ព័ត៌មានជាតិ
ក្រសួងការងារ ពិនិត្យឃើញថា រោងចក្រក្នុងខណ្ឌពោធិ៍សែនជ័យ អនុវត្តច្បាប់ការងារបានត្រឹមត្រូវ និងមានទំនាក់ទំនងវិជ្ជាជីវៈល្អជាមួយកម្មករ-និយោជិត
នៅថ្ងៃទី ០២ ខែសីហា ឆ្នាំ ២០២៤ នេះ ថ្នាក់ដឹកនាំចំនួន ៣ រូប ជាតំណាងដ៏ខ្ពង់ខ្ពស់ លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានចុះជួបសំណេះសំណាល ពិនិត្យមើលការងារ និងទទួលទានអាហារថ្ងៃត្រង់ជាមួយកម្មករ-និយោជិត និងពិភាក្សាការងារជាមួយតំណាងនិយោជករោងចក្រចំនួន ៣ ទីតាំង ក្នុងខណ្ឌពោធិ៍សែនជ័យ រាជធានីភ្នំពេញ។
រោងចក្រទាំង ៣ ទីតាំង ដែលថ្នាក់ដឹកនាំក្រសួងការងារចុះពិនិត្យមើលស្ថានភាពការងារ និងសំណេះសំណាលជាមួយកម្មករ-និយោជិតនេះ មានរោងចក្រ QUANTUM CLOTHING (CAMBODIA) LIMITED ដឹកនាំដោយ លោក ប្រាក់ ចាន់ធឿន រដ្ឋលេខាធិការ នៃក្រសួងការងារ និងបណ្ដុះបណ្ដាលវិជ្ជាជីវៈ, រោងចក្រ JOINT FORCE SPORTING GOODS ( CAMBODIA ) CO., LTD. ដឹកនាំដោយ លោក ងុយ រិទ្ធ រដ្ឋលេខាធិការ, រោងចក្រ SHANGHAI CH GARMENT (CAMBODIA) CO., LTD. ដឹកនាំដោយ លោក ប៉ុក ប៉ាន់ រដ្ឋលេខាធិការ។
នៅក្នុងឱកាសជួបពិភាក្សាការងារជាមួយតំណាងនិយោជក និងសាកសួរផ្ទាល់ជាមួយកម្មករ-និយោជិត ប្រមាណ ៥០០ នាក់ ដែលកំពុងបម្រើការងារនៅក្នុងរោងចក្រ QUANTUM CLOTHING (CAMBODIA) LIMITED ស្ថិតក្នុងសង្កាត់ចោមចៅទី ២ ខណ្ឌពោធិ៍សែនជ័យ លោក ប្រាក់ ចាន់ធឿន បានកោតសរសើរដល់ភាគីនិយោជក និងកម្មករ-និយោជិត ដែលមានទំនាក់ទំនងវិជ្ជាជីវៈល្អជាមួយគ្នានៅកន្លែងធ្វើការងារ។ ជាពិសេស និយោជកក៏បានអនុវត្តតាមច្បាប់ការងារយ៉ាងខ្ជាប់ខ្ជួន និងថែមទាំងផ្តល់អត្ថប្រយោជន៍ផ្សេងៗ ជាច្រើនជូនកម្មករ-និយោជិត ក្នុងនោះរោងចក្រក៏មានអាហារដ្ឋាន និងផ្តល់អាហារថ្ងៃត្រង់ជូនកម្មករ-និយោជិត ទៀតផង។
ដោយឡែក នៅក្នុងឱកាសពិនិត្យមើលស្ថានភាពការងារ និងជួបជាមួយកម្មករ-និយោជិត ជាង ១ ០០០ នាក់ ដែលកំពុងបម្រើការងារនៅក្នុងរោងចក្រ JOINT FORCE SPORTING GOODS ( CAMBODIA ) CO., LTD. ស្ថិតក្នុងសង្កាត់ចោមចៅទី ២ ខណ្ឌពោធិ៍សែនជ័យ លោក ងុយ រិទ្ធ បានពិនិត្យឃើញថា ម្ចាស់រោងចក្របានអនុវត្តលក្ខខណ្ឌការងារ រួមនឹងអត្ថប្រយោជន៍ផ្សេងៗ ជូនកម្មករ-និយោជិត បានត្រឹមត្រូវ និងមានចំណុចមួយចំនួនលើសពីច្បាប់ការងារបានកំណត់ទៀតផង។ ក្នុងនោះ រោងចក្រមានទាំងកន្លែងហូបបាយ, គិលានដ្ឋាន, បន្ទប់បំបៅកូន, ការផ្តល់ប្រាក់រង្វាន់ធ្វើការទៀងទាត់ ១២ ដុល្លារ, ប្រាក់សោហ៊ុយធ្វើដំណើរ ៨ ដុល្លារ, ប្រាក់រង្វាន់អតីតភាពការងារ រួមនឹងអត្ថប្រយោជន៍ផ្សេងៗ ទៀត។
ចំណែកការចុះពិនិត្យមើលស្ថានភាពការងារ និងជួបជាមួយកម្មករ-និយោជិត ជាង ៥០០ នាក់ ដែលកំពុងបម្រើការងារនៅក្នុងរោងចក្រ SHANGHAI CH GARMENT (CAMBODIA) CO., LTD. ស្ថិតក្នុងសង្កាត់ចោមចៅទី ២ ខណ្ឌពោធិ៍សែនជ័យ លោក ប៉ុក ប៉ាន់ បានវាយតម្លៃថា បរិយាកាស និងលក្ខខណ្ឌការងារនៅក្នុងរោងចក្រនេះមានភាពល្អប្រសើរ ដោយម្ចាស់រោងចក្របានគោរពតាមច្បាប់ការងារ និងអនុវត្តនូវស្តង់ដារការងារបានយ៉ាងល្អ ថែមទាំងបានអនុវត្តតាមគោលការណ៍របស់រាជរដ្ឋាភិបាលក្នុងការផ្តល់អត្ថប្រយោជន៍ជូនកម្មករ-និយោជិត បានយ៉ាងពេញលេញផងដែរ។ ក្នុងនោះ ក្រៅពីការផ្តល់ប្រាក់ឈ្នួលអប្បបរមា ២០៤ ដុល្លារ រោងចក្រក៏ផ្តល់ប្រាក់រង្វាន់ធ្វើការទៀងទាត់ ប្រាក់សោហ៊ុយធ្វើដំណើរ ប្រាក់រង្វាន់អតីតភាពការងារ ប្រាក់ថែមម៉ោង និងថ្ងៃឈប់សម្រាកប្រចាំឆ្នាំ ១៨ ថ្ងៃ សម្រាប់កម្មករ-និយោជិត។
សូមបញ្ជាក់ថា រាជរដ្ឋាភិបាលកម្ពុជា អាណត្តិទី ៧ ដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវគោលការណ៍ផ្តល់អត្ថប្រយោជន៍ជាច្រើនជូនកម្មករ-និយោជិត នៅតាមរោងចក្រ-សហគ្រាសទាំងអស់ នៅទូទាំងប្រទេស និងធ្វើយ៉ាងណាផ្សារភ្ជាប់ទំនាក់ទំនងកាន់តែជិតស្និទ្ធរវាងរដ្ឋាភិបាល ជាមួយបណ្ដាម្ចាស់រោងចក្រ សហគ្រាស និងកម្មករ-និយោជិត ក្នុងគោលបំណងចម្បង គឺប្រែក្លាយសហគ្រាសមួយ ជាសហគមន៍សុខសាន្តមួយ៕
អាវុធហត្ថខេត្តតាកែវ បញ្ជូនខ្លួនជនសង្ស័យ៦នាក់ទៅតុលាការពាក់ព័ន្ធករណីគ្រឿងញៀន
អាមេរិក ប្រាប់ អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែ វិញ
តម្លៃប្រេងអន្តរជាតិ បន្តកើនឡើង ជុំវិញកង្វល់ការផ្គត់ផ្គង់
ខេត្តស្វាយរៀង បង្កើនការថែទាំសុខភាពបឋម និងការកែលម្អគុណភាពសេវានៅតាមមូលដ្ឋានសុខាភិបាល ជុំទី២
អ៊ីស្រាអែល ប្រាប់ថា សាកសពម្នាក់ដែលហាម៉ាសប្រគល់ឲ្យ មិនមែនជាចំណាប់ខ្មាំងទេ
នគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
លោក ជួន ណារិន្ទ បង្គាប់ឱ្យមន្ត្រីនគរបាលពីររូបបង្ហាញខ្លួននៅការិយាល័យបុគ្គលិកពាក់ព័ន្ធករណីប៉ះទង្គិចជាមួយលោកបណ្ឌិត សុខ ទូច
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
ពូទីន ប្រាប់ ហ្សេលេនស្គី កុំឲ្យតូចចិត្តតូចថ្លើម គ្មាននរណាមិនឲ្យអ៊ុយក្រែនចូលរួមកិច្ចចរចាទេ
ក្រឡាប់យន្តហោះនៅកាណាដាថ្ងៃមុន អ្នកដំណើរបានសំណងម្នាក់ ៣០ ០០០ ដុល្លារ
-
ព័ត៌មានជាតិ៣ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
បច្ចេកវិទ្យា១ សប្តាហ៍ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
ជីវិតកម្សាន្ដ១ សប្តាហ៍ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
សន្តិសុខសង្គម៤ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ៧ ថ្ងៃ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម