លោក​ឧត្ដមសេនីយ៍​ឯក ហ៊ុន ម៉ាណែត និង​កូនប្រសា​ សម្តេច​តេជោ ចាក់​វ៉ាក់សាំង​ កូវីដ-១៩ ជា​លើក​ទី​២

លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរ ភូមិន្ទ មេបញ្ជាការកងទ័ពជើងគោក និងលោក សុខ ពុទ្ធិវុធ កូនប្រសាររស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួមទាំងឥស្សរជនជាន់ខ្ពស់ នៃរាជរដ្ឋាភិ បាលកម្ពុជាជាច្រើនរូបទៀត បានអញ្ជើញចាក់វ៉ាក់សាំងការពារជំងឺកូវីដ១៩ ជាលើកទី២ នៅមន្ទីរពេទ្យកាល់ម៉ែត។
ដោយឡែកលោក ហ៊ុន ម៉ានី កូនប្រុសរបស់សម្តេចតេជោ ហ៊ុន សែន វិញ ក៏បានចាក់វ៉ាក់សាំងការពារជំងឺកូវីដ១៩ ជាលើកទី១ផងដែរ នៅមន្ទីរពេទ្យកាល់ម៉ែត នៅ ថ្ងៃទី០៣ ខែមីនា ឆ្នាំ២០២១នេះ។

កាលពីថ្ងៃទី១០ ខែកុម្ភៈ ឆ្នាំ២០២១ លោកឧត្តមសេនីយ៍ឯក ហ៊ុន ម៉ាណែត បានក្លាយជាអ្នកដំបូងគេ ដែលបានចាក់វ៉ាក់សាំងការពារកូវីដ១៩ នៅមន្ទីរពេទ្យកាល់ម៉ែត ខណៈកូនប្រុស និងកូនប្រសាររបស់សម្តេចតេជោ ហ៊ុន សែន ផ្សេងទៀត ក៏បានចាក់នៅថ្ងៃនោះដែរ។

រហូតមកដល់ថ្ងៃទី០៣ ខែមីនា ឆ្នាំ២០២១នេះ ក្រសួងសុខាភិ បាលបានប្រកាស រកឃើញអ្នកឆ្លងថ្មី ៣៤នាក់ទៀត ជាករណីសហគមន៍ទាំង ៣៤នាក់ ក្នុងនោះរាជធានីភំ្នពេញចំនួន២៤ នាក់ និងខេត្តព្រះសីហនុ ចំនួន១០ នាក់ ហើយគិតត្រឹមព្រឹក ថ្ងៃទី០៣ ខែមីនា ឆ្នាំ២០២១នេះដែរ កម្ពុជាមានអ្នកឆ្លងសរុបចំនួន ៨៧៨ នាក់ ជាសះស្បើយចំនួន៤៨២ នាក់ កំពុងព្យាបាល ចំនួន៣៩៦ នាក់៕

អត្ថបទ៖កោះកែវ