មូលនិធិអ៊ីអន ១% ក្លឹប រួមចំណែកអភិវឌ្ឍសុខុមាលភាពកុមារ

មូលនិធិអ៊ីអន ១% ក្លឹប នៅទីក្រុងឈីបា ប្រទេសជប៉ុន (ហៅថា មូលនិធិ) នឹងផ្តល់ទឹកប្រាក់សប្បុរសធម៌ទៅកាន់គណៈកម្មការប្រទេសជប៉ុនរបស់អង្គការយូនីសេហ្វដែលទឹកប្រាក់នេះបានមកពីការចូលរួមពីអតិថិជនដែលបានទិញទំនិញនៅតាមបណ្តាផ្សារអ៊ីអន។

នៅប្រទេសកម្ពុជា និងមីយ៉ាន់ម៉ា នៅតំបន់ខ្លះដែលនៅប្រើប្រាស់ទឹកគ្មានអនាម័យពីស្រះ ទន្លេ និងអណ្តូងជាប្រចាំដែលប្រភពទាំងនេះអាចផ្ទុកនូវសារជាតិគ្រោះថ្នាក់ដល់សុខភាពរបស់មនុស្ស។ កុមារមួយចំនួនមិនបានចូលរៀន ដោយសារពួកគេត្រូវចំណាយពេលវេលាដើម្បីរែកទឹកពីទីតាំងឆ្ងាយៗ។ ដើម្បីឆ្លើយតបទៅនឹងស្ថានភាពនេះ មូលនិធិបានបន្តយុទ្ធនាការនេះដើម្បីគាំទ្រកុមារតាំងពីឆ្នាំ ២០១០។

ចន្លោះពីថ្ងៃទី០៨ ខែមេសា ឆ្នាំ២០២៤ ដល់ថ្ងៃទី១២ ខែឧសភា ឆ្នាំ២០២៤ យុទ្ធនាការនេះបានប្រព្រឹត្តឡើងនៅក្នុងផ្សារ និងទីកន្លែងបរិក្ខាររបស់អ៊ីអនគ្រុបប្រមាណ ៦,៧៩១ កន្លែង ហើយទទួលបានទឹកប្រាក់ពីសប្បុរសជន សរុប ២៣,៥៧៩,៣៧២ យេន (១៥ ម៉ឺនដុល្លារ) ពីអតិថិជនផងដែរ។

មូលនិធិនេះ ត្រូវបានធ្វើការបរិច្ចាគឱ្យស្មើនឹងចំនួន ៤៧,១៥៨,៧៤៤ យេន (ប្រមាណ ៣០ ម៉ឺនដុល្លារ) ដែលទឹកប្រាក់ទាំង​នេះនឹងត្រូវបានគេយកទៅប្រើប្រាស់ក្នុងការផ្តល់ទឹកសុវត្ថិភាព និងការសាងសង់គ្រឿងបរិក្ខារដើម្បីផ្គត់ផ្គង់ទឹកនៅក្នុងប្រទេសកម្ពុជា និងមីយ៉ាន់ម៉ា។

តាមរយៈគម្រោងមួយនេះ មូលនិធិអ៊ីអន ១% ក្លឹប នឹងបន្តការចូលរួមចំណែកក្នុងការអភិវឌ្ឍសុខុមាលភាពល្អរបស់កុមារដែលនឹងមានតួនាទីដឹកនាំមនុស្សជំនាន់ក្រោយ។

មូលនិធិអ៊ីអន ១% ក្លឹប ត្រូវបានបង្កើតឡើងតាំងពីឆ្នាំ ១៩៩០ ដែលបានរួមចំណែកដល់ការចិញ្ចឹមបីបាច់ថែរក្សាកុមារឱ្យមានសុខភាពល្អ បង្កើតចំណងមិត្តភាពជាមួយប្រទេសផ្សេងៗ ការអភិវឌ្ឍក្នុងតំបន់ និងកំពុងបន្តចូលរួមក្នុងសកម្មភាពផ្នែកបរិស្ថាន និងសង្គមជាតិ ផងដែរ៕