ព័ត៌មានជាតិ
ប្រភពត្រីបឹងទន្លេសាបខេត្តបាត់ដំបង អាចបំពេញតម្រូវការសិប្បកម្មផលិតទឹកត្រីទាំង ៦ ទីតាំង ក្នុងខេត្ត
ម្ចាស់សិប្បកម្មកែច្នៃផលិតទឹកត្រីមួយចំនួននៅក្នុងខេត្តបាត់ដំបង បានគូសបញ្ជាក់ឱ្យដឹងថា ត្រីដែលប្រជានេសាទរកបាននៅក្នុងខេត្ត អាចជួយឱ្យពួកគេប្រមូលទិញយកមកផ្គត់ផ្គង់សម្រាប់ផលិតកម្មបានយ៉ាងគ្រប់គ្រាន់ និងថែមទាំងជួយសម្រួលជីវភាពដល់ពលរដ្ឋមួយចំណែកផងដែរ។
ដោយហេតុថា ប្រជាពលរដ្ឋភាគច្រើននៅក្នុងខេត្តបាត់ដំបង បច្ចុប្បន្ននិយមគាំទ្រ និងបរិភោគទឹកត្រីដែលផលិតក្នុងស្រុក ដោយពួកគេយល់ឃើញថា ទឹកត្រីផលិតក្នុងស្រុក មានរសជាតិឈ្ងុយឆ្ងាញ់ និងផលិតតាមបែបធម្មជាតិចេញពីសាច់ត្រីសុទ្ធសាធ។
អ្នកស្រី សាន មុំ គ្រួសាររបស់អ្នកស្រីប្រើតែទឹកត្រីខ្មែរតែប៉ុណ្ណោះ ព្រោះមានរសជាតិល្អ ហើយមានក្លិនឈ្ងុយជាងទឹកត្រីនាំចូល ទឹកត្រីនាំចូលខ្លះមានតែពណ៌ក្រហម និងប្រៃខ្លាំង ហើយក្លិនស្រាលដូចមិនមែនផលិតពីសាច់ត្រី។
បើទោះបីបែបនេះក្តី អ្នកស្រី ក៏សំណូមពរដល់មន្ត្រីជំនាញបច្ចេកទេសពាក់ព័ន្ធជួយពិនិត្យតាមបណ្តាសិប្បកម្មទាំងអស់ក្នុងខេត្តឲ្យបានត្រឹមត្រូវ ជៀសវាងប៉ះពាល់ដល់សុខភាពអ្នកប្រើប្រាស់ បើសិនជាសិប្បកម្មណាមួយប្រើប្រាស់សាច់ត្រីបង្កកដែលនាំចូលដោយប្រើប្រាស់សាធាតុគីមីយកមកផលិត។
ក្រៅពីនេះមន្ត្រីជំនាញក៏ត្រូវពិនិត្យលើការផលិត ប្រកបដោយអនាម័យខ្ពស់ ព្រោះសុខភាពជាបញ្ហាសំខាន់ និងអាចបង្កដល់កម្រឹតជីវិភាពរបស់អ្នកប្រើប្រាស់ធ្លាក់ចុះ។
ជាមួយគ្នានេះ ម្ចាស់សិប្បកម្មមួយចំនួនក្នុងខេត្តបាត់ដំបង ក៏បានប្រាប់ឲ្យដឹងថា ការផលិតទឹកត្រីនៅក្នុងសិប្បកម្មរបស់ពួកគេ យកតែត្រីក្នុងស្រុកប៉ុណ្ណោះ គឺត្រីប្រហុក ដែលទិញពីប្រជានេសាទ ហើយអ្នកខ្លះក៏ដឹកយកមកលក់ឲ្យដោយផ្ទាល់ក៏មាន។
ជាក់ស្តែង ការទិញត្រីសម្រាប់យកមកផលិតទឹកត្រីនេះ ក៏ដូចបានជួយផ្តល់ទីផ្សារមួយដល់ប្រជាពលរដ្ឋដែលជាអ្នកនេសាទនៅបឹងទន្លេសាបជាលក្ខណៈគ្រួសារ ក៏ដូចជាប្រជាកសិករដែលរកតាមស្រែផងដែរ ខណៈដែលពួកគេលក់សល់ពីលើទីផ្សារ ហើយត្រីដែលសល់ហើមសាច់ក៏ទទួលទិញយកទាំងអស់ដែរ។
យ៉ាងណាមិញ ចំពោះត្រីនាំចូលខុសច្បាប់ ម្ចាស់សហគ្រាសក៏បញ្ជាក់ថា ពួកគេមិនដែលទិញយកមកផលិតនោះទេ ដោយសារតែថ្ងៃណាមួយអ្នកប្រើប្រាស់ទឹកត្រីមានបញ្ហាលើការប្រើប្រាស់ ពេលនោះអាជីវកម្មរបស់ពួកគាត់ក៏ប៉ះពាល់ផងដែរ។
ម្ចាស់សិប្បកម្មខាងលើបានបន្តថា៖ «ខ្ញុំសុខចិត្តចំណេញតិច តែមានទីផ្សារច្រើន សំខាន់ខ្ញុំផ្អែកលើតែគុណភាព និងអនាម័យប៉ុណ្ណោះ»។
ទន្ទឹមគ្នានេះដែរ លោក ជួង សុភា នាយខណ្ឌរដ្ឋបាលជលផលខេត្តបានឲ្យដឹងថា ខេត្តបាត់ដំបង អាចផ្គត់ផ្គង់ត្រីបានតាមតម្រូវការសម្រាប់ផលិតទឹកត្រីក្នុងខេត្តបានគ្រប់គ្រាន់ និងប្រកបដោយគុណភាពល្អ សម្រាប់បម្រើដល់ប្រជាពលរដ្ឋទូទាំងខេត្ត និងអាចមានការនាំចេញចែកចាយតាមបណ្ដាខេត្តក្នុងស្រុកបានយ៉ាងប្រសើរទៀតផង។
លោកបានបន្តឲ្យដឹងទៀតថា បច្ចុប្បន្នទូទាំងខេត្តបាត់ដំបង មានសិប្បកម្មកែច្នៃផលិតទឹកត្រីសរុបចំនួន ៦ទីតាំង ក្នុងនោះមាន ១,លោកស្រី វង្សសុខយេម ជាម្ចាស់សិប្បកម្ម មានទីតាំងនៅក្នុង ភូមិរំចេក៤ សង្កាត់រតនៈ ក្រុងបាត់ដំបង មានរូបសញ្ញា (ព្រះអាទិត្យ) ។
២,លោក អ៊ា ថៃភួង ជាម្ចាស់សិប្បកម្ម មានទីតាំងស្ថិតក្នុងភូមិ ១៣មករា សង្កាត់ព្រែកព្រះស្តេច ក្រុងបាត់ដំបង មានរូបសញ្ញា(ភ្នំបាណន់)។ ៣, លោ វ៉ូ សុខជា ជាម្ចាស់សិប្បកម្ម មានទីតាំងស្ថិតក្នុងភូមិអូរខ្ជាយ សង្កាត់ព្រែកព្រះស្តេច ក្រុងបាត់ដំបង មានរូបសញ្ញា (សេកមាស)។ ៤,លោក លី ហេង ម្ចាស់សិប្បកម្មមានទីតាំងស្ថិតក្នុងភូមិតាតន់ សង្កាត់ព្រែកព្រះស្តេច ក្រុងបាត់ដំបង មានរូបសញ្ញា(ត្រីទន្លេសាប)។
៥,លោក លី សេង ម្ចាស់សិប្បកម្ម មានទីតាំងស្ថិតក្នុងភូមិឡឥដ្ឋ សង្កាត់ព្រែកព្រះស្តេច ក្រុងបាត់ដំបង មានរូបសញ្ញា (ត្បូងពេជ្រ)។ ៦,លោក ហ៊ាន និង ប្រពន្ធឈ្មោះ ឡា ម្ចាស់សិប្បកម្ម មានទីតាំងស្ថិតក្នុងភូមិជ្រៃ ឃុំជ្រៃ ស្រុកមោងឬស្សី ខេត្តបាត់ដំបង មានរូបសញ្ញា(ស្រី៧នាក់) ។
លោក ជួង សុភា បានបញ្ជាក់បន្តថា សិប្បកម្មកែច្នៃផលិតទឹកត្រីទាំង ៦សិប្បកម្មនេះ បើគិតត្រឹមខែមិថុនា អនុវត្តបានចំនួន ១,៣៦៨,០០០ លីត្រ។
លោក កត បូរ៉ាន់ ប្រធានមន្ទីរបរិស្ថានខេត្ត បានឲ្យដឹងថា សិប្បកម្មកែច្នៃផលិតទឹកត្រីទាំង ៦ ទីតាំងទូទាំងខេត្តមាន ១ ទីតាំង ដែលមានរូបសញ្ញា(ព្រះអាទិត្យ) មានស្តង់ដាផ្នែកបរិស្ថានប្រសើរជាងគេ។
លោកបានជំរុញឲ្យសិប្បកម្មទាំងអស់ត្រូវអនុវត្តឲ្យបានប្រសើចំពោះបរិស្ថានសម្រាប់សិប្បកម្មរបស់ខ្លួននីមួយៗ ជៀសវាងបង្កលក្ខណៈមិនល្អទៅលើអ្នករស់នៅជុំវិញសិប្បកម្មរបស់ខ្លួន និងបង្កឲ្យមានបរិយាកាសមិនល្អក្នុងមូលដ្ឋានជាដើម បើពុំនោះទេមន្ទីរនឹងមានវិធានការច្បាប់៕
អត្ថបទ៖ សៅ សារិទ្ធ
រយៈពេល១០ខែដើមឆ្នាំ២០២៤ សមត្ថកិច្ចនគរបាលយុត្តិធម៌បង្ក្រាបអំពើជួញដូរមនុស្ស និងករណីបៀតបៀនផ្លូវភេទបានចំនួន៤៨នាក់
ក្រោយភ្លៀង មេឃស្រឡះ! លោក ផាត់ ហ៊ន ត្រូវបានរដ្ឋមន្ត្រីក្រសួងព័ត៌មាន និងយុត្តិធម៌ ជួយឱ្យរួចផុតពីបណ្ដឹងព្រហ្មទណ្ឌ
លោក កើត ឆែ ៖ សន្តិភាពគឺជាទ្រព្យសម្បត្តិដែលមិនអាចកាត់ថ្លៃបានយើងមិនត្រូវឱ្យ៥០០ ឆ្នាំមុន វិលត្រឡប់មកវិញទេ
ក្រសួងការងារ និង ក្រុមហ៊ុន HONDA CARS HAKATA CO., LTD ចុះអនុស្សរណៈយោគយល់គ្នា ស្ដីពី “គម្រោងបណ្តុះបណ្តាលអ្នកជំនាញតោន និងបាញ់ថ្នាំរថយន្ត”
លោក សុខ សប្បាយណា ចុះផ្សព្វផ្សាយអំពីព្រឹត្តិការណ៍ «សាទរកម្ពុជា» ដល់និស្សិតជិត៦រយនាក់ នៅសាកលវិទ្យាល័យភូមិន្ទភ្នំពេញ
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
កាដូឆ្នាំថ្មី ម៉ាក់ស្រីនា ចាំចៅយូរពេក ស្វាគមន៍សមាជិកថ្មីខ្លួនឯង ផ្អើលទាំងយប់
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
-
ព័ត៌មានជាតិ៥ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម១៥ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៤ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៧ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ