ព័ត៌មានជាតិ

ផ្ទះ ៣៦ ខ្នង និងសាលារៀន ១ ខ្នង នៅស្រុកឯកភ្នំ ត្រូវខ្យល់កន្ត្រាក់វាយបំផ្លាញ

បានផុស

៦ ខែ មុន

នៅ

ថ្ងៃសៅរ៍ ២៧ កក្កដា ២០២៤

ដោយ

នៅក្នុងរយៈពេល ២ ថ្ងៃ ចុងក្រោយនេះ ស្រុកឯកភ្នំ បានទទួលរងនូវគ្រោះធម្មជាតិ ដែលក្នុងនោះលំនៅឋានរបស់ប្រជាពលរដ្ឋចំនួន ៣៦ ខ្នង និងសាលារៀន ១ ខ្នង ត្រូវបានខ្យល់កន្ត្រាក់វាយបំផ្លាញ និងខូចខាតយ៉ាងដំណំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់អាជ្ញាធរមូលដ្ឋាន បានបញ្ជាក់ថា ចាប់តាំងពីថ្ងៃទី ២៥ ខែកក្កដា រហូតដល់ថ្ងៃទី ២៦ ខែកក្កដា ឆ្នាំ ២០២៤ មានភ្លៀងធ្លាក់ និង ខ្យល់កន្ត្រាក់ បានបោកបក់ចូលទៅលើឃុំព្រៃចាស់ ក្នុងស្រុកឯកភ្នំ ខេត្តបាត់ដំបង បណ្ដាលឲ្យប៉ះពាល់ទៅលើលំនៅដ្ឋានរបស់ប្រជាពលរដ្ឋជាច្រើនខ្នង ក្នុងនោះក៏បានប៉ះពាល់ដល់ដំបូលអគារសិក្សា ១ ខ្នង ផងដែរ។

អាជ្ញាធរមូលដ្ឋាន បញ្ជាក់បន្ថែមថា ករណីគ្រោះធម្មជាតិនេះ បណ្តាលឲ្យខូចខាតផ្ទះប្រជាពលរដ្ឋចំនួន ៣៦ ខ្នង និងសាលារៀនរបើកដំបូលចំនួន ១ ខ្នង ប៉ុន្តែនៅក្នុងករណីនេះដែរ ពុំមានប៉ះពាល់ដល់អាយុជីវិតមនុស្ស និងសត្វឡើយ៕

អត្ថបទ ៖ សោ និយមរ័ត្ន