ព័ត៌មានជាតិ
មេសហជីពនៅកម្ពុជា ៖ សង់ត្រាល់ស្រែកក្តែងៗឱ្យគេធ្វើការដោយតម្លាភាព ប៉ុន្តែខ្លួនឯងបែរជាគ្មានតម្លាភាព
ភ្នំពេញ ៖ មេសហជីពនៅកម្ពុជាលើកឡើងថា អង្គការសង់ត្រាល់បម្រើ បរទេសធ្វើរបាយការណ៍លើផ្នែកសិទ្ធិមនុស្ស សិទ្ធិកម្មករ និងសិទ្ធិបញ្ចេញមតិនិយាយតែពីតម្លាភាព និងគណនេយ្យភាពមិនដាច់ពីមាត់ ប៉ុន្តែបែរជាព្យាយាមគេចវេស មានលេសមិនចេះចប់ នៅពេលអាជ្ញាធរ មានសមត្ថកិច្ចពង្រឹងការអនុវត្តតម្លាភាព និងគណនេយ្យភាព លើការទទួល បានហិរញ្ញវត្ថុរបស់ខ្លួន។
លោក ហង្ស រ៉ាវី ប្រធានសហភាពសហជីពរក្សាសិទ្ធិកម្មករកម្ពុជា ថ្លែងថា អង្គការសង់ត្រាល់គ្មានតម្លាភាពនៅក្នុងអង្គភាពរបស់ខ្លួននោះទេ។ គ្មានតម្លាភាពត្រង់ថា នៅពេលអង្គការវិជ្ចាជីវៈហៅថាសហជីព ក៏ដូចជាកម្មករក្នុងសេដ្ឋកិច្ចក្រៅប្រព័ន្ធ និងក្នុងប្រព័ន្ធស្នើឱ្យអង្គការនេះបង្ហាញគណនេយ្យភាព បង្ហាញលក្ខន្តិកៈ បង្ហាញជំនួយបរទេសរបស់ខ្លួន បែរជាអង្គការនេះមិនហ៊ានបង្ហាញ ហើយថែមទាំងបង្វែរដាន ស្វែងរកការអន្តរាគមន៍ពី សមាគមខាងក្រៅ ប្រទេសឱ្យជួយបិទបាំងការពារកំហុសរបស់ខ្លួនទៅវិញ។
លោកថ្លែងថា «គួរឱ្យអស់សំណើចណាស់ ដែលគាត់[អង្គការ សង់ត្រាល់] តែងតែប្រកាសក្តែងៗឱ្យស្ថាប័នក៏ដូចជាអង្គការដទៃធ្វើការឱ្យមានតម្លាភាព ប៉ុន្តែសម្រាប់គាត់ជាអង្គការវិជ្ជាជីវៈមួយផងដែរ គាត់គ្មានតម្លាភាពខ្លួនឯង។»
លោក ហង្ស រ៉ាវី បញ្ជាក់ថា ជារឿងអាម៉ាស់បំផុត នៅពេលតំណាងកម្មករក្នុងវិស័យកាត់ដេរ និងសេដ្ឋកិច្ចក្រៅប្រព័ន្ធចំនួន៤ម៉ឺននាក់ បានដង្ហែរក្បួនទៅដាក់ញត្តិថ្កោលទោសចំពោះការបញ្ចេញរបាយការណ៍អង្គការសង់ត្រាល់ កាលពីថ្ងៃទី១៤ ខែមិថុនា ថ្នាក់ដឹកនាំអង្គការនេះកំសាក រួញក្បាលដូចអណ្តើកក្នុងស្នូក មិនហ៊ានចេញមកប្រឈមមុខជាមួយការពិត ក្នុងការទទួលយកញត្តិពីក្រុមកម្មករ។
រីឯលោក សំ សឿន ប្រធានសហភាពពលកម្មជាតិកម្ពុជា ថ្លែងថា ការដែលអង្គការសង់ត្រាល់មិនហ៊ានលាតត្រដាង ពីព័ត៌មានគណនេយ្យភាព និងតម្លាភាពរបស់ខ្លួន ទៅអាជ្ញាធរមានសមត្ថកិច្ច គឺជារឿងអាមាស់ និងគួឱ្យអស់សំណើចបំផុត។អស់សំណើចត្រង់ថា ពាក្យតម្លាភាព គណនេយ្យភាពនោះ ជាវោហាសព្ទដ៏ពេញនិយមបំផុតរបស់សង់ត្រាល់ រហូតពេលខ្លះអង្គការនេះបានរិះគន់ចោទប្រកាន់ទៅលើសហជីព ដោយលាបពណ៌ថាជាសហជីពពណ៌លឿង ថាជាសហជីពគ្មានគណនេយ្យភាព គ្មានតម្លាភាព រណបរដ្ឋាភិបាល ឬជាសហជីពមិនឯករាជ្យជាដើម ប៉ុន្តេ សង់ត្រាល់បែរជាមិនបានមើលខ្លួនឯង ដែលជាខ្ញុំបម្រើដាច់ថ្លៃរបស់បរទេស ធ្វើតែតាមបញ្ជាគេ។
លោកថ្លែងថា «សង់ត្រាល់មិនមែនជាអង្គការមួយដែលមានគណនេយ្យភាព តម្លាភាព និងសុច្ចរិតភាពត្រឹមត្រូវនោះទេ បើអង្គការនេះមានភាពត្រឹមត្រូវខ្លាចអីក្នុងការបង្ហាញជូនអាជ្ញាធរមានសមត្ថកិច្ចដើម្បីសវនកម្ម។»
លោកបានលើកឡើងទៀតថា បើសិនជាអង្គការសង់ត្រាល់មានសុច្ចរិតភាព គណនេយ្យភាព តម្លាភាពពិតប្រាកដមែននោះ មិនចាំបាច់ភ័យខ្លាចបារម្ភពេករហូតដល់ពឹងសមាគមបរទេសនេះ សមាគមបរទេសនោះមកធ្វើអន្តរាគម ដើម្បីធ្វើការរារាំងពាំងនូវកំហុសរបស់ខ្លួននោះទេ។ សង់ត្រាល់ខ្លួនឯងត្រូវហ៊ានប្រឈមមុខ បង្ហាញនូវការពិត ហើយទទួលស្គាល់កំហុស៕
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ