ព័ត៌មានជាតិ
ឯកឧត្ដម ហ៊ុន ម៉ានី អញ្ជើញជាអធិបតីក្នុងកម្មវិធីប្រគល់ថវិកាមនុស្សធម៌ជូនមន្ទីរពេទ្យកុមារជាតិ ចំនួន ២៨០ លានរៀល
កាលពីរសៀលថ្ងៃទី ១៥ ខែកក្កដា ឆ្នាំ ២០២៤ ម្សិលមិញ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញចូលរួមជាអធិបតីក្នុងកម្មវិធីប្រគល់ថវិកាមនុស្សធម៌ជូនមន្ទីរពេទ្យកុមារជាតិ ចំនួន ២៨០ លានរៀល ដែលថវិកាទាំងអស់ទទួលបានពីការលក់សំបុត្រទស្សនាការប្រកួតពានរង្វាន់បាល់ទាត់ ដើម្បីសប្បុរសធម៌នៅមន្ទីរពេទ្យកុមារជាតិ។
អញ្ជើញមានវត្តមាននាឱកាសនោះរួមមាន លោកវេជ្ជបណ្ឌិត ញឹប អង្គាបុស្ស រួមទាំងក្រុមគ្រូពេទ្យ ឯកឧត្ដម លោកជំទាវ សមាជិកគណៈកម្មាធិការអចិន្ត្រៃយ៍ ស.ស.យ.ក និងក្រុមការងាររៀបចំការប្រកួតពានរង្វាន់បាល់ទាត់ Soccer League។
នាឱកាសនោះដែរ ឯកឧត្ដម ហ៊ុន ម៉ានី បានសម្ដែងនូវសេចក្ដីសោមនស្សរីករាយ ដែលបានដឹកនាំ សមាជិក-សមាជិកា ដើម្បីមកប្រគល់ថវិកាជូនមន្ទីរពេទ្យកុមារជាតិ។
ឯកឧត្ដម បានកោតសរសើរ និងថ្លែងអំណរគុណដល់គណៈកម្មាធិការរៀបចំការប្រកួតបាល់ទាត់ពានរង្វាន់ Soccer League ដែលដឹកនាំដោយ លោកអភិសន្តិបណ្ឌិត ស សុខា បានធ្វើការលក់សំបុត្រទស្សនាការប្រកួតពានរង្វាន់បាល់ទាត់ និងកៀរគរសប្បុរសជន ដើម្បីប្រមូលថវិកាជូនមន្ទីរពេទ្យកុមារជាតិ ក្នុងគោលបំណងជួយសម្រួលបន្ទុកមួយចំនួនដល់មន្ទីរពេទ្យ និងកុមារ។
ជាមួយនោះ លោកវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានថ្លែងអំណរគុណយ៉ាងជ្រាលជ្រៅចំពោះ ឯកឧត្ដម ហ៊ុន ម៉ានី ដែលបាននាំយកថវិកាជួយដល់មន្ទីរពេទ្យកុមារជាតិ។
លោកវេជ្ជបណ្ឌិត បានបន្តថា ថវិកាទាំងនេះ ពិតជាមានសារៈសំខាន់ជាទីបំផុតសម្រាប់មន្ទីរពេទ្យ ស្របពេលដែលមន្ទីរពេទ្យ កំពុងមានការអភិវឌ្ឍឥតឈប់ឈរ ឆ្លើយតបទៅនឹងកំណើនរបស់អ្នកជំងឺចេះតែមានការកើនឡើងជាបន្តបន្ទាប់ ពិសេសឆ្លើយតបទៅនឹងការរីកចម្រើនវិស័យវេជ្ជសាស្ត្រថ្មី ទាំងបច្ចុប្បន្ន និងទៅថ្ងៃអនាគត។
គួរបញ្ជាក់ថា ការប្រកួតបាល់ទាត់ដើម្បីសប្បុរសនេះ គឺជាជាគំនិតផ្ដួចផ្ដើមដ៏ថ្លៃថ្លារបស់ក្រុមគ្រួសារ ស.ស.យ.ក មានគោលបំណងក្នុងការប្រមូលថវិកាពីការលក់សំបុត្រមកជួយឧបត្ថម្ភជូនមន្ទីរពេទ្យដែលត្រូវជួយសង្គ្រោះកុមារ។
ការប្រកួតបាល់ទាត់សប្បុរស បានបញ្ចប់ទៅដោយរលូន មានការចូលរួមជួយជ្រោមជ្រែង និងគាំទ្រពីសំណាក់សប្បុរសជន ក្រុមហ៊ុនឯកជន កីឡាករ កីឡាការិនី តារាចម្រៀង តារាសម្តែង និងសមាជិក-សមាជិកា ស.ស.យ.ក ជាច្រើននាក់ ផងដែរ៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១៤ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?