ព័ត៌មានជាតិ
ផ្លូវជាតិ ៤៨ កកស្ទះស្ទើររាល់ថ្ងៃ ដោយសាររថយន្តឡើងចំណោតមិនរួច
អំឡុងរដូវវស្សាឆ្នាំនេះ បានធ្វើឱ្យកំណាត់ផ្លូវជាតិលេខ ៤៨ មួយចំនួន មានសភាពរអិលខ្លាំង ប្រឈមនឹងគ្រោះថ្នាក់ ព្រមទាំងមានការកកស្ទះចរាចរណ៍ស្ទើរតែរៀងរាល់ថ្ងៃផងដែរ។ បញ្ហានេះ អ្នកនាំពាក្យក្រសួងសាធារណការ បានតប និងកំពុងជំរុញដល់ក្រុមហ៊ុនជួសជុលកែសម្រួល។
ត្បិតសមិទ្ធផលកសាងផ្លូវជាតិលេខ ៤៨ ត្រូវបានក្រសួងសាធារណការអះអាងថា សម្រេចបានជាង ៦០ ភាគរយហើយក៏ដោយ ក៏មានចំណុចមួយចំនួនជួបការលំបាកធ្វើដំណើរស្ទើររៀងរាល់ថ្ងៃអំឡុងខែវស្សានេះ ពិសេសចំណោតជ្រោះតាប៉ន ចំណោតហួសអាស្រមលោកយាយម៉ៅ ស្ថិតនៅសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
ក្រុមប្រជាពលរដ្ឋដែលជាម្ចាស់រថយន្ត លើកឡើងនៅថ្ងៃទី ១ ខែសីហា ឆ្នាំ ២០២៤ នេះថា ផ្លូវជាតិ ៤៨ ត្រង់ចំណោតទាំង ២ ខាងលើ ពិតជាពិបាកចរាចរណ៍ មិនថារថយន្តតូច ឬធំឡើយ ខណៈវារអិលខ្លាំង ទំហំផ្លូវតូចចង្អៀត និងអ្នកបើកបរខ្លះមិនគោរពច្បាប់ចរាចរណ៍ដោយចេះតែចង់វ៉ាជែងគ្នាទៅមុខ ទោះបីជាឃើញសភាពកកស្ទះចរាចរណ៍យ៉ាងណាក្តី។
បញ្ហានេះដែរ ប្រជាពលរដ្ឋ និងអ្នកទេសចរ ស្នើដល់រដ្ឋមន្ត្រីក្រសួងសាធារណការ និងដឹកជញ្ជូន មេត្តាចុះពិនិត្យពីស្ថានភាពជាក់ស្តែង ដើម្បីរកវិធីសាស្ត្រដោះស្រាយសម្រួលជួសជុលផ្លូវដែលប្រឈមគ្រោះថ្នាក់ឱ្យបានទាន់ពេលវេលា និងមានសុវត្ថិភាព។ ការកកស្ទះចរាចរណ៍ បណ្តាលឱ្យចំណាយថវិកា ពេលវេលាច្រើន ព្រមទាំងប៉ះពាល់វិស័យសេដ្ឋកិច្ចពាណិជ្ជកម្មទៀតផង។
កម្ពុជាថ្មី បានទាក់ទងទៅកាន់ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន ដោយលោកបកស្រាយបំភ្លឺថា ផ្លូវជាតិលេខ ៤៨ កំពុងស្តារ និងលើកកម្រិតគុណភាព ហើយការដ្ឋានកំពុងមមាញឹកខ្លាំង ទោះបីជាស្ថិតអំឡុងរដូវវស្សាយ៉ាងណាក្តី។ ទន្ទឹមនោះ លោកនឹងជំរុញដល់ក្រុមការងារការដ្ឋាន ជីកកាយសម្រួលចាក់ថ្មតូច-ធំបន្ថែមលើចំណុចរអិលខ្លាំង ដើម្បីកាត់បន្ថយការរអិលផុងភក់ល្បាប់សម្រួលដល់ការធ្វើដំណើរជាបណ្ដោះអាសន្ន។
ប៉ុន្តែបែបនេះក្តី លោក ផន រឹម ក៏អំពាវនាវដល់អ្នកប្រើប្រាស់ដងផ្លូវជាតិលេខ ៤៨ (ស្រែអំបិល-កោះកុង) ជាពិសេសរថយន្តដឹកទំនិញធុនធ្ងន់គ្រប់ប្រភេទ សូមមានការប្រុងប្រយ័ត្នខ្ពស់ និងមេត្តាកុំដឹកធ្ងន់ពេក ដោយសារអំឡុងពេលនេះជារដូវវស្សា មានភ្លៀងធ្លាក់ជោកជាំ ផ្លូវរអិលពិបាកធ្វើដំណើរ ជាពិសេសកន្លែងឡើងទួល និងចំណោត។ បន្ថែមនោះ លោក សុំការយោគយល់ និងអធ្យាស្រ័យចំពោះសាធារណជន ជាពិសេសអ្នកប្រើប្រាស់ផ្លូវជាតិលេខ ៤៨ អំឡុងខែភ្លៀងឆ្នាំនេះ៕
អត្ថបទ ៖ សិរីវឌ្ឍនៈ
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ