហការការងារត្រួតពិនិត្យគ្រឿងញៀនគឺត្រូវធ្វើឡើងដោយត្រង់ទៅត្រង់មក ” រលូន រហ័ស និងកាត់បន្ថយរដ្ឋបាល”។
លោក ឡាន ហ្វៃហុង (Lan Weihong) អគ្គលេខាធិការរង ចិន បានថា ទំនាក់ទំនងកម្ពុជា ចិន គឺជាមិត្តភាពដែកថែប ស្ថិតស្ថេរតរៀងរហូតទៅ។ ក្រោមកិច្ចសហប្រតិបត្តិការកម្ពុជា ចិន យើងបង្ក្រាបបាននូវករណីគ្រឿងញៀនឆ្លងដែនជាច្រើន ហើយនៅឆ្នាំ២០២៣កន្លងទៅកម្ពុជា ចិន បានសហការរួមគ្នាប្រយុទ្ធប្រឆាំងគ្រឿងញៀនបានយ៉ាងល្អ ជាមួយនេះ គម្រោងសុវត្ថិភាពទន្លេមេគង្គ ដែលមានសមាជិក៦ប្រទេស កម្ពុជា ចិន ឡាវ ថៃ ភូមា និងវៀតណាម យើងបានធ្វើការបង្ការបង្ក្រាបបានបទល្មើសគ្រឿងញៀនធ្វើឱ្យតំបន់តាមទន្លេមេគង្គមានសុវត្ថិភាពល្អ ហើយលោកក៏បានរំពឹងថា ស្ថាប័នត្រួតពិនិត្យគ្រឿងញៀនប្រទេសយើងទាំងពីរ កម្ពុជា ចិន នឹងដើរតួនាទីយ៉ាងសំខាន់ធ្វើឱ្យកិច្ចសហការមានប្រសិទ្ធភាព សម្របសម្រួលបានរាល់ករណីគ្រឿងញៀន៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា