ពលរដ្ឋមានដីនៅ 7NG ប្លុក B₂ អាចដាក់ពាក្យស្នើសុំចុះបញ្ជី រហូតដល់ថ្ងៃ១៣​ ខែសីហា

តាមសេចក្តីជូនដំណឹងរបស់ រដ្ឋបាលស្រុកខ្សាច់កណ្តាល ពលរដ្ឋដែលទិញដីឡូតិ៍ពីក្រុមហ៊ុន 7NG នៅប្លុក B₂ ស្ថិតនៅក្នុង ភូមិវិហារសួគ៌ត្បូង ភូមិតាកែវទី១ និង ភូមិតាកែវទី២ ទាំងអស់ អាចដាក់ពាក្យស្នើសុំចុះបញ្ជី និងដាក់ស្វ័យប្រកាស ចាប់ពីថ្ងៃទី១៣ ខែឧសភា ឆ្នាំ២០២៤ រហូតដល់ថ្ងៃ១៣​ ខែសីហា ឆ្នាំ២០២៤។

រដ្ឋបាលស្រុកខ្សាច់កណ្តាល បានបញ្ជាក់ថា ដើម្បីសម្រួលដល់ក្រុមការងារ ក្នុងការប្រមូលទិន្នន័យ របស់ប្រជាពលរដ្ឋដែលបាន ទិញដីឡូតិ៍ពីក្រុមហ៊ុន 7NG នៅប្លុក B₂ ស្ថិតនៅក្នុង ភូមិវិហារសួគ៌ត្បូង ភូមិតាកែវទី១ និង ភូមិតាកែវទី២ ទាំងអស់ សូមអញ្ជើញមកដាក់ពាក្យស្នើសុំចុះបញ្ជី និងដាក់ស្វ័យប្រកាស ដោយភ្ជាប់មកជាមួយ នូវឯកសារពាក់ព័ន្ធដូចជា លិខិតផ្ទេរសិទ្ធិកាន់កាប់អចលនទ្រព្យដែលមិនទាន់ចុះបញ្ជី ពីក្រុមហ៊ុន 7NG ឬ ភាគីពាក់ព័ន្ធ (ច្បាប់ដើម, ច្បាប់ថតចម្លង, អត្តសញ្ញាណប័ណ្ណម្ចាស់កាន់កាប់កម្មសិទ្ធិដី, សៀវភៅគ្រួសារ, សៀវភៅស្នាក់នៅ, សំបុត្រកំណើត, សំបុត្រអាពាហ៍ពិពាហ៍, ព្រមទាំងឯកសារពាក់ព័ន្ធនានា និងសូមធ្វើការថត ចម្លងឯកសារទាំងនោះមកជាមួយ)។

ចំពោះទីតាំង នៅទីស្នាក់ការក្រុមហ៊ុន ៧អិនជី រៀងរាល់ថ្ងៃធ្វើការ ចាប់ពីថ្ងៃទីថ្ងៃចន្ទ ដល់ ថ្ងៃសុក្រ ពេលព្រឹកម៉ោង ៨៖០០ ដល់ម៉ោង១១៖០០ នាទី និងពេលរសៀលម៉ោង ២៖០០ ដល់ម៉ោង ៥៖០០នាទី។ ដូច្នេះ ពលរដ្ឋដែលមានឯកសារកាន់កាប់ដីក្នុង ប្លុក B₂ អាចអញ្ជើញចូលរួម នៅទីតាំងដែលបានជម្រាបជូនខាងលើ និងចូលរួមសហការឱ្យបានទាន់ពេល វេលាដែលបានកំណត់ រាល់ភាពយឺតយ៉ាវរដ្ឋបាលស្រុកមិនទទួលខុសត្រូវលើការបាត់បង់អត្ថប្រយោជន៍ផ្សេងៗ នោះឡើយ៕