ព័ត៌មានជាតិ
រដ្ឋបាល ២ ឃុំ ស្រុកស្រីសន្ធរ ចំណេញជិត ៩០ លានរៀល ពីការដេញថ្លៃធ្វើផ្លូវបេតុង ៣០០ ម៉ែត្រ
រដ្ឋបាលឃុំព្រែករំដែង និងរដ្ឋបាលឃុំឫស្សីស្រុក ស្រុកស្រីសន្ធរ ខេត្តកំពង់ចាម ចំណេញថវិកាឃុំប្រមាណជិត ៩០លានរៀល ពីការដេញថ្លៃធ្វើផ្លូវ ខណៈគម្រោងផ្លូវបេតុងចំនួន ២ខ្សែ ត្រូវបានដាក់ឱ្យដេញថ្លៃ និងទទួលបានភាពជោគជ័យ នៅថ្ងៃទី៣០ ខែកក្កដា ឆ្នាំ២០២៤ នេះ នៅសាលាឃុំព្រែករំដែង។
![](https://www.kampucheathmey.com/wp-content/uploads/2024/07/photo_2024-07-30_12-33-49-1024x478.jpg)
លោក ជុំ នីម តំណាងគណៈកម្មការលទ្ធកម្មទាំង ២ ឃុំគឺ ឃុំព្រែករំដែង និងឃុំឫស្សីស្រុក បានថ្លែងថា ផ្លូវបេតុងចំនួន ២ខ្សែ ប្រវែងជិត ៣០០ ម៉ែត្រ ឆ្លងកាត់ ២ឃុំ ដែលមានតម្លៃប៉ាន់ស្មានជិត ១៣០ លានរៀល ប៉ុន្តែត្រូវបានដេញថ្លៃក្នុងតម្លៃជិត ៤០ លាន។ ការដេញថ្លៃនេះ បានទៅក្រុមហ៊ុន ស្រុង ស្រឿន និងក្រុមហ៊ុន ម៉ាន់ ម៉េងហេង ជាអ្នកសាងសង់ផ្លូវជូនប្រជាពលរដ្ឋឃុំខាងលើ។ លោក បានបញ្ជាក់ដល់អ្នកសារព័ត៌មានត្រូវមានវិជ្ជាជីវៈច្បាស់លាស់ ត្រូវសរសេរព័ត៌មានពិត និងមិនត្រូវបញ្ចេញព័ត៌មានមិនពិតចេញក្រៅ ផ្សាយខុសការពិត នាំឱ្យមជ្ឈដ្ឋានក្រៅមានការភាន់ច្រឡំ។
![](https://www.kampucheathmey.com/wp-content/uploads/2024/07/photo_2024-07-30_17-01-52a.jpg)
គួរបញ្ជាក់ថា ក្រុមហ៊ុនដែលដេញថ្លៃបាន នឹងត្រូវធ្វើកិច្ចសន្យាជាមួយមេឃុំ ដើម្បីធានាគុណភាពផ្លូវតាមគម្រោង និងកិច្ចសន្យា ក៏ដូចជារក្សាកេរ្ដិ៍ឈ្មោះ និងសិទ្ធិចូលដេញថ្លៃលើកក្រោយ។ ចំពោះការដេញថ្លៃក្នុងតម្លៃទាបនេះ ដោយសារ ក្រុមហ៊ុនអ្នកដេញថ្លៃ ចង់ផ្ដាច់មុខធ្វើគម្រោងពេញតំបន់ក្នុងស្រុក ខណៈខ្លួនទទួលបានចំណេញពីការធ្វើផ្លូវនៅឃុំផ្សេង។
![](https://www.kampucheathmey.com/wp-content/uploads/2024/07/photo_2024-07-30_11-18-52-1024x478.jpg)
ដោយសារធ្លាប់មានការបាត់សណ្ដាប់ធ្នាក់ក្នុងការដេញថ្លៃកន្លងទៅ លោក ឡី មិច នាយករងរដ្ឋសាលាខេត្ត បានថ្លែងថា រយៈពេល ១០ នាទី នៃការដេញថ្លៃ មិនអនុញ្ញាតឱ្យថត ហើយទាំងអ្នកកាសែត ទាំងមន្ត្រីសម្របសម្រួល ហាមចល័តកន្លែងរហេតរហូត។ កម្លាំងកងរាជអាវុធហត្ថនឹងពិនិត្យ និងចាត់ការចំពោះអ្នកកាសែតដែលនៅតែថត ឬ Live នៅមុខសាលាឃុំ។ ចំណែកអ្នកទទួលការដេញថ្លៃ មិនធ្វើតាមការណែនាំ មេឃុំនឹងធ្វើរបាយការណ៍ជូនលោកអភិបាលខេត្ត។
![](https://www.kampucheathmey.com/wp-content/uploads/2024/07/photo_2024-07-30_12-33-50-1024x478.jpg)
អ្នកកាសែត ទាំងខាងក្នុង និងខាងក្រៅសាលាឃុំ មិនសប្បាយចិត្តដោយបាត់សិទ្ធិយកព័ត៌មានក្នុងកិច្ចលទ្ធកម្ម នាពេលចុងក្រោយនេះ ដោយបានតែរង់ចាំទទួលព័ត៌មានវិជ្ជមាន ខណៈឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានណែនាំអាជ្ញាធរឱ្យរក្សាតម្លាភាពក្នុងការដេញថ្លៃគម្រោងនានា៕
![](https://www.kampucheathmey.com/wp-content/uploads/2024/07/photo_2024-07-30_12-33-50-2-1024x478.jpg)
អត្ថបទ៖ សាន វិឡែម
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៦ ម៉ោង ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
ព័ត៌មានជាតិ១ ថ្ងៃ ago
ខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
សន្តិសុខសង្គម១៤ ម៉ោង ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ១ ថ្ងៃ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានអន្ដរជាតិ៥ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ២៤ ម៉ោង ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ២ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់
-
សន្តិសុខសង្គម៣ ថ្ងៃ ago
អាជ្ញាធរខេត្តក្រចេះ ឃាត់ខ្លួនបុរសដែលជាន់ទង់ជាតិខ្មែរ នៅលើទូកនេសាទ