ព័ត៌មានជាតិ
ក្រុមការងារ ស.ផ.ក លើកទឹកចិត្តអ្នកបើករថយន្តដឹកកម្មករធ្វើការផ្លាស់ប្ដូររថយន្តដើម្បីធានាសុវត្ថិភាពកម្មករ
ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) នៃបេឡាជាតិសន្តិសុខសង្គម បានលើកទឹកចិត្តដល់អ្នកបើកបររថយន្តដឹកកម្មករ-និយោជិត ឱ្យធ្វើការផ្លាស់ប្តូរពីរថយន្តប្រភេទដឹកទំនិញដឹកកម្មករ-និយោជិត ឈរ ឱ្យមានកៅអីអង្គុយសមរម្យ និងជំរុញការផ្លាស់ប្តូរប្រភេទដឹកទំនិញមានកៅអីអង្គុយ ទៅជារថយន្តដឹកអ្នកដំណើរ ដើម្បីធានាសុខសុវត្ថិភាព ផាសុកភាព និងសណ្តាប់ធ្នាប់ ឱ្យកាន់តែប្រសើរឡើងជូនដល់កម្មករ-និយោជិត សំដៅចូលរួមកាត់បន្ថយគ្រោះថ្នាក់ចរាចរណ៍តាមផ្លូវគោកកាន់តែថយចុះបន្ថែមទៀត។
នៅក្នុងកិច្ចប្រជុំក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) នៃ ប.ស.ស កាលពីរសៀលថ្ងៃទី ២៤ កក្កដា លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស. និងជាប្រធានក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) បានឱ្យដឹងថា នៅក្នុងកិច្ចប្រជុំនេះ ក្រុមការងារ ស.ផ.ក បានលើកយករបៀបវារៈសំខាន់ៗ ចំនួន ២ មកធ្វើការពិភាក្សារួមមាន ៖ (១).ពិនិត្យ កែសម្រួលសេចក្ដីព្រាងរបាយការណ៍លទ្ធផលការងារសម្រេចបានប្រចាំឆមាសទី ១ ឆ្នាំ ២០២៤ និងទិសដៅការងារឆមាសទី ២ ឆ្នាំ ២០២៤ (២).ពិនិត្យ និងពិភាក្សាអំពីផែនការសកម្មភាព នៃការផ្លាស់ប្តូររថយន្តដឹកកម្មករនិយោជិត ដែលមានសុវត្ថិភាពជាង (រថយន្តដឹកទំនិញ ទៅជារថយន្តដឹកអ្នកដំណើរ) និងបញ្ហាផ្សេងៗ។
លោកបណ្ឌិត បានបន្តថា ក្រុមការងារ ស.ផ.ក បានផ្តោតសំខាន់លើការសិក្សាយន្តការគាំទ្រ និងលើកទឹកចិត្តអ្នកបើកបររថយន្តដឹកកម្មករ-និយោជិត ឱ្យធ្វើការផ្លាស់ប្តូរពីរថយន្តប្រភេទដឹកទំនិញដឹកកម្មករ-និយោជិត ឈរ ឱ្យមានកៅអីអង្គុយសមរម្យ និងជំរុញការផ្លាស់ប្តូរប្រភេទដឹកទំនិញមានកៅអីអង្គុយ ទៅជារថយន្តដឹកអ្នកដំណើរ ដែលមានសុវត្ថិភាព ផាសុកភាព និងសណ្តាប់ធ្នាប់ ឱ្យកាន់តែប្រសើរឡើង ក្នុងន័យចូលរួមការអនុវត្តទៅលើកម្មវិធីគោលនយោបាយអាទិភាពទាំង ៦ និងការងារក្នុងរយៈពេល ២ ឆ្នាំ ខាងមុខ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដោយត្រូវសហការជាមួយភាគីពាក់ព័ន្ធ សិក្សាយន្តការគាំទ្រ និងលើកទឹកចិត្តឱ្យមានការផ្លាស់ប្តូរជាបណ្តើរៗ នូវមធ្យោបាយដឹកជញ្ជូនកម្មករ-និយោជិត ដែលស្របតាមបទដ្ឋានបច្ចេកទេស និងផាសុកភាពជាងមុន ត្រឹមឆ្នាំ ២០២៧ នេះ។
គួរបញ្ជាក់ថា ក្រុមការងារ ស.ផ.ក នេះ មានភារកិច្ចដូចជា ៖ (១).កសាងផែនការសកម្មភាពសម្រាប់ក្រុមការងារអនុវត្ត ដើម្បីទប់ស្កាត់គ្រោះថ្នាក់ចរាចរណ៍ផ្លូវគោក ដែលអាចកើតមានក្នុងពេលកម្មករ-និយោជិតធ្វើដំណើរ (២).សិក្សាស្រាវជ្រាវ ប្រមូលទិន្នន័យ ចងក្រង និងវិភាគរកមូលហេតុចម្បងៗ ដែលនាំឱ្យកើតមានគ្រោះថ្នាក់ចរាចរណ៍ក្នុងការធ្វើដំណើររបស់កម្មករ-និយោជិត (៣).សិក្សាស្រាវជ្រាវពីជម្រើសក្នុងការជំរុញផ្លាស់ប្តូររថយន្តដឹកកម្មករ-និយោជិត ឱ្យស្របតាមបទដ្ឋានបច្ចេកទេស និងផាសុកភាព (៤).ស្រង់ស្ថិតិមធ្យោបាយដឹកជញ្ជូនកម្មករនិយោជិត និងអ្នកបើកបរតាមរោងចក្រ សហគ្រាស ទូទាំងប្រទេស (៥).រៀបចំវិធានការអប់រំផ្សព្វផ្សាយ និងណែនាំអំពីច្បាប់ និងសុវត្ថិភាពចរាចរណ៍ដល់អ្នកបើកបរ និងកម្មករ-និយោជិត (៦).សហការជាមួយក្រសួង ស្ថាប័នពាក់ព័ន្ធ ពិសេសអាជ្ញាធរដែនដី និងសមត្ថកិច្ចចរាចរណ៍ផ្លូវគោកក្នុងការចុះត្រួតពិនិត្យមធ្យោបាយដឹកជញ្ជូនកម្មករ-និយោជិត នៅតាមគោលដៅដើមទីមុនពេលចេញដំណើរ (៧)ធ្វើអន្តរាគមន៍តាមគ្រប់មធ្យោបាយនៅពេលរថយន្តដឹកកម្មករ-និយោជិតជួបគ្រោះថ្នាក់ចរាចរណ៍ ដើម្បីធានាថា រាល់កម្មករ-និយោជិត ដែលជួបគ្រោះថ្នាក់អាចទទួលបានសេវាព្យាបាលបានទាន់ពេលវេលា៕
អត្ថបទ ៖ សំអឿន
បំណងពង្រឹងទំនាក់ទំនងទ្វេភាគី ទាយាទរបស់លុចសំបួ នឹងយាងទស្សនកិច្ចនៅកម្ពុជា
Ronaldo ជម្រុញឱ្យសិស្សប្អូននៅ ព័រទុយហ្គាល់ ម្នាក់ផ្លាស់ទៅ Man UTD
ស្រាបៀរ Heineken® បាននាំមកនូវផលិតផលថែរក្សាស្បែក Heineken® Smootheriser ដែលមានចំនួនកំណត់មកប្រទេសកម្ពុជា
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?