ព័ត៌មានជាតិ
រដ្ឋមន្ត្រីក្រសួងអប់រំ ផ្ដល់អនុសាសន៍ ៤ ចំណុចដល់សិស្សានុសិស្សថ្នាក់ទី១២
បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញជួបសំណេះសំណាលជាមួយសិស្សថ្នាក់ទី១២ នៃវិទ្យាល័យហ៊ុន សែនពាមជីកង ស្រុកកងមាស ខេត្តកំពង់ចាម ដោយមានការចូលរួមពី អភិបាល នៃគណៈអភិបាលខេត្តកំពង់ចាម ថ្នាក់ដឹកនាំក្រសួង នាយក នាយិកា លោកគ្រូ អ្នកគ្រូ និងសិស្សានុសិស្សទាំងអស់សរុបប្រមាណ ១៨១នាក់។
![](https://www.kampucheathmey.com/wp-content/uploads/2024/07/451872828_886255333527891_6766334576160287841_n-1024x682.jpg)
មានប្រសាសន៍ក្នុងឱកាសសំណេះសំណាលនា ថ្ងៃទី២០ ខែកក្កដា ឆ្នាំ២០២៤ នេះ បណ្ឌិតសភាចារ្យ ឧបនាយករដ្ឋមន្ត្រី បានសម្តែងនូវការសួរសុខទុក្ខ និងអនុសាសន៍ ៤ ចំណុចដល់សិស្សានុសិស្សថ្នាក់ទី១២ ដែលត្រៀមនឹងប្រឡងសញ្ញាបត្រមធ្យមសិក្សាទុតិយភូមិនាពេលខាងមុខនេះដូចតទៅ៖
![](https://www.kampucheathmey.com/wp-content/uploads/2024/07/451685599_886255446861213_5977263919232802371_n-1024x682.jpg)
– ស្នើសុំឱ្យមានការរៀបចំថ្នាក់បំប៉នសម្រាប់សិស្សឱ្យរៀនបន្ថែមលើមុខវិជ្ជាសំខាន់ៗ ជាពិសេសផ្តោតលើមេរៀនសង្ខេបតាមមុខវិជ្ជានីមួយៗ និងសិក្សាស្វែងយល់ពីវិញ្ញាសាដែលធ្លាប់ចេញប្រឡងពីឆ្នាំមុនៗជាដើម។
![](https://www.kampucheathmey.com/wp-content/uploads/2024/07/451982468_886255340194557_4246843851651828203_n-1024x682.jpg)
– ផ្តោតលើមុខវិជ្ជា ដូចជាគណិតវិទ្យា និងភាសាខ្មែរ សម្រាប់គណិតវិទ្យា ព្យាយាមធ្វើលំហាត់ និងសរសេររូបមន្ដឱ្យបានច្រើនបៀបធ្វើលំហាត់ខុសៗគ្នា និងចងចាំរូបមន្តឱ្យកាន់តែច្បាស់ថែមទៀត សម្រាប់មុខវិជ្ជាភាសាខ្មែរ រៀនពីរបៀបសរសេរតែងសេចក្តី របៀបប្រើប្រាស់ពាក្យភ្ចាប់ និងចេះលើកឧទាហរណ៍មកបញ្ជាក់ឱ្យបានសមស្របទៅតាមប្រធានបទនីមួយៗ។
![](https://www.kampucheathmey.com/wp-content/uploads/2024/07/452100706_886255280194563_3065826000688966504_n-1024x682.jpg)
– ចេះគ្រប់គ្រងពេលវេលាឱ្យបានល្អ តាំងអារម្មណ៍ឱ្យបានស្ងប់ ជាពិសេសថែរក្សាសុខភាពឱ្យបានល្អ ដូចជាការគេង និងបរិភោគអាហារឱ្យបានគ្រប់គ្រាន់ ដើម្បីកុំឱ្យមានបញ្ហាអ្វីកើតឡើងមុន ឬក្នុងពេលប្រឡង។
![](https://www.kampucheathmey.com/wp-content/uploads/2024/07/452075933_886255423527882_3308770666585524598_n-1024x682.jpg)
– ចេះសង្ខេបមេរៀនដោយខ្លួនឯង និងរំលឹកមេរៀនពីដើមឆ្នាំមកវិញ តាមឯកសារមេរៀនសង្ខេប ដើម្បីកុំមានការភ្លេចភ្លាំងផ្សេងៗ។
![](https://www.kampucheathmey.com/wp-content/uploads/2024/07/452109277_886255526861205_2158660375117980545_n-1024x682.jpg)
ជាកិច្ចបញ្ចប់ បណ្ឌិតសភាចារ្យ ឧបនាយករដ្ឋមន្ត្រី បានផ្តល់ជូននូវសៀវភៅមេរៀនសង្ខេប ដើម្បីជាឯកសារជំនួយដល់ការរៀនសូត្រ និងផ្តល់នូវគន្លឹះសិក្សាមួយចំនួនដល់សិស្សានុសិស្ស ដើម្បីត្រៀមខ្លួនរួចរាល់សម្រាប់ការប្រឡងសញ្ញាបត្រមធ្យមសិក្សាទុតិយភូមិ និងសូមថ្លែងអំណរគុណដល់អ្នកពាក់ព័ន្ធទាំងអស់ដែលបានខិតខំប្រឹងប្រែងជួយគាំទ្រលើវិស័យអប់រំនាពេលកន្លងមក ជាពិសេសសម្រាប់ស្រុកកងមាសនេះ និងសូមជូនពរដល់សិស្សានុសិស្សទាំងអស់ឱ្យទទួលបានលទ្ធផលល្អសម្រាប់ការប្រឡងនាពេលខាងមុខនេះ៕
![](https://www.kampucheathmey.com/wp-content/uploads/2024/07/452109731_886255716861186_6010580667219254616_n-1024x682.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៦ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ៥ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ៦ ថ្ងៃ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ១ សប្តាហ៍ ago
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
សេដ្ឋកិច្ច៥ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានអន្ដរជាតិ៦ ថ្ងៃ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ