ព័ត៌មានជាតិ
ពលរដ្ឋក្នុងស្រុកទឹកឈូ បង្ហាញក្ដីរីករាយក្រោយមានការស្ថាបនាផ្លូវបេតុងជាបន្តបន្ទាប់
នៅថ្ងៃទី២៣ ខែកក្កដា ឆ្នាំ២០២៤ លោក សំ បុិច មេឃុំត្រពាំងព្រីងបានប្រាប់ឲ្យដឹងថា ផ្លូវបេតុងចាប់ពីក្បាលរមាសទៅដល់ចក្រីទីងមានប្រវែងជាង ១១គីឡូម៉ែត្រ ឆ្លងកាត់ឃុំចំនួន៣ មានឃុំត្រពាំងព្រីង ឃុំត្រពាំងសង្កែរ ឃុំកណ្តោល ដែលប្រជាពលរដ្ឋរស់នៅអមតាមដងផ្លូវបានបង្ហាញក្តីត្រេកអរយ៉ាងខ្លាំង ក្រោយពេលឃើញផ្លូវបេតុងលេចចេញជារូបរាងជាបណ្តើរៗ បង្កភាពងាយស្រួលក្នុងការធ្វើដំណើរ និងការប្រកបមុខរបររកស៊ីប្រចាំថ្ងៃដោយពួកគាត់ក៏បានថ្លែងអំណរគុណរាជរដ្ឋាភិបាល និងអាជ្ញាធរគ្រប់លំដាប់ថ្នាក់។
ប្រជាពលរដ្ឋរស់នៅភូមិបុស្សត្របែក ឃុំត្រពាំងព្រីង ស្រុកទឹកឈូ ខេត្តកំពត បានបង្ហាញទឹកចិត្តត្រេកអរយ៉ាងខ្លាំង ពេលបានឃើញផ្លូវមុខផ្ទះរបស់ខ្លួនត្រូវបានស្ថាបនាជាផ្លូវបេតុងបានរួចរាល់នៅថ្ងៃខាងមុខ និងកន្លែងផ្សេងទៀតកំពុងពន្លឿនការស្ថាបនាបន្តបន្ទាប់ផងដែរ។ ប្រជាពលរដ្ឋបានបញ្ជាក់ថា ផ្លូវនេះពីមុនជាផ្លូវលំ ហើយក្រោយៗមកទៀតបានធ្វើជាផ្លូវក្រាលក្រួសក្រហម ខែប្រាំងដីហុយ ខែវស្សាបែកភក់ រអិល ពិបាកក្នុងការធ្វើដំណើរ ក្មេងៗសិស្សសាលាមិនសូវមានសម្លៀកបំពាក់ស្អាតបាតសមរម្យនោះទេ។ ឥឡូវនេះបានអាជ្ញាធរធ្វើជាផ្លូវបេតុង លែងពិបាកដូចមុនទៀតហើយ ការធ្វើដំណើរ និងការលក់ដូររកស៊ីប្រចាំថ្ងៃកាន់តែមានភាពល្អប្រសើរ ជាពិសេសអាចទាក់ទាញអ្នកទេសចរណ៍មកលេងភ្នំឈ្ងោក និងភ្នំសិដាឱន(ភ្នំក្បាលរមាស)កាន់តែច្រើនជាងមុន។
លោក សំ បុិច មេឃុំត្រពាំងព្រីងបានថ្លែងអំណរគុណដល់រាជរដ្ឋាភិបាល ថ្នាក់ដឹកនាំខេត្ត មន្ត្រីជំនាញ ជាពិសេសអាជ្ញាធរស្រុកទឹកឈូក ដែលតែងតែយកចិត្តទុកដាក់អំពីសុខទុក្ខ និងគៀងគរបានផ្តល់ផ្លូវល្អសម្រាប់បងប្អូនប្រជាពលរដ្ឋនៅក្នុងមូលដ្ឋានធ្វើដំណើរបានស្រួលទៅថ្ងៃខាងមុខ។
លោក ហ៊ សូរិន ប្រធានមន្ទីរអភិវឌ្ឍន៍ជនបទខេត្តកំពត បានឲ្យដឹងថា ផ្លូវពីក្បាលរមាសទៅចក្រីទីងមានប្រវែង ១១ ៣៤៥ ម៉ែត្រ ទទួលស្ថាបនាដោយក្រុមហ៊ុនបន្ទាយស្រី។ ផ្លូវនេះធ្វើពីបេតុងចេញពីក្បាលរមាសប្រវែង ៦ ២៤៣ ម៉ែត្រ និងផ្លូវកៅស៊ូ DBST= ៥ ១០២ ម៉ែត្រ នាបច្ចុប្បន្ននេះលទ្ធផលនៃការសាងសង់សម្រេចបានរង្វង់៥២ភាគរយ ដោយក្រុមការងារកំពុងសម្រុកធ្វើកំណាត់ផ្លូវបេតុងឲ្យហើយមុន។
លោក សំ បុិច មេឃុំត្រពាំងព្រីងបានលើកឡើងឱ្យដឹងថា ដោយសារលោក អ៊ឹម ច័ន្ចសោធន អភិបាលស្រុកទឹកឈូ បានយកចិត្តទុកដាក់ និងសុខទុក្ខប្រជាពលរដ្ឋនៅក្នុងមូលដ្ឋានរបស់ខ្លួនទើបទទួលបានផ្លូវមួយខ្សែនេះវាបានបម្រើផលប្រយោជន៍ឲ្យការធ្វើដំណើរ និងដឹកជញ្ជូនរបស់ប្រជាកសិផលបងប្អូនប្រជាពលរដ្ឋផង និងជាផ្លូវតភ្ជាប់តំបន់ទេសចរណ៍របស់ស្រុកទឹកឈូផង។
លោក សំ បុិច មេឃុំត្រពាំងព្រីងបានថ្លែងអំណរគុណដល់គម្រោងគាំទ្រនិរន្តរភាពហេដ្ឋារចនាសម្ព័ន្ធជនបទដើម្បីទីផ្សារកសិករ និងពាណិជ្ជបនីយកម្មកសិកម្ម ហៅកាត់ថា សម្បត្តិ(SAAMBAT) បានផ្តល់ផ្លូវ១ខ្សែនេះ និងផ្លូវជាច្រើនខ្សែទៀត នៅក្នុងស្រុកទឹកឈូទាំងមូល ដែលជួយជំរុញដល់ជីវភាពរបស់ពលរដ្ឋ ក៏ដូចជាលើកកម្ពស់ដល់វិស័យទេចរណ៍របស់ស្រុក ក៏ដូចជាខេត្តកំពតផងដែរ៕
អត្ថបទ៖ សឹង រ៉ាត់
-
ជីវិតកម្សាន្ដ៥ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍៤ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានអន្ដរជាតិ១៦ ម៉ោង ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
សន្តិសុខសង្គម១ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៥ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានអន្ដរជាតិ៥ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
ព័ត៌មានអន្ដរជាតិ៤ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៦ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន