ព័ត៌មានជាតិ
ពលរដ្ឋសង្កាត់អូរតាវ៉ៅ ខេត្តប៉ៃលិន ទទួលបានស្ពានបេឡេត៍ ប្រវែង២១ម៉ែត្រ
ដើម្បីឆើ្លយតប ទៅនឹងសំណូមពរ របស់ពលរដ្ឋ ដែលបានលើកឡើង ក្នុងវេទិការសាធារណៈនាពេលកន្លងមក នៅពេលថ្មីៗនេះលោកស្រី បាន ស្រីមុំ អភិបាលខេត្តប៉ៃលិន បានដឹកក្រុមការងារ និងមន្ទីរជំនាញ អញ្ជើញជួបសំណេះសំណាលជាមួយពលរដ្ឋ និងបើកការដ្ឋានស្ថាបនាស្ពានបេឡេត៍ ប្រវែង ២១ម៉ែត្រ ទទឹង ៤.២ម៉ែត្រ ស្ថិតនៅភូមិអូរសួស្តី សង្កាត់អូរតាវ៉ៅ ភ្ជាប់ទៅភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន។
![](https://www.kampucheathmey.com/wp-content/uploads/2024/07/image-1560-1024x682.png)
លោកស្រី បាន ស្រីមុំ អភិបាលខេត្តប៉ៃលិន លើកឡើងថា ក្រោមគោលនយោបាយឈ្នះៗ និងក្រោមមាគ៌ាដឹកនាំ ប្រកបដោយគតិបណ្ឌិត របស់សម្តេចតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានធ្វើឱ្យប្រទេសជាតិ ទទួលបាននូវសុខសន្តិភាពពេញលើផ្ទៃប្រទេស ស្ថេរភាពនយោបាយ ជាពិសេសបានធ្វើឱ្យខេត្តប៉ៃលិន ដែលជាខេត្តជាយដែន និងធ្លាប់ជាសមរភូមិយ៉ាងក្តៅគគុក មានការអភិវឌ្ឍ និងរីកចម្រើនលើគ្រប់វិស័យ ហើយជីវភាពរបស់ប្រជាពលរដ្ឋកាន់តែប្រសើរឡើងពីមួយថ្ងៃទៅមួយថ្ងៃ។ ដូច្នេះលោកស្រី អំពាវនាវឱ្យពលរដ្ឋបន្តគាំទ្ររាជរដ្ឋាភិបាលស្របច្បាប់ ដោយជៀសវាងការចាញ់បោកការញ៉ោះញង់របស់ជនអគតិមួយក្តាប់តូច ។
លោកស្រីអភិបាលខេត្ត អះអាងថា ផ្លូវស្ពានថ្នល់ពិតជាមានសារៈសំខាន់ណាស់ ទាំងផ្នែកសេដ្ឋកិច្ច ផ្នែកទេសចរណ៍ និងបម្រើដល់ជីវភាពរស់នៅប្រចាំថ្ងៃ របស់ប្រជាពលរដ្ឋ ជាក់ស្តែងបច្ចុប្បន្ននេះ អាជ្ញាធរខេត្តប៉ៃលិន បានកំពុងខិតខំរៀបចំសណ្តាប់ធ្នាប់ និងកែរលម្អសោភ័ណភាព នៅក្នុងខេត្ត យ៉ាងសស្រាក់សស្រាំ ដូចជា ការកសាងហេដ្ឋារចនាសម្ព័ន្ធ ការកែរលម្អសួនច្បារសាធារណៈ ការដាក់ភ្លើងបំភ្លឺ ការសម្អាតអនាម័យបរិស្ថាន នៅតាមទីសាធារណៈ និងតាមតំបន់រមណីយ៍ដ្ឋានទេសចរណ៍នានា ដើម្បីឲ្យខេត្តប៉ៃលិនប្រែក្លាយ ជាខេត្តមួយ មានការរីកចម្រើន និងមានទេសភាពស្រស់បំព្រង បរិស្ថានល្អ ព្រមទាំងប្រែក្លាយជាខេត្តគោលដៅទេសចរណ៍ សម្រាប់ថ្ងៃអនាគតផងដែរ។
![](https://www.kampucheathmey.com/wp-content/uploads/2024/07/image-1561-1024x682.png)
លោកស្រី បាន ស្រីមុំ សំណូមពរ ដល់បងប្អូនប្រជាពលរដ្ឋទាំងអស់ ត្រូវរួមគ្នាជួយថែរក្សាទ្រព្យសម្បត្តិសាធារណៈរបស់រដ្ឋ ពិសេសផ្លូវស្ពានថ្នល់នេះតែម្តង ព្រោះថាការកសាង និងជួសជុលហេដ្ឋារចនាសម្ព័ន្ធ គឺត្រូវចំណាយថវិកា យ៉ាងច្រើនសន្ធឹកសន្ធាប់ ហើយក្នុងនោះប្រជាពលរដ្ឋដែលធ្វើចរាចរណ៍លើលផ្លូវស្ពាននេះ មេត្តាយោគយល់ និងអធ្យាស្រ័យ ព្រមទាំងចូលរួមសហការជាមួយក្រុមការងារបច្ចេកទេស ដើម្បីឱ្យសមិទ្ធផលថ្មីនេះ សម្រេចបានទៅតាមការគ្រោងទុក និងឆាប់បានប្រើប្រាស់ទាំងអស់គ្នា ។
តាមរបាយការណ៍របស់ លោក អ៊ាត សារ៉ាត់ ប្រធានសាធារណៈការ និងដឹកជញ្ជូនខេត្ត បានឱ្យដឹងថា ស្ពានបេឡេត៍ ដែលបើកការដ្ឋានស្ថាបនានេះ គឺមានប្រវែង ២១ម៉ែត្រ ទទឹង ៤.២ម៉ែត្រ ដោយប្រើរយៈពេលប្រហែល ៤៥ថ្ងៃ ស្ថិតលើកំណាត់ផ្លូវខេត្ត លេខ ១៥៧៦អា ជាប្រភេទផ្លូវក្រាលដីល្បាយថ្ម មានប្រវែងសរុប ៩.២១គ.ម ដែលបែកចេញពីផ្លូវជាតិលេខ៥៧ ស្ថិតក្នុងភូមិសួស្តី សង្កាត់អូរតាវ៉ៅ ទៅភ្ជាប់នឹងផ្លូវខេត្ត លេខ១៥៧៦ ស្ថិតក្នុងភូមិទឹកផុស សង្កាត់ប៉ៃលិន ខេត្តប៉ៃលិន ៕
អត្ថបទ៖ សេង សុវណ្ណារិទ្ធ
![](https://www.kampucheathmey.com/wp-content/uploads/2024/07/image-1563-1024x682.png)
![](https://www.kampucheathmey.com/wp-content/uploads/2024/07/image-1564-1024x545.png)
![](https://www.kampucheathmey.com/wp-content/uploads/2024/07/image-1565-1024x682.png)
![](https://www.kampucheathmey.com/wp-content/uploads/2024/07/image-1566-1024x682.png)
![](https://kampucheathmey.com/wp-content/uploads/2020/12/1-01-2-01-1.png)
-
ចរាចរណ៍២ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ជីវិតកម្សាន្ដ៣ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
សេចក្ដីជូនដំណឹង៣ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ៧ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៣ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម៦ ថ្ងៃ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ២ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៥ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន