ព័ត៌មានជាតិ
ព្រំដែនកម្ពុជា-វៀតណាម៖ ខ្សែទឹកព្រំដែនជាប់គ្នា ត្រូវបោះបង្គោលភ្លោះ មួយនៅទឹកដីកម្ពុជានិងមួយទៀតនៅទឹកដីវៀតណាម
តាមការស្រាយបញ្ជាក់ពីរដ្ឋបាលខេត្តកណ្ដាលឆ្លើយតបការផ្សព្វផ្សាយបំផ្លើសពីផេកមួយ ដែលចោទថាព្រំដែនកម្ពុជានៅសង្កាត់ព្រែកជ្រៃ ក្រុងសំពៅពូន (អតីតស្រុកកោះធំ) ខេត្តកណ្ដាលចេះហែលទឹក អាជ្ញាធរខេត្តកណ្ដាលក៏ពន្យល់ពីបច្ចេកទេសក្នុងការបោះបង្គោលព្រំដែនករណីព្រំដែនខណ្ឌចែកដោយខ្សែទឹក។
រដ្ឋបាលខេត្តកណ្តាលបានបកស្រាយបំភ្លឺថា ជាលក្ខណៈបច្ចេកទេសនៃការបោះបង្គោលព្រំដែន ក្នុងករណីខ្សែព្រំដែនដើរតាមទន្លេឬផ្លូវទឹក ភាគីទាំងពីរ (កម្ពុជា-វៀតណាម) ត្រូវបោះបង្គោលព្រំដែនភ្លោះនៅសងខាងទន្លេ ឬផ្លូវទឹកនោះ ដោយបង្គោលមួយត្រូវបោះនៅមាត់ច្រាំងខាងកម្ពុជា និងបង្គោលមួយទៀតត្រូវបោះនៅមាត់ច្រាំងខាងវៀតណាម។
រដ្ឋបាលខេត្តកណ្តាលក៏លើកឡើងករណីជាក់ស្ដែងបង្គោលព្រំដែនបំពេញបន្ថែមលេខ 245/4(1) ដែលមានទីតាំងភូមិសាស្ត្រស្ថិតនៅតាមបណ្ដោយខ្សែបន្ទាត់ព្រំដែនកម្ពុជា-វៀតណាម ក្នុងសង្កាត់ព្រែកជ្រៃ ក្រុងសំពៅពូន (អតីតស្រុកកោះធំ) ដែលគណៈកម្មការចម្រុះព្រំដែននៃប្រទេសទាំងពីរបានឯកភាពខណ្ឌសីមា និងបោះបង្គោលព្រំដែនរួចហើយ ដោយខ្សែព្រំដែននៅកំណាត់នេះដើរតាមផ្លូវទឹកទន្លេបាសាក់។
ជាក់ស្ដែងបង្គោលព្រំដែនបំពេញបន្ថែមលេខ 245/4(1) ជាបង្គោលមួយក្នុងចំណោមបង្គោលភ្លោះ ទាំងពីរ (បង្គោលលេខ 245/4(1) និងបង្គោលលេខ 245/4(2)) ដែលត្រូវបោះនៅសងខាងច្រាំងទន្លេ បាសាក់ គឺបង្គោលព្រំដែនបំពេញបន្ថែមលេខ 245/4(1) ត្រូវបោះនៅមាត់ច្រាំងទន្លេបាសាក់ស្ថិតក្នុងទឹកដីកម្ពុជា រីឯបង្គោលព្រំដែនលេខ 245/4(2) ត្រូវបោះនៅមាត់ច្រាំងម្ខាងទៀតនៃទន្លេបាសាក់ស្ថិតក្នុងទឹកដីវៀតណាម។
ចំពោះខ្សែព្រំដែនគឺដើរតាមបន្ទាត់ទ្រូងនៃជ្រលងទឹកជ្រៅនៃផ្លូវទឹកទន្លេបាសាក់ ដែលស្ថិតនៅចម្ងាយប្រមាណ ៨៧ ម៉ែត្រ ពីបង្គោលព្រំដែនលេខ 245/4(1) (ខ្សែព្រំដែនពុំមែនស្ថិតនៅចំទីតាំងបង្គោលនោះទេ)។
ទាក់ទងករណីការបោះបង្គោលព្រំដែនទឹកនៅកោះធំ ខេត្តកណ្ដាលជាប់ព្រំដែនវៀតណាមនេះដែរ ប្រមុខដឹកនាំកម្ពុជាសម្ដេចធិបតី ហ៊ុន ម៉ាណែត ក៏លើកយកទៅបញ្ជាក់បន្ថែមដល់ពលរដ្ឋឲ្យបានច្បាស់ពីកិច្ចការបោះបង្គោលព្រំដែនទឹកជាប់គ្នានេះ។
ថ្លែងនៅក្នុងឱកាសអញ្ជើញជាអធិបតីក្នុងពិធីសំណេះសំណាល និងពិសាភោជនាហាររៀបចំឡើង ដោយសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា នារសៀលថ្ងៃទី ០២ ខែសីហា ឆ្នាំ២០២៤ សម្ដេចធិបតីបានគូសបញ្ជាក់ថា បង្គោលនេះដើរតាមផ្លូវទឹក ដើរតាមផ្លូវទន្លេ។ កាលជំនាន់បារាំង ការបោះបង្គោលធ្វើនៅលើច្រាំង។ កាលណាបោះបង្គោលនៅលើច្រាំងកម្ពុជា កម្ពុជាចង់ចុះប្រើប្រាស់ទឹកត្រូវសុំវៀតណាម។ បើបោះបង្គោលលើច្រាំងប្រទេសវៀតណាម បើពលរដ្ឋវៀតណាមចង់ប្រើប្រាស់ទឹកត្រូវសុំពីកម្ពុជា។
ដូច្នេះដើម្បីកុំឲ្យពិបាក រដ្ឋាភិបាលបានចរចាបោះបង្គោលភ្លោះ។ មួយនៅទឹកដីកម្ពុជានិងមួយទៀតនៅទឹកដីវៀតណាម ដើម្បីប្រើប្រាស់ផ្លូវទឹករួមគ្នាកុំឲ្យពិបាកសុំគ្នាទៅវិញទៅមក។
បើតាមរដ្ឋបាលខេត្តកណ្តាលបានបញ្ជាក់ថា កន្លងមកច្រាំងទន្លេបាសាក់និងព្រែកជ្រៃធំនៅតាមបណ្ដោយខ្សែបន្ទាត់ព្រំដែនកម្ពុជា-វៀតណាម បានទទួលរងការបាក់ស្រុត និងបណ្តាលឱ្យខូចខាតហេដ្ឋារចនាសម្ព័ន្ធ ផ្ទះសម្បែង និងដីស្រែចម្ការមួយចំនួនរបស់ប្រជាពលរដ្ឋ ព្រមទាំងបានគំរាមកំហែងដល់បង្គោលព្រំដែន ដែលបានបោះនៅលើមាត់ច្រាំងទន្លេនិងព្រែក ក្នុងនោះមានបង្គោលព្រំដែនបំពេញបន្ថែមលេខ 245/4(1) ស្ថិតក្នុងសង្កាត់ព្រែកជ្រៃ ក្រុងសំពៅពូន និងបង្គោលព្រំដែនបំពេញបន្ថែមលេខ 246/2(1) ស្ថិតក្នុងសង្កាត់សំពៅពូន ក្រុងសំពៅពូន (អតីតស្រុកកោះធំ)។
ដើម្បីសិក្សានិងដោះស្រាយបញ្ហាបាក់ច្រាំងទន្លេបាសាក់-ទន្លេហូវ និងព្រែកជ្រៃធំ-ប៊ិញយី គណៈកម្មការអន្តរក្រសួងត្រូវបានបង្កើតឡើងក្នុងឆ្នាំ ២០១៩ ដើម្បីដោះស្រាយបញ្ហាបាក់ច្រាំងឱ្យបានទាន់ពេលវលា ដោយបានសង្គ្រោះច្រាំងទន្លេបាសាក់ និងព្រែកជ្រៃធំ ព្រមទាំងផ្ទះសម្បែង ដីស្រែចម្ការរបស់ប្រជាពលរដ្ឋ និងជាពិសេសរក្សាបាននូវស្ថិរភាពច្រាំងនិងបង្គោលព្រំដែន ប្រកបដោយសុវត្ថិភាព ព្រមទាំងបានប្រែក្លាយពីតំបន់ដែលរងការបាក់ស្រុត ទៅជាតំបន់ដែលមានច្រាំងរឹងមាំ មានហេដ្ឋារចនាសម្ព័ន្ធផ្លូវថ្នល់ និងសួនច្បារសាធារណៈដ៏ស្រស់ស្អាត ដែលអាចចាត់ទុកជាសមិទ្ធផលប្រវត្តិសាស្ត្រថ្មីបន្ថែមទៀតសម្រាប់ប្រទេសជាតិនិងប្រជាជន៕
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២០ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ