ព័ត៌មានជាតិ
កសិករ ២ រូបបន្ថែមមុខរបរ ចេះបង្ហោះដ្រូនស៊ីឈ្នួលបាញ់ជី រកចំណូលផ្គត់ផ្គង់គ្រួសារ
កសិករពីរគ្រួសារចេះបច្ចេកទេសក្នុងការប្រើប្រាស់ដ្រូន ដែលអាចប្រើជួយលើការដាំដុះដំណាំផ្សេងៗជាពិសេសដំណាំស្រូវ ដែលក្នុងមួយរដូវៗអាចរកចំណូលបានរាប់សិបលានរៀល អាចផ្គត់ផ្គង់ពង្រីកសេដ្ឋកិច្ចគ្រួសារបានប្រសើរ។
កសិករមួយរូបរស់នៅក្នុង ឃុំព្រែកនរិន្ទ ស្រុកឯកភ្នំ គឺលោក សុជាតិ បានឲ្យដឹងថា តាំងពីលោកបានទិញដ្រូន ១ គ្រឿង ដើម្បីយកទៅប្រើប្រាស់លើវិស័យកសិកម្ម បានផ្តល់ចំណូលផ្គត់ផ្គង់ជីវភាពរស់នៅប្រចាំថ្ងៃបានប្រសើរជាងមុន។
តាមរយៈបច្ចេកទេសប្រើប្រាស់ដ្រូនដែលលោកបានសិក្សា គ្រាន់តែឈរបញ្ជាដ្រូនបាញ់ជីប៉ុណ្ណោះ លោកអាចទទួលបានកម្រៃក្នុងមួយហិកតា ៣ ម៉ឺនរៀល ប្រើពេលជាង ១០នាទី បាញ់ក្នុង ១ហិកតាស្រូវ។ ខណៈក្នុងរយៈពេល ១ថ្ងៃលោកបានទទួលពីកសិកររាប់សិបហិកតាលើការបាញ់លើដំណាំស្រូវ និងមិនទាន់គិតពីផលដំណាំផ្សេងៗផង។
ចំណែកកសិករម្នាក់ទៀតគឺ លោក កវី រស់នៅក្នុង ឃុំបឹងព្រីង ស្រុកថ្មគោល ខេត្តបាត់ដំបង ក្នុងសកម្មភាពដឹកដ្រូនទៅបាញ់ជីឲ្យកសិករ បានថ្លែងប្រាប់ «កម្ពុជាថ្មី» នៅថ្ងៃទី២៨ ខែកក្កដា នេះថា ឆ្នាំនេះក៏មិនខុសពីឆ្នាំមុនៗដែរ លោកជាប់មមាញឹកទទួលការជួលពីកសិករក្នុងស្រុកជួលឲ្យបាញ់ថ្នាំ និងជីតាមស្រែជាបន្តបន្ទាប់។
លោកបន្តថា «ខ្ញុំបានទិញដ្រូនមួយហ្នឹង ៤ ឆ្នាំហើយ ពិតជារកចំណូលបានគ្រាន់បើ ដោយមួយរដូវៗបាញ់បានរាប់សិបហិកតា»។
លោកបន្តថា «មុខរបរនេះអត់លំបាកទេ ជាមុខរបរស៊ីលុយតាមនាទី តាមម៉ោង ដែលលុយរកបានអាចយកទៅបង្វិលចំណាយផ្សេងៗទៀតក៏អត់សូវខ្វះខាតក្រៅពីផ្គត់ផ្គង់គ្រួសារ ព្រោះតែប្រជាពលរដ្ឋធ្វើស្រែច្រើន ដែលខ្ញុំប្រើពេលត្រឹមតែ ៩ ទៅ ១០ នាទី ទទួលបានថវិកា ៣ ម៉ឺនរៀលក្នុង ១ហិកតា អាចមួយថ្ងៃយ៉ាងហោចក៏បានចន្លោះពី ១៥ ទៅ ២០ ហិកតា តែក៏ចំណាយទៅលើថ្មវាច្រើនដែរ ព្រោះថ្មវាក៏ថ្លៃគួសមដែរ»។
ខេត្តបាត់ដំបងជាខេត្តមួយបានដើរតួនាទីយ៉ាងសំខាន់ជាងបណ្តាខេត្តនានាផ្នែកវិស័យកសិកម្ម តាមរយៈកត្តាអំណោយផលពីប្រភពដីដែលសម្បូរទៅដោយសារធាតុជីធម្មជាតិ តែបច្ចុប្បន្នកសិករក៏តម្រូវការប្រើប្រាស់ជីសរីរាង្គ ឬជីផលិតពីក្រុមហ៊ុន ដើម្បីបង្កើនទិន្នផល និងទប់ស្កាត់រាល់ការបំផ្លាញពីសត្វដង្កូវផងដែរ ក្នុងការទាញបានទិន្នផលឲ្យបានខ្ពស់ សម្រាប់តម្រូវការលើទីផ្សារក្នុងនិងក្រៅស្រុកតាមដែលអាចធ្វើបាន។
សម្រាប់ខេត្តបាត់ដំបងនាពេលបច្ចុប្បន្ន ប្រជាពលរដ្ឋទូទាំងខេត្តបានចាប់យកវិស័យកសិកម្មស្ទើរតែ ១០០% បើទោះមួយចំនួនតូចជាអាជីវករលក់ដូរតាមផ្សារ ប៉ុន្តែក៏មានដីស្រែសម្រាប់ធ្វើកសិកម្មដាំដុះដំណាំស្រូវ ឬផលដំណាំផ្សេងៗ។
លោក ហេង សិទ្ធ មន្រ្តីទទួលបន្ទុកផ្នែកការិយាល័យស្ថិតិកសិកម្មខេត្តបាត់ដំបងបានឲ្យដឹងថា «នៅក្នុងខេត្តបាត់ដំបង មានស្រុកចំនួន ៤ ដែលមានផ្ទៃដីកសិកម្មធំចាប់ពី ៤០ ០០០ ហិកតាឡើង ក្នុងនោះមានស្រុកបវេល ស្រុកថ្មគោល ស្រុកបាណន់ និងស្រុកមោងឬស្សី។ ស្រុកដែលមានផ្ទៃដីកសិកម្មជាមធ្យមចន្លោះពី ៣៥ ០០០ ទៅ ៤០ ០០០ ហិកតា មានដូចជាស្រុកសង្កែ ស្រុកឯកភ្នំ ស្រុកគាស់ក្រឡ និងស្រុករុក្ខគីរី។ ស្រុកក្រៅពីនេះ មានត្រឹមពាន់ហិកតាប៉ុណ្ណោះ គឺចន្លោះពី ៨ ០០០ ហិកតាចុះ។
បើតាមមន្រ្តីកសិកម្មរូបនេះ ការធ្វើកសិកម្មបច្ចុប្បន្នចាំបាច់ណាស់ត្រូវតែប្រើប្រាស់ថ្នាំការពារសត្វល្អិតបំផ្លាញ និងប្រើប្រាស់ជីដើម្បីបំប៉នទិន្នផលឲ្យបានខ្ពស់ និងតាមតម្រូវការលើទៅផ្សារ៕
អត្ថបទ៖ សៅ សារិទ្ធ
អាកាសធាតុត្រជាក់ខ្លាំងបន្ថែមការលំបាកដល់ការជួយសង្គ្រោះក្នុងគ្រោះរញ្ជួយដីនៅទីបេ
ស្រុកស្វាយជ្រំ រៀបចំការប្រកួតបាល់ទាត់មហាជនពានរង្វាន់រដ្ឋបាលស្រុកលើកទី១២ អបអរខួបទី៤៦ ទិវាជ័យជម្នះ ៧មករា
YouTuber កាយសម្បទាកូរ៉េម្នាក់ ស្លាប់ក្នុងអាយុ ៣៤ ឆ្នាំ ដោយសារហេតុផលសុខភាព
អាន វិសាល ក្នុងគ្រាមានបញ្ហាជាតិពុលក្នុងថ្លើម ឆ្លៀតដាស់តឿនមហាជនឱ្យប្រយ័ត្នចំពោះសុខភាព កុំឱ្យដូចខ្លួន
តេជោលីគឆ្នាំ២០២៥ នឹងកាន់តែកក្រើកជាងឆ្នាំមុន
នាយ ព្រីង ទុំ បានធូរស្បើយខ្លះ ក្រោយកាត់ជើងដោយសារជំងឺទឹកនោមផ្អែម
លោក ប៊ុន ភក្ដី ចេញមកបកស្រាយ ក្រោយការចោទប្រកាន់ថា ខ្លួនជាជនជាតិវៀតណាម មានតំណែងជាមន្ត្រីនគរបាល
ត្រាំ បន្ទោស បៃដិន ខ្លាំងៗថា បើអាមេរិក មិនចេញមុខធានាឲ្យអ៊ុយក្រែនចូលណាតូ សង្គ្រាមរុស្ស៊ីក៏មិនផ្ទុះឡើងដែរ
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
អង្គភាពក្រោមឱវាទក្រសួងមហាផ្ទៃ ច្រានចោលការចោទប្រកាន់នានាមកលើលោក ស សុខា ដោយបុគ្គល ហេង សិទ្ធី
-
ព័ត៌មានជាតិ៦ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៦ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៦ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៦ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៦ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៥ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៥ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ