ព័ត៌មានជាតិ
អាជ្ញាធរខេត្តកំពត បន្តដាំដើមត្នោត ៤,៥ ពាន់ដើម លើផ្លូវខ្សែក្រវ៉ាត់ព្រំដែន កម្ពុជា-វៀតណាម
នៅថ្ងៃទី ២១ ខែកក្កដា ឆ្នាំ២០២៤ នេះ អាជ្ញាធរខេត្តកំពតបានបន្តដាំដើមត្នោតប្រមាណ ៤ ៥០០ ពាន់ដើមបន្ថែមទៀតនៅតាមខ្សែក្រវ៉ាត់ព្រំដែន កម្ពុជា-វៀតណាម ស្ថិតក្នុងស្រុកកំពង់ត្រាច ក្នុងន័យដើម្បីបំផុសស្មារតីប្រជាពលរដ្ឋ និងយុវជនជំនាន់ក្រោយឱ្យស្រឡាញ់ព្រៃឈើ និងដើមត្នោត។
![](https://www.kampucheathmey.com/wp-content/uploads/2024/07/photo_2024-07-21_15-40-51-4-1024x683.jpg)
នេះជាលើកទី៣ ហើយដែលអាជ្ញាធរខេត្តកំពតបានដាំដើមត្នោតនៅតាមខ្សែក្រវ៉ាត់ព្រំដែន ក្នុងស្រុកកំពង់ត្រាច ក្នុងពិធី រុក្ខទិវា ដែលលើកទី១ បានដាំដើមត្នោតចំនួន ៥ ០០០ ដើម លើកទី២ ដាំចំនួន ៧ ៥០០ ដើម និងលើកទី៣នេះ ដាំចំនួន ៤ ៥០០ ដើម។
![](https://www.kampucheathmey.com/wp-content/uploads/2024/07/photo_2024-07-21_15-40-51-3-1024x683.jpg)
អាជ្ញាធរខេត្តកំពតបានប្រារព្ធពិធីអបអរសាទរ រុក្ខទិវា ៩ កក្កដា ឆ្នាំ២០២៤ ដោយដាំដើមត្នោតនៅសងខាងផ្លូវខ្សែក្រវ៉ាត់ព្រំដែន កម្ពុជា-វៀតណាម មានប្រវែង ៣គីឡូម៉ែត្រ នៅចំណុចកោះវែង ភូមិកោះចំការ ឃុំបឹងសាលាខាងត្បូង ស្រុកកំពង់ត្រាច ក្រោមធិបតីភាព លោក ម៉ៅ ធនិន អភិបាលខេត្តកំពត និងលោកស្រី លោក តាក ហាប់ ប្រធានក្រុមប្រឹក្សាខេត្តកំពត។
![](https://www.kampucheathmey.com/wp-content/uploads/2024/07/photo_2024-07-21_15-40-51-1024x683.jpg)
ក្នុងពិធីនេះ ក៏មានការអញ្ជើញចូលរួមពីសំណាក់ ព្រះសង្ឃ មន្ត្រីរាជការ កងកម្លាំងទាំងបីប្រភេទ លោកគ្រូ អ្នកគ្រូ សិស្សានុសិស្ស និស្សិត យុវជន និងបងប្អូនប្រជាពលរដ្ឋសរុបប្រមាណជាង ៦០០ នាក់។
![](https://www.kampucheathmey.com/wp-content/uploads/2024/07/photo_2024-07-21_15-40-46-1024x683.jpg)
មានមតិសំណេះសំណាលនាឱកាសនោះ លោក ម៉ៅ ធនិន អភិបាលខេត្តកំពត បានគូសបញ្ជាក់ថា ក្រោមការយកចិត្ដទុកដាក់ដ៏ខ្ពង់ខ្ពស់របស់ សម្ដេចធិបតី ហ៊ុន ម៉ាណែត នាយករដ្ឋមន្ដ្រីកម្ពុជា គោលនយោបាយដាំព្រៃឈើឡើងវិញក្នុងក្របខ័ណ្ឌទូទាំងប្រទេសត្រូវបានអនុវត្ដយ៉ាងសកម្ម ដោយផ្សារភ្ជាប់ការងារដាំឈើនេះ និងការថែរក្សាការពារអភិរក្សធនធានធម្មជាតិដែលជាទ្រព្យសម្បត្ដិព្រៃឈើរបស់ជាតិ និងការប្រើប្រាស់ព្រៃឈើឱ្យបានត្រឹមត្រូវតាមវិចារណញ្ញាណ។
![](https://www.kampucheathmey.com/wp-content/uploads/2024/07/photo_2024-07-21_15-40-52-2-1024x683.jpg)
លោក ម៉ៅ ធនិន បានបន្តថា ការដាំកូនឈើ និងដាំកូនត្នោតនៅសងខាងផ្លូវខ្សែក្រវ៉ាត់ព្រំដែនកម្ពុជា-វៀតណាម ប្រវែង ៣ គីឡូម៉ែត្រ នៅចំណុចកោះវែង ភូមិកោះចំការ ឃុំបឹងសាលាខាងត្បូង ស្រុកកំពង់ត្រាច នៅពេលនេះ គឺដើម្បីទុកជាប្រវត្តិសាស្រ្ត និងបំផុសឱ្យយុវជនជំនាន់ក្រោយឱ្យស្រឡាញ់ព្រៃឈើ និងដើមត្នោត ហើយអ្វីកាន់តែពិសេសសម្រាប់ជាតិខ្មែរ ការដាំដើមត្នោតពិតជាមានតម្លៃឥតគណនា ដោយសារត្នោតផ្តល់អត្ថប្រយោជន៍យ៉ាងពិសេស ហើយដើមត្នោតក៏ជាអត្តសញ្ញាណជាតិខ្មែរផងដែរ។
![](https://www.kampucheathmey.com/wp-content/uploads/2024/07/photo_2024-07-21_15-35-34-1024x682.jpg)
ជាមួយគ្នានេះដែរ អភិបាលខេត្ត ក៏បានផ្ដាំផ្ញើដល់មន្ទីរកសិកម្មរុក្ខាប្រមាញ់ និងនេសាទខេត្ត ខណ្ឌរដ្ឋបាលព្រៃឈើកំពត ត្រូវសហការជាមួយអាជ្ញាធរមូលដ្ឋាន ភូមិ-ឃុំ-ស្រុក ព្រមទាំងបងប្អូនប្រជាពលរដ្ឋទាំងអស់ បន្តដាំកូនត្នោត និងកូនឈើនៅឆ្នាំបន្តបន្ទាប់នៅគ្រប់ផ្លូវតាមខ្សែក្រវ៉ាត់ព្រំដែន ដើម្បីសម្រាប់លំអសោភ័ណ្ឌភាពនៅតាមផ្លូវទាំងនេះ និងទុកជាប្រវត្តិសាស្រ្ត។
![](https://www.kampucheathmey.com/wp-content/uploads/2024/07/photo_2024-07-21_15-36-44-1024x682.jpg)
អាជ្ញាធរក្រុង-ស្រុកទាំងអស់ ត្រូវយកចិត្តទុកដាក់ថែរក្សាការពារព្រៃភ្នំធម្មជាតិ ដោយបន្តការរៀបចំ និងពង្រឹងសហគមន៍ព្រៃឈើ បន្តយកចិត្តទុកដាក់ទប់ស្កាត់នូវរាល់សកម្មភាពបំផ្លាញព្រៃឈើដូចជា ការកាប់ឈើ និងការកាប់រាន ដុត ឈូសឆាយហ៊ុំព័ទ្ធយកដីព្រៃឈើ ព្រៃភ្នំដែលជាដីសាធារណៈរបស់រដ្ឋឱ្យដូចជាភ្លៀងរលឹម។
![](https://www.kampucheathmey.com/wp-content/uploads/2024/07/photo_2024-07-21_15-35-57-1024x682.jpg)
លោក ចាន់ រិទ្ធិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពតបានឱ្យដឹងថា យោងតាមអនុសាសន៍ណែនាំរបស់ លោក ម៉ៅ ធនិន អភិបាលខេត្តកំពត មន្ទីរកសិកម្ម រុក្ខាប្រមាញ់ និងនេសាទខេត្ត និងខណ្ឌរដ្ឋបាលព្រៃឈើកំពត បានធ្វើការបណ្តុះគ្រាប់ត្នោតទុកចែកជូនប្រជាកសិករដែលរស់នៅតាមព្រំដែន កម្ពុជា-វៀតណាម ពី៤ ទៅ ៥កូនត្នោតក្នុង ១គ្រួសារ ក្នុងគោលបំណងដើម្បីដាំរក្សាទុកជាប្រវតិ្តសាស្រ្ត និងដើម្បីឱ្យកូនចៅជំនាន់ក្រោយឱ្យបានស្គាល់ និងទុកជាប្រយោជន៍៕
អត្ថបទ៖ សឹង រ៉ាត់
![](https://www.kampucheathmey.com/wp-content/uploads/2024/07/photo_2024-07-21_15-40-51-1-1024x683.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៦ ថ្ងៃ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ១ សប្តាហ៍ ago
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ៥ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ៦ ថ្ងៃ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ១ សប្តាហ៍ ago
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
សេដ្ឋកិច្ច៥ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានអន្ដរជាតិ៦ ថ្ងៃ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ