ព័ត៌មានជាតិ
នាយករដ្ឋមន្រ្តីកម្ពុជា បង្ហាញវឌ្ឍនភាពការបោះបង្គោលព្រំដែននៅខេត្តភាគឦសានប្រទេស
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបង្ហាញពីវឌ្ឍនភាពនៃការបោះបង្គោលព្រំដែននៅខេត្តភាគឦសានជាមួយប្រទេសវៀតណាម។
ក្នុងឱកាសអញ្ជើញជាអធិបតីក្នុងពិធីជួបសំណេះសំណាល និងពិសាភោជនាហាររៀបចំឡើងដោយសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា នារសៀលថ្ងៃទី ០២ ខែសីហា ឆ្នាំ២០២៤ សម្តេចធិបតីបានគូសបញ្ជាក់ថា មុនឆ្នាំ ២០០៧ ខេត្តនៅភាគឦសានកម្ពុជាមិនទាន់បានបោះបង្គោលព្រំដែនជាមួយប្រទេសវៀតណាមនោះទេ មានត្រឹមតែពីខេត្តកំពតទៅកំពង់ចាមប៉ុណ្ណោះ។
សម្តេចគូសបញ្ជាក់យ៉ាងដូច្នេះថា «ក្នុងការអភិវឌ្ឍព្រំដែន យើងត្រូវបោះបង្គោលព្រំដែនឲ្យបានច្បាស់លាស់។ បង្គោលព្រំដែនពីមុនមកក្នុងខេត្តភាគឦសានមិនមានទេ រហូតទៅដល់កន្ទុយនាគ។ បង្គោលព្រំដែនមានតែពីកំពតទៅកំពង់ចាម ហើយពីកំពង់ចាមទៅកន្ទុយនាគខេត្តរតនគិរីអត់មានទេ មានតែព្រំដែនរដ្ឋបាល។ ប៉ុន្តែយើងបានបោះបង្គោលព្រំដែនពីឆ្នាំ ២០០៧ មក។ ការបោះបង្គោលដើម្បីកំណត់ព្រំប្រទេសនិងប្រទេស»។
សម្តេចបានលើកវឌ្ឍនភាពការបោះបង្គោលព្រំដែនខេត្តភាគឦសានជាប់ប្រទេសវៀតណាមចាប់តាំងពីឆ្នាំ២០០៧ ដើម្បីកំណត់ព្រំដែនរវាងប្រទេសនិងប្រទេស។
ខេត្តក្រចេះ ពីឆ្នាំ២០០៦ ដល់ ២០១៨ បានបោះបង្គោលមេចំនួន ១១ និងបង្គោលព្រំដែនបំពេញបន្ថែមចំនួន ១៤៤ បង្គោល។
ខេត្តមណ្ឌលគិរី ពីឆ្នាំ ២០០៧ ដល់ ២០១៨ បានបោះបង្គោលមេបានចំនួន ៣៥ និងបោះបង្គោលបំពេញបន្ថែមចំនួន ៣៧៥ បង្គោល និងបោះបង្គោលតម្រុយចំនួន ១១ បង្គោល។ ខេត្តរតនគិរី បានបោះបង្គោលមេចំនួន ៤០ បោះបង្គោលបំពេញបន្ថែមចំនួន ១៥៣ និងបោះបង្គោលតម្រុយចំនួន ៤។
សម្តេចគូសបញ្ជាក់ថា បង្គោលរាប់រយដែលបានបោះនេះ គឺបង្ហាញពីឆន្ទៈរបស់រាជរដ្ឋាភិបាលក្នុងការពារបូរណភាពទឹកដី ដើម្បីអនាគតវែងឆ្ងាយសម្រាប់អ្នកជំនាន់ក្រោយ។
សម្តេចធិបតីបានបញ្ជាក់ទៀតថា មិនត្រឹមតែបោះបង្គោលព្រំដែននោះទេ រាជរដ្ឋាភិបាលក៏មានគោលនយោបាយប្រជាជន តាមរយៈការអភិវឌ្ឍន៍នៅតាមតំបន់ព្រំដែន ដើម្បីជំរុញពលរដ្ឋឲ្យទៅរស់នៅកាន់តែច្រើន។
កម្ពុជាមានព្រំដែនគោកជាប់ប្រទេសវៀតណាមប្រវែងជាង ១,២៧០ គីឡូម៉ែត្រ។ បើតាមគណៈកម្មការកិច្ចការព្រំដែនរហូតមកដល់ពេលនេះ កម្ពុជាបានបោះបង្គោលព្រំដែនជាមួយប្រទេសវៀតណាមសម្រេចបានជាង ៨៤ ភាគរយ។
ក្នុងឱកាសជួបសំណេះសំណាលជាមួយប្រជាពលរដ្ឋខ្មែរដែលរស់នៅសហរដ្ឋអាមេរិក និងកាណាដា កាលពីឆ្នាំ២០២២ អតីតនាយករដ្ឋមន្រ្តីកម្ពុជាសម្ដេចតេជោ ហ៊ុន សែន បានប្រកាសពីការឯកភាពក្នុងការបោះបង្គោលព្រំដែនសម្រេចបាន ៦% បន្ថែមទៀតជាមួយប្រទេសវៀតណាម។ សម្ដេចតេជោបានបញ្ជាក់ថា ដើម្បីសម្រេចបាន ៦% បន្ថែមនេះ កម្ពុជានិងវៀតណាមបានធ្វើការចរចារប្រមាណ ៣ ឆ្នាំ។
សម្ដេចតេជោថ្លែងថា៖ «៦% បន្ថែមទៀតបូកទៅបាន ៩០%! អីចឹងខ្ញុំសុំនិយាយបន្ដិចថា បើគង់តែឱ្យដីគេដដែល ចាំបាច់ចរចារយូរឆ្នាំធ្វើអី។ និយាយឱ្យច្បាស់នៅកន្លែងហ្នឹង!។ ចាំបាច់ទៅចុះហត្ថលេខាម្ដងបាន ៨៤% ឥឡូវសម្រេចបាន ៦% ទៀត»។
សម្តេចបន្តថា ការសម្រេចបោះបង្គោលព្រំដែនត្រូវពិនិត្យឲ្យបានហ្មត់ចត់ បោះឱ្យបានត្រឹមត្រូវ ដោយបង្គោលនីមួយៗសុទ្ធតែចាប់ដោយផ្កាយរណប។
«អីចឹងចេះតែថា ហ៊ុន សែន លក់ដីៗ ឥឡូវដីនៅកន្លែងណាដែល ហ៊ុន សែន លក់។ បើគង់តែឱ្យដីគេដដែល យើងចាំបាច់ទៅចរចាមួយតឹកមួយផឹងៗធ្វើអី?»។ សម្តេចបន្ថែម៕
ទីក្រុងប៉េកាំងមានបំណងពង្រីកកិច្ចសហប្រតិបត្តិការ ជាមួយរាជធានីភ្នំពេញ លើគ្រប់វិស័យ ជាពិសេសវិស័យសេដ្ឋកិច្ច
អាមេរិក ពិភាក្សាជាមួយកម្ពុជា ដើម្បីធានាថាកងទ័ពទាំងពីរអាចធ្វើសមយុទ្ធឆ្មាំអង្គរឡើងវិញបាន
UN អំពាវនាវឱ្យមានដំណោះស្រាយនៅមីយ៉ាន់ម៉ាឱ្យបានឆាប់ដើម្បីឲ្យជនជាតិរ៉ូហ៊ីងយ៉ាវិលវិញ
លោក សេដ្ឋា ថាវីស៊ីន បង្ហើបគម្រោងព្រែកជីក «Kra» ស្របពេលថាក់ស៊ីនទៅខាងត្បូង
មួយរយៈពេលនេះ សមាគមសិល្បករខ្មែរ បានដឹកនាំសិល្បករសិល្បការិនី សកម្មក្នុងកិច្ចការសង្គម និងសិល្បៈ
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
យន្តហោះក្រុមហ៊ុន American Airlines ផ្ទុកអ្នកដំណើរ ១៩៩នាក់ រងការគំរាមបំផ្ទុះគ្រាប់បែក នៅលើអាកាស
កម្ពុជា នឹងបន្តមានភ្លៀងធ្លាក់ដល់ថ្ងៃទី២៦កុម្ភៈ
ម៉ូតូ ២ គ្រឿង បុកគ្នា ស្លាប់ម្នាក់ និង របួសធ្ងន់ ២ នាក់
ហ្សេលេនស្គី សុខចិត្តចុះចេញពីតំណែង ឲ្យតែអ៊ុយក្រែនមានសន្តិភាព ឬចូលណាតូបាន
-
ព័ត៌មានជាតិ៦ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម១ សប្តាហ៍ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៦ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ចរាចរណ៍៤ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម៥ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ
-
ព័ត៌មានអន្ដរជាតិ១០ ម៉ោង agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត