ព័ត៌មានជាតិ

អភិបាលខណ្ឌឫស្សីកែវ ចុះពិនិត្យដាក់គ្រឿងចក្រស្ដារប្រឡាយ រំដោះទឹកនៅរដូវវស្សា

បានផុស

២ ខែ មុន

នៅ

ថ្ងៃសៅរ៍ ២០ កក្កដា ២០២៤

ដោយ

កាលពីព្រឹកថ្ងៃទី ១៩ ខែកក្កដា ឆ្នាំ ២០២៤ លោក ជិន ប៊ុនធឿន អភិបាលខណ្ឌឫស្សីកែវ បានចុះពិនិត្យតាមប្រឡាយ ក្នុងមូលដ្ឋានខណ្ឌ ដើម្បីបញ្ចៀសទឹកនៅរដូវវស្សាកុំឲ្យមានការជន់លិចដល់ផ្ទះប្រជាពលរដ្ឋ និងផ្លូវពិបាកក្នុងការធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីអញ្ជើញបើកការដ្ឋានស្ថាបនាដែលជាគម្រោងមូលនិធិអភិវឌ្ឍន៍របស់រដ្ឋបាលខណ្ឌ និងសង្កាត់ ឆ្នាំ ២០២៤ សង្កាត់ទួលសង្កែ ២ រួចមក លោក ជិន ប៊ុនធឿន អភិបាលខណ្ឌឫស្សីកែវ បានដឹកនាំមន្ត្រីខណ្ឌ និងសង្កាត់ទួលសង្កែ ២ ចុះពិនិត្យប្រឡាយកាំកូ និងបញ្ជាឲ្យដាក់គ្រឿងចក្រកាយស្តារប្រឡាយឲ្យជ្រៅ ធំទូលាយ នាំទឹកហូរចូលទៅអូរអង្កាម និងឆ្ពោះទៅព្រែកពោងពាយ ស្ថានីយបូមទឹកកប់ស្រូវ។

ជាមួយគ្នានេះ លោកអភិបាល និងមន្ត្រីជំនាញ បានបន្តចុះត្រួតពិនិត្យប្រព័ន្ធលូ អណ្ដូងលូ និងចាត់វិធានបូមស្តារ ដើម្បីសម្រួលឲ្យទឹកហូរបានល្អ បញ្ចៀសការលិចលង់លំនៅឋានប្រជាជនក្នុងភូមិសាស្ត្រសង្កាត់ទួលសង្កែ ១ និងទួលសង្កែ ២ ខណ្ឌឫស្សីកែវ ចំពោះការយកចិត្តទុកដាក់គិតគូររបស់អាជ្ញាធរ ក្នុងការចុះកាយ និងស្តារប្រឡាយទឹក ដើម្បីរំដោះទឹក បញ្ចៀសការជន់លិច និងសោភ័ណភាពផងដែរ៕

អត្ថបទ ៖ ម៉េង