ជលផលខេត្តកំពង់ចាមបង្ក្រាបលូស្បៃម៉ុងបានចំនួន៩មាត់ នៅស្រុកកងមាស

រដ្ឋបាលជលផលកងមាស សហការជាមួយអាជ្ញាធរស្រុកកងមាស និងកម្លាំងប៉ុស្តិ៍នគរបាលរដ្ឋបាលព្រែកកុយ ដោយមានការអនុញ្ញាតពី លោក  វង្ស ប៊ុនវិសុទ្ធ ព្រះរាជអជ្ញានៃអយ្យការអមសាលាដំបូងខេត្តកំពង់ចាម នៅថ្ងៃទី២២ ខែកក្កដា  បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផលក្នុងដែនប្រតិបត្តិការរបស់ខ្លួនបានចំនួន១ករណី។  

 ខណ្ឌរដ្ឋបាលកំពង់ចាមបានបញ្ជាក់ឲ្យដឹងថា ករណីនេះ កម្លាំងជំនាញបានកសាងសំណុំរឿងតាមនិតិវិធីច្បាប់ស្តីពីជលផល និងរុះរើកាប់បំផ្លាញចោលវត្ថុតាងនៃបទល្មើសជលផលនៅនឹងកន្លែងកើតហេតុរួមមាន. ឧបករណ៍លូស្បៃមុងសរុប ចំនួន៩មាត់ ។ របាំងស្បៃមុងសរុបប្រវែង ១៨០ម៉ែត្រ។ បង្គោលចម្រឹងសរុបចំនួន ១៣៥ដើម។ ជាពិសេសទៀត កម្លាំងបានចាក់លែងកូនត្រីចម្រុះសរុបទម្ងន់៥គីឡូក្រាម នៅចំណុចចុងព្រែកជីក ឃុំព្រែកកុយ ស្រុកកងមាស ខេត្តកំពង់ចាម។

បច្ចុប្បន្នវត្ថុតាងលូស្បៃមុងត្រូវបានកំលាំងជំនាញដុតចោលនៅនឹងកន្លៃង ៕

អត្ថបទ៖សាន វិឡែម