ព័ត៌មានជាតិ
តាមសំណើសម្ដេចតេជោ, ភាគីវៀតណាម សន្យាបន្តផ្គត់ផ្គង់អគ្គិសនីដល់កម្ពុជាបន្ថែមទៀត
នាយករដ្ឋមន្ត្រីវៀតណាម បានសន្យានៅចំពោះមុខសម្ដេចតេជោ ហ៊ុន សែន ថា វៀតណាមនឹងបន្តផ្គត់ផ្គង់អគ្គិសនីដល់កម្ពុជាបន្ថែមទៀតទៅតាមតម្រូវការនៃការអភិវឌ្ឍសេដ្ឋកិច្ចរបស់កម្ពុជា។ ការសន្យារបស់នាយករដ្ឋមន្ត្រីវៀតណាម គឺបានធ្វើឡើងតាមសំណើរបស់សម្ដេចតេជោ ប្រធានព្រឹទ្ធសភាកម្ពុជា ក្នុងឱកាសដែលលោកទាំងពីរ បានជួបជជែកគ្នានៅរដ្ឋធានីហាណូយ នាល្ងាចថ្ងៃទី២៥ ខែកក្កដា ឆ្នាំ២០២៤។
![](https://www.kampucheathmey.com/wp-content/uploads/2024/07/image-1503-1024x778.png)
ជំនួបដែលធ្វើឡើងក្នុងអំឡុងពេលអញ្ជើញចូលរួមគោរពវិញ្ញាណក្ខន្ធលោក ង្វៀន ហ្វូជុង មេដឹកនាំជាន់ខ្ពស់វៀតណាម ដល់ហាណូយ, សម្ដេចតេជោ ហ៊ុន សែន បានលើកសំណើទៅកាន់លោក ផាម មិញជិញ នាយករដ្ឋមន្រ្តីវៀតណាម ពាក់ព័ន្ធនឹងការពង្រឹងកិច្ចសហប្រតិបត្តិការរវាងប្រទេសទាំងពីរ ជាពិសេសផ្ដោតលើការតភ្ជាប់ហេដ្ឋារចនាសម្ព័ន្ធផ្នែកអគ្គិសនី។
លោក ផាម មិញជិញ នាយករដ្ឋមន្រ្តីវៀតណាម បានទទួលយកសំណើររបស់សម្ដេចតេជោ ដើម្បីធ្វើយ៉ាងណាបន្តផ្គត់ផ្គង់អគ្គិសនីដល់កម្ពុជា ២៥០មេហ្គាវ៉ាត់ ដែលជាកិច្ចសន្យាចាប់ពីឆ្នាំ២០២៥បន្តទៀត។ នាយករដ្ឋមន្ត្រីវៀតណាម បានអះអាងថា ភាគីវៀតណាមពេញចិត្តក្នុងការផ្គត់ផ្គង់ឱ្យបានលើសនឹងបន្ថែមទៀត ហើយបើសិនជាអាច គឺភាគីវៀតណាម បើកទូលាយដល់៤០០មេហ្គាវ៉ាត់ ឬ ក៏លើស៤០០មេហ្គាវ៉ាត់ ដើម្បីចូលរួមចំណែកជំរុញសេដ្ឋកិច្ចកម្ពុជាឱ្យរីកចម្រើននៅក្នុងឧស្សាហកម្ម ៤.០។
![](https://www.kampucheathmey.com/wp-content/uploads/2024/07/image-1504-1024x683.png)
កិច្ចសហប្រតិបត្តិការតភ្ជាប់ខឿនសេដ្ឋកិច្ចនេះទៀតសោត សម្ដេចតេជោ និងលោក ផាម មិញជិញ ក៏បានប្រកាសពីការ ជួយគ្នាទៅវិញទៅមក ដោយក្នុងលក្ខណៈសេដ្ឋកិច្ចបំពេញគ្នាទៅវិញទៅមក ជាពិសេស គឺភាគីវៀតណាម ពេញចិត្តក្នុងការផ្គត់ផ្គង់អគ្គិសនីដល់កម្ពុជាទៅតាមតម្រូវការនៃការអភិវឌ្ឍន៍សេដ្ឋកិច្ចរបស់កម្ពុជា។
សម្ដេចតេជោ ប្រធានព្រឹទ្ធសភាកម្ពុជា និងលោក ផាម មិញជិញ នាយករដ្ឋមន្ត្រីវៀតណាម បានសង្កត់ធ្ងន់លើការលើកស្ទួយ និងលើកកម្ពស់ចំពោះការតភ្ជាប់នូវហេដ្ឋារចនាសម្ព័ន្ធ ជាពិសេសការតភ្ជាប់ខឿនសេដ្ឋកិច្ច ដើម្បីឯករាជ្យ ម្ចាស់ការ ធ្វើឱ្យមានការបំពេញឱ្យគ្នាទៅវិញទៅមករវាងសេដ្ឋកិច្ចនៃប្រទេសទាំងពីរ ក៏ដូចជាការបំពេញឱ្យគ្នាទៅវិញទៅមកនៃការតភ្ជាប់នូវទីផ្សារទេសចរណ៍ និងហេដ្ឋារចនាសម្ព័ន្ធទាំងឡាយ។
![](https://www.kampucheathmey.com/wp-content/uploads/2024/07/image-1505-1024x664.png)
បន្ថែមពីនេះ មេដឹកនាំទាំងពីរ បានពិភាក្សាគ្នាយ៉ាងល្អិតល្អន់អំពីប្រពៃណីនៃការធ្វើការជាមួយគ្នា ដោយបានផ្ដល់តម្លៃខ្ពស់ចំពោះកិច្ចខិតខំប្រឹងប្រែងរវាងគណបក្សទាំងពីរ ក៏ដូចជារាជរដ្ឋាភិបាលនៃប្រទេសទាំងពីរ ដែលបានបង្កឱ្យមានលក្ខណៈនៃការបណ្ដុះបណ្ដាល និងផ្លាស់ប្ដូរយុវជន ដើម្បីស្គាល់គ្នា ទុកចិត្តគ្នា និងការដឹកនាំប្រកបដោយសុឆន្ទៈ ក្នុងន័យមិត្តភាពយូរអង្វែង។
ភាគីទាំងពីរ ក៏បានជូនពរគ្នាទៅវិញទៅមកចំពោះការធ្វើយ៉ាងណាឱ្យពាណិជ្ជកម្ម និងកិច្ចសហប្រតិបត្តិការទាំងអស់ មានការកើនឡើង ជាពិសេសវៀតណាម នៅឆ្នាំ២០៣០ ក្លាយទៅជាប្រទេសអភិវឌ្ឍន៍ ហើយក៏ជូនពរឱ្យក្លាយទៅជាប្រទេសដែលចូលទៅក្នុងកម្រិតមហាសេដ្ឋកិច្ចទាំង២០ របស់ពិភពលោក។ ខណៈភាគីវៀតណាម ក៏បានជូនពរឱ្យកម្ពុជា ទទួលបានជោគជ័យចំពោះទស្សនៈវិស័យរបស់សម្ដេចតេជោ និងការដឹកនាំរបស់សម្ដេចធិបតី ហ៊ុន ម៉ាណែត ក្នុងការប្រែក្លាយកម្ពុជាទៅជាប្រទេសដែលមានចំណូលខ្ពស់ នៅឆ្នាំ២០៥០ផងដែរ៕
![](https://www.kampucheathmey.com/wp-content/uploads/2024/07/image-1506-1024x629.png)
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៦ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៦ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៥ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៦ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
ព័ត៌មានអន្ដរជាតិ១ សប្តាហ៍ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
សេចក្ដីជូនដំណឹង៨ ម៉ោង ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
សន្តិសុខសង្គម១ សប្តាហ៍ ago
ស្នងការរាជធានី នឹងបញ្ជូនខ្លួនលោក ស៊ុន ហួរ ទៅតុលាការនៅរសៀលថ្ងៃទី២៧សីហានេះ