ព័ត៌មានជាតិ
សិប្បកម្មមួយនៅខណ្ឌឫស្សីកែវ ជោគជ័យសាកល្បងនាំចេញត្រីកែច្នៃទៅលក់នៅប្រទេសនូវែលហ្សេឡង់ និងកូរ៉េ
បើតាមអ្នកស្រី ឡឹប ម៉ារី ម្ចាស់សិប្បកម្មកែច្នៃត្រី យូនីកា ដែលមានទីតាំងនៅខណ្ឌឫស្សីកែវរាជធានីភ្នំពេញបានឲ្យដឹងថា ក្រោយពង្រីកទីផ្សារលក់ក្នុងស្រុក សិប្បកម្មកំពុងសាកល្បងនាំចេញត្រីកែច្នៃទៅលក់នៅប្រទេសនូវែលហ្សេឡង់ និងប្រទេសកូរ៉េបន្ថែមទៀត។
អ្នកស្រី ឡឹប ម៉ារី ម្ចាស់សិប្បកម្មកែច្នៃត្រី យូនីកា
ការនាំចេញសាកល្បងនេះ មានចំនួនតិចតួច។ នេះបើតាមអ្នកស្រី ឡឹប ម៉ារី។ ប៉ុន្តែជាការបោះជំហានត្រួសត្រាយផ្លូវក្នុងការពង្រីកទីផ្សារនៅក្រៅប្រទេស សម្រាប់ផលិតផលជលផលក្នុងស្រុក ដែលអាចបំពេញស្តង់ដារសុវត្ថិភាពចំណីអាហារឆ្លើយតបលក្ខខណ្ឌតម្រូវការអតិថិជនក្រៅស្រុក។
ទន្ទឹមសិប្បកម្មកំពុងសាកល្បងជោគជ័យ នាំផលិតផលជលផលទៅទីផ្សារប្រទេសកូរ៉េ និងនូវ៉ែលសេឡង់ ក៏កំពុងបោះជំហានបន្តទៅកាន់ទីផ្សារក្រៅស្រុកផ្សេងទៀត។
អ្នកស្រី ឡឹប ម៉ារី បន្ថែមថា ដោយសារកំណើនការលក់ អាជីវកម្មបានហក់ស្ទុះឡើង សិប្បកម្មកំពុងផ្គត់ផ្គង់ផលិតផលជលផលទៅកាន់ទីផ្សារក្នុងស្រុកចំនួន ២០ នៅក្នុងឆ្នាំ ២០២៣ បើប្រៀបធៀបឆ្នាំ២០២១ ដែលមានត្រឹមតែ ១២ ទីផ្សារ។ ការលក់ក៏កើនឡើង ៣០% នៅក្នុងឆ្នាំ២០២៣។
ចុងឆ្នាំ ២០២៣ សិប្បកម្មបានចុះហត្ថលេខាលើកិច្ចព្រមព្រៀងផ្គត់ផ្គង់ផលិតផលចូលផ្សារម៉ាក្រូ និងបានចាប់ផ្តើមចចារជាមួយផ្សារទំនើបឡាក់ឃី និងអីអន ដែលរំពឹងថានឹងចុះហត្ថលេខាលើកិច្ចព្រមព្រៀងក្នុងឆ្នាំ២០២៤។ អ្នកស្រីឡឹប មារី បញ្ជាក់បន្ថែម។
ទាក់ទងទៅដំណើរការសិប្បកម្ម អ្នកស្រី ឡឹប ម៉ារី បានឲ្យដឹងថា បានចាប់ផ្ដើមដំណើរការនៅឆ្នាំ ២០១៤ ដោយផ្តោតទៅលើការកែច្នៃត្រី ដោយសហការជាមួយសហគមន៍កសិកម្ម និងក្រុមអ្នកកែច្នៃផលិតផលជលផលជាច្រើនទៀតមកពីបណ្តាខេត្តជាប់បឹងទន្លេសាប រួមទាំងបណ្តាខេត្តជាប់តំបន់ឆ្នេរមានខេត្តកំពត ព្រះសីហនុ និងកោះកុងជាដើម។
បើតាមអ្នកស្រី ឡឹប ម៉ារី ត្រីជាអាហារផ្តល់សារធាតុចិញ្ចឹមខ្ពស់ ហើយពលរដ្ឋកម្ពុជាចូលចិត្តទទួលទានត្រី ប៉ុន្តែការកែច្នៃនៅមានតិចតួចនៅឡើយ។
ដោយមើលឃើញចន្លោះប្រហោងនេះ ទើបសិប្បកម្មអ្នកស្រីបានបង្កើតឡើង។ យ៉ាងណាមិញក្នុងដំណើរការអភិវឌ្ឍលូតលាស់ទៅមុខ អ្នកស្រីក៏លើកពីការចូលរួមតាមរយៈគម្រោងអភិវឌ្ឍជលផលក្រោយប្រមូលផល CAPFISH-Capture របស់អង្គការ UNIDO ដែលផ្តល់ការគាំទ្រទាំងបច្ចេកទេស ការបណ្ដុះបណ្ដាលស្ដីពីតម្រូវការ និងអនុលោមភាពសុវត្ថិភាពម្ហូបអាហារ និងវិញ្ញាបនប័ត្រគុណភាពផលិតផល ការគ្រប់គ្រងបរិស្ថាននិងសង្គម និងផែនការអភិវឌ្ឍន៍អាជីវកម្មនិងទីផ្សារ។
អ្នកស្រីថា គម្រោង CAPFISH-Capture ជាច្រកមួយដែលសិប្បកម្មអាចពង្រីកអាជីវកម្មបានដោយជោគជ័យ ដោយកម្មវិធីគាំទ្រសហគ្រាសជលផលខ្នាតតូចនិងមធ្យមនេះ មានគោលដៅរួមចំណែកអភិវឌ្ឍន៍វិស័យជលផលក្រោយប្រមូលផលនៅកម្ពុជា។
តាមរយៈការកែលម្អបរិក្ខារ និងទទួលបានវិញ្ញាបនប័ត្រនិមិត្តសញ្ញាគុណភាពផលផលិតផលជលផលកម្ពុជា (CQS) ថែមទៀតនោះ អ្នកស្រី ឡឹប មារី ជឿជាក់ថា ផលិតផលជលផលរបស់សិប្បកម្មនឹងទទួលបានការជឿទុកចិត្តពីអតិថិជនកាន់តែច្រើនឡើងៗទាំងក្នុងស្រុកនិងក្រៅស្រុក៕
អង្គុយជុំគ្នាអាំងភ្លើងបំបាត់រងានាពេលព្រឹក នៅតែជាទម្លាប់មួយរបស់ជនជាតិដើមភាគតិចមួយចំនួននៅក្នុងខេត្តរតនគិរី
ទីក្រុង Los Angeles ប្រកាសអាសន្ន ខណៈភ្លើងឆេះព្រៃយ៉ាងសាហាវ កំពុងរាលដាលខ្លាំង
កម្ពុជា-ឥណ្ឌូនេស៊ី ចង់បង្កើនពាណិជ្ជកម្មអង្ករ និងអាហារហាឡាល់
ក្រសួងឧស្សាហកម្មបន្ថែមសេវាឌីជីថលចំនួន៧ ដើម្បីផ្តល់សេវាសាធារណៈឱ្យកាន់តែមានប្រសិទ្ធភាព
ការដ្ឋានសាងសង់ស្ពានឆ្លងកាត់ទន្លេមេគង្គ (ដីឥដ្ឋ -ថ្មគរ) វឌ្ឍនភាពសម្រេចបានជាង ៤%
នាយ ព្រីង ទុំ បានធូរស្បើយខ្លះ ក្រោយកាត់ជើងដោយសារជំងឺទឹកនោមផ្អែម
លោក ប៊ុន ភក្ដី ចេញមកបកស្រាយ ក្រោយការចោទប្រកាន់ថា ខ្លួនជាជនជាតិវៀតណាម មានតំណែងជាមន្ត្រីនគរបាល
រញ្ជួយដីកម្រិតធ្ងន់ វាយប្រហារតំបន់ទីបេ បណ្តាលឲ្យមានមនុស្សស្លាប់
ត្រាំ បន្ទោស បៃដិន ខ្លាំងៗថា បើអាមេរិក មិនចេញមុខធានាឲ្យអ៊ុយក្រែនចូលណាតូ សង្គ្រាមរុស្ស៊ីក៏មិនផ្ទុះឡើងដែរ
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
-
ព័ត៌មានជាតិ៦ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៦ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៦ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៦ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៦ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៥ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៥ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ