ព័ត៌មានជាតិ
រាជរដ្ឋាភិបាលកម្ពុជា តែងតែប្រកាន់ខ្ជាប់នូវការលើកស្ទួយពីកិច្ចការរបស់សង្គមស៊ីវិល
រដ្ឋបាលខេត្តកោះកុង អះអាងថា រាជរដ្ឋាភិបាលកម្ពុជា តែងតែប្រកាន់ខ្ជាប់នូវការលើកស្ទួយពីកិច្ចការរបស់សង្គមស៊ីវិល តាមរយៈការបង្កើត ការចូលរួម និងការអនុវត្តសកម្មភាព សម្រាប់អភិវឌ្ឍន៍ដល់សង្គមជាតិ និងផលប្រយោជន៍ប្រជាពលរដ្ឋ។
![](https://www.kampucheathmey.com/wp-content/uploads/2024/07/photo_2024-07-19_14-13-12-1024x682.jpg)
លោក ហាក់ ឡេង អភិបាលរងខេត្តកោះកុង បានថ្លែងក្នុងវេទិកាពិគ្រោះយោបល់ ជាមួយអង្គការសង្គមស៊ីវិល ដែលធ្វើសកម្មភាព ក្នុងដែនសមត្ថកិច្ចខេត្តថា បណ្តាញអង្គការស៊ីវិលមួយចំនួនធំបានអនុវត្តតួនាទីភារកិច្ចរបស់ខ្លួនបានល្អត្រឹមត្រូវ ក៏ប៉ុន្តែមួយចំនួន មិនទាន់បានបំពេញកាតព្វកិច្ចស្របតាមបទប្បញ្ញតិ នៃច្បាប់ ស្តីពីសមាគម និងអង្គការមិនមែនរដ្ឋាភិបាល និងលិខិតបទដ្ឋានគតិយុត្តិជាធរមាននៅឡើយ ដែលធ្វើឱ្យការប្រតិបត្តិសកម្មភាពជារួម ឬដោយអន្លើ ត្រូវបានហាមឃាត់ ខកខាន ឬរាំងស្ទះ។
លោកអភិបាលរងខេត្ត ដដែលបន្តថា ការហាមឃាត់ ខកខាន ឬរាំងស្ទះ នៃការប្រតិបត្តិសកម្មភាពរបស់សង្គមស៊ីវិលខាងលើ គឺមិនអាស្រ័យទាំងស្រុងតែទៅលើទឡ្ហីករណ៍ នៃការមិនបំពេញកាតព្វកិច្ចនោះទេ គឺនៅមានទឡ្ហីករណ៍ដទៃទៀត ជាអាទិ៍៖ រដ្ឋបាលថ្នាក់ក្រោមជាតិ កង្វះធនធានមនុស្ស ឬមធ្យោបាយសម្ភារៈសម្រាប់ចូលរួម កង្វះព័ត៌មាន និង ចំណេះដឹង… ជាដើម ។ល។
![](https://www.kampucheathmey.com/wp-content/uploads/2024/07/photo_2024-07-19_14-13-15-1024x682.jpg)
ផ្អែកលើមូលដ្ឋាននេះ គួរត្រូវបានធ្វើឡើងជាទៀងទាត់ សម្រាប់ធ្វើជា សូចនាករ ដើម្បីពង្រឹងកិច្ចសហប្រតិបត្តិការក្នុងភាពជាដៃគូ សំដៅរួមបម្រើការពារប្រយោជន៍សាធារណៈ ហើយជាសំណូមពររបស់លោក គឺវេទិកានេះនឹងមិនត្រូវបានយកធ្វើជាវេទិកាសម្រាប់កេងចំណេញផ្នែកនយោបាយ ឬជាវេទិកាសម្រាប់ជេរប្រមាថ បុគ្គល ឬនីតិបុគ្គល ណាមួយឡើយ។
គួរជម្រាបថា រដ្ឋបាលខេត្តកោះកុង បានរៀបចំវេទិកាពិគ្រោះយោបល់ជាមួយអង្គការសង្គមស៊ីវិល ដែលធ្វើសកម្មភាព ក្នុងដែនសមត្ថកិច្ចនេះ ក្នុងគោលបំណង នៃវេទិកា គឺអនុលោមទៅតាមគោលការណ៍ ការណែនាំ និងសេចក្តីជូនដំណឹង របស់ក្រសួងមហាផ្ទៃ ដែលតម្រូវឱ្យរដ្ឋបាលថ្នាក់ក្រោមជាតិ ធ្វើការរៀបចំវេទិកាពិគ្រោះយោបល់ឱ្យបានទៀងទាត់រៀងរាល់ឆមាស ឬតាមការចាំបាច់ ជាមួយអង្គការសង្គមស៊ីវិល ពោលគឺ សមាគម អង្គការមិនមែនរដ្ឋាភិបាល និងសហគមន៍មូលដ្ឋាន ដែលធ្វើសកម្មភាពក្នុងដែនសមត្ថកិច្ចខេត្ត ដើម្បីទទួលបាននូវធាតុចូល ជាលទ្ធផល នៃការអនុវត្ត បញ្ហាប្រឈម ឬសំណើ សំណូមពរផ្សេងៗ ក្នុងន័យដើម្បីជួយពង្រឹង ពង្រីក និងលើកកម្ពស់កិច្ចសហប្រតិបត្តិការ រវាងរាជរដ្ឋាភិបាលកម្ពុជា រដ្ឋបាលថ្នាក់ក្រោមជាតិ ពិសេសរដ្ឋបាលខេត្ត ក្រុង ស្រុក ឃុំ សង្កាត់ ឱ្យកាន់តែប្រសើរឡើង។
![](https://www.kampucheathmey.com/wp-content/uploads/2024/07/photo_2024-07-19_14-13-16-2-1024x682.jpg)
យោងតាមលទ្ធផល នៃវេទិកាពិគ្រោះយោបល់ខាងលើ (១)សេចក្តីរាយការណ៍សង្ខេប អំពីស្ថានភាព នៃការអនុវត្តសកម្មភាពរបស់អង្គការសង្គមស៊ីវិល ដែលធ្វើសកម្មភាពក្នុងដែនសមត្ថកិច្ចខេត្ត (២)គម្រោង ស្តីពីអាហារូបត្ថម្ភនៅកម្ពុជា ខេត្តកោះកុង និង (៣)ភាពជាដៃគូ រវាងរដ្ឋបាលខេត្ត និងអង្គការសង្គមស៊ីវិល ត្រូវបានលើកយកមកធ្វើជារបៀបវារៈ នៃកម្មវិធី៕
អត្ថបទ ៖ សិរីវឌ្ឍនៈ
![](https://www.kampucheathmey.com/wp-content/uploads/2024/07/photo_2024-07-19_14-13-17-1024x682.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៥ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល