ព័ត៌មានជាតិ
អង្គការ AHF ប្រារព្ធពិធីអបអរសាទរផ្ដល់ការថែទាំដល់អ្នករស់នៅជាមួយមេរោគអេដស៍ ២ លាននាក់
អង្គការមូលនិធិថែទាំសុខភាពអ្នកជំងឺអេដស៍កម្ពុជា(AHF) នៅព្រឹកថ្ងៃទី ២៤ ខែកក្កដា ឆ្នាំ ២០២៤ បានរៀបចំប្រារព្ធពិធីអបអរសាទរផ្តល់ការថែទាំដល់អ្នករស់នៅជាមួយមេរោគអេដស៍ ២ លាននាក់ នៅទូទាំងពិភពលោក ដោយមានជូនជាអំណោយជាផលិតផលអាហារសុខភាព របស់គម្រោងអាហារសុខភាព ដល់ប្រជាពលរដ្ឋជាង ១៥០ នាក់ មកពីមណ្ឌលកុមារកំព្រា អ្នករងផលប៉ះពាល់ និង រស់នៅជាមួយមេរោគអេដស៍ និងក្រុមបុរសស្រឡាញ់បុរស។
ពិធីនេះបានប្រព្រឹត្តិទៅនៅកសិដ្ឋានអាហារសុខភាពគម្រោងអាហារសុខភាព នៅភូមិព្រែកត្រែង ឃុំសម្រោងធំ ស្រុកកៀនស្វាយ ខេត្តកណ្តាល ក្រោមអធិបតីភាព លោក ឈឹមឃិនដារ៉េតអគ្គលេខាធិការអាជ្ញាធរជាតិប្រយុទ្ធនឹងជំងឺអេដស៍។
លោក Michael Weinstein ប្រមុខដឹកនាំអង្គការមូលនិធិថែទាំសុខភាពអ្នកជំងឺអេដស៍ពិភពលោកមានប្រសាសន៍ថា «យើងមានមោទនភាពយ៉ាងក្រៃលែងដែលបានឈានដល់ដំណាក់កាលជាប្រវត្តិសាស្ត្រនេះ។ នៅពេលដែលយើងចាប់ផ្តើមកម្មវិធីសកលរបស់យើងកាលពីជាង ២០ ឆ្នាំមុន នៅក្នុងប្រទេសអាហ្វ្រិកចំនួនពីរដែលប្រទេសនីមួយៗ មានអ្នកជំងឺ ១០០ នាក់។ ពួកយើងមិននឹកស្មានថា ថ្ងៃណាមួយយើងនឹងផ្តល់សេវាដល់ជីវិតមនុស្ស ២ លាននាក់ ក្រោមការយកចិត្តទុកដាក់របស់យើងនៅជុំវិញពិភពលោក។ ថ្ងៃនេះ ជាកិត្តិយស និងជាសក្ខីភាពមួយចំពោះការលះបង់ និងការខិតខំប្រឹងប្រែងរបស់បុគ្គលិក ដៃគូ និងអ្នកស្ម័គ្រចិត្តរបស់យើង ដែលខិតខំប្រឹងប្រែងដោយមិនចេះនឿយហត់ក្នុងការធ្វើឱ្យមានការផ្លាស់ប្ដូរក្នុងជីវិតរបស់អ្នកដែលរងផលប៉ះពាល់ដោយមេរោគអេដស៍/ជំងឺអេដស៍ជារៀងរាល់ថ្ងៃ»។
លោកវេជ្ជបណ្ឌិត ឈឹម សារ៉ាត់ នាយកអង្គការមូលនិធិថែទាំសុខភាពអ្នកជំងឺអេដស៍ប្រចាំតំបន់អាស៊ីមានប្រសាសន៍ថា នេះជាសេចក្ដីរីករាយដ៏អស្ចារ្យរបស់យើងក្នុងការចែករំលែកថា អង្គការមូលនិធិថែទាំសុខភាពអ្នកជំងឺអេដស៍ បានឈានដល់ដំណាក់កាលដ៏អស្ចារ្យដែលបានជួយដល់មនុស្ស ២ លាននាក់ ក្នុងការថែទាំទូទាំងពិភពលោក ដែលអាចធ្វើទៅបានដោយសារតែការដឹកនាំប្រកបដោយចក្ខុវិស័យដែលបានប្តេជ្ញាចិត្តរបស់អង្គការមូលនិធិថែទាំសុខភាពអ្នកជំងឺអេដស៍ទាំងមូល រួមទាំង លោក Michael Weinstein ជាប្រមុខដឹកនាំផងដែរ។
លោកវេជ្ជបណ្ឌិត សូមថ្លែងអំណរគុណដល់ដៃគូ អតិថិជន និងបុគ្គលិក អង្គការមូលនិធិថែទាំសុខភាពអ្នកជំងឺអេដស៍ទាំងអស់ជុំវិញពិភពលោកសម្រាប់ការលះបង់ខ្ពស់ កិច្ចសហប្រតិបត្តិការ និងកិច្ចសហការជាដៃគូ។ យើងសូមអបអររួមគ្នា និងត្រួសត្រាយផ្លូវដើម្បីសម្រេចក្នុងការបញ្ចប់ជំងឺអេដស៍នៅឆ្នាំ ២០៣០។
ចំណែកលោកស្រីវេជ្ជបណ្ឌិត ហ៊ួយ ស៊ីខេង ប្រធានគ្រប់គ្រងកម្មវិធីអង្គការមូលនិធិថែទាំសុខភាពអ្នកជំងឺអេដស៍ប្រចាំប្រទេសកម្ពុជា បានមានប្រសាសន៍ថា អង្គការមូលនិធិថែទាំសុខភាពអ្នកជំងឺអេដស៍នៅក្នុងប្រទេស និងទូទាំងពិភពលោក បោះជំហានដល់ការទទួលបានសមិទ្ធផល ២ លាននាក់ រស់នៅក្នុងការថែទាំ គឺជាសមិទ្ធផលដ៏អស្ចារ្យសម្រាប់ទាំងអស់គ្នាក្នុងការបញ្ចប់ជំងឺអេដស៍នៅឆ្នាំ ២០៣០។
លោកស្រី សូមថ្លែងអំណរគុណដល់អតិថិជន និងអង្គការដៃគូទាំងអស់ រួមទាំងរាជរដ្ឋាភិបាល ចំពោះការប្ដេជ្ញាចិត្តរួមគ្នា និងការគាំទ្រដែលមិនផ្លាស់ប្ដូរក្នុងការលើកកម្ពស់ជីវិតអ្នកដែលរងផលប៉ះពាល់ដោយមេរោគអេដស៍/ជំងឺអេដស៍”។
ជាមួយនឹងហេដ្ឋារចនាសម្ព័ន្ធគ្លីនិក និងសម្ភារៈបរិក្ខារដែលមាននៅប្រទេសចំនួន ៤៧ ទូទាំងពិភពលោកក្នុងទ្វីបអាហ្វ្រិក អាស៊ី អាមេរិក និងអឺរ៉ុប អង្គការមូលនិធិថែទាំសុខភាពអ្នកជំងឺអេដស៍នៅតែបន្តប្រើប្រាស់គំរូការផ្តល់សេវាថែទាំសុខភាពប្រកបដោយភាពច្នៃប្រឌិត ដើម្បីពង្រីកលទ្ធភាព និងប្រសិទ្ធភាព និងទៅដល់សហគមន៍ដែលមានតម្រូវការដោយការផ្តល់នូវការថែទាំវេជ្ជសាស្ត្រដ៏គ្រប់ជ្រុងជ្រោយ ការព្យាបាល ការធ្វើតេស្តរកមេរោគអេដស៍ ការបង្ការ និងថែទាំគាំទ្រ។
អង្គការមូលនិធិថែទាំសុខភាពអ្នកជំងឺអេដស៍គឺជាអង្គការពិភពលោកដ៏ធំបំផុតដែលបាននិងកំពុងផ្តល់សេវាថែទាំព្យាបាលដោយមិនគិតពីលទ្ធភាព នៃការបង់ប្រាក់ ដល់អតិថិជនជាង ២ លាននាក់ ក្នុង ៤៧ ប្រទេស ជុំវិញពិភពលោក ដូចជានៅសហរដ្ឋអាមេរិក អាហ្វ្រិក អាមេរិកឡាទីន ការាបៀន តំបន់អាស៊ីប៉ាស៊ីហ្វិក និងអឺរ៉ុប៕
អត្ថបទ ៖ សំអឿន
ក្រសួងអប់រំ ណែនាំ៣ចំណុចឲ្យ សហព័ន្ធគុនខ្មែរបោះឆ្នោតជ្រើសរើសប្រធានថ្មី
មិត្តស្រីមហាសេដ្ឋី Bezos ស្លៀកពាក់មិនសមរម្យនៅក្នុងពិធីស្បថឡើងកាន់តំណែងរបស់លោក ត្រាំ
BYD គ្រោងបញ្ចប់ការសាងសងរោងចក្រផលិតរថយន្តអគ្គិសនី ១ ប៊ីលានដុល្លារ នៅឥណ្ឌូណេស៊ី ចុងឆ្នាំនេះ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
តម្លៃមាសអន្តរជាតិកើនឡើង ដោយ ត្រាំ មិនសូវគឃ្លើនចំពោះគោលនយោបាយពន្ធ ពេលស្បថចូលកាន់តំណែង
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
៤ឆ្នាំមកនេះ តើរដ្ឋបាលលោក បៃដិន បានធ្វើអ្វីខ្លះជួយដល់អ៊ុយក្រែននៅក្នុងសង្គ្រាម?
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២២ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៥ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ