ព័ត៌មានជាតិ
ក្រសួងការងារ រៀបចំពិធីវាយគងទូងស្គរអបអរសាទរពិធីបើកការដ្ឋានសាងសង់ព្រែកជីកហ្វូណនតេជោ
ថ្នាក់ដឹកនាំ និងមន្ត្រីរាជការ នៃក្រសួងការងារ និងបណ្ដុះបណ្ដាលវិជ្ជាជីវៈ នៅព្រឹកថ្ងៃទី ៥ ខែសីហា ឆ្នាំ ២០២៤ នេះ បានរៀបចំពិធីវាយគង ទូងស្គរ អបអរសាទរពិធីបើកការដ្ឋានសាងសង់ព្រែកជីកហ្វូណនតេជោ នៅមុខអគារទីស្ដីការក្រសួង។
ការអបអរសាទរពិធីជាប្រវត្តិសាស្ត្រជាតិមួយនេះធ្វើឡើងចំពេលដែលប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញជាអធិបតី«បើកការដ្ឋានសាងសង់ព្រែកជីកហ្វូណនតេជោ» នៅចំណុចព្រែកតាកែវ ស្ថិតក្នុងស្រុកកៀនស្វាយ ខេត្តកណ្ដាល ផងដែរ។
លោក ណុប សុខុម មន្ត្រីរាជការ នៃក្រសួងការងារ និងបណ្ដុះបណ្ដាលវិជ្ជាជីវៈ បានបង្ហាញក្តីសប្បាយរីករាយ និងគាំទ្រយ៉ាងពេញទំហឹងចំពោះការបើកការដ្ឋានព្រែកជីកហ្វូណនតេជោ។ លោកថា ព្រែកជីកជាប្រវត្តិសាស្ត្រនេះមានប្រយោជន៍សន្ធឹកសន្ធាប់សម្រាប់ប្រជាជាតិ ដូចជាការបង្កើនទិន្នផលត្រី និងការចិញ្ចឹមត្រីរបស់ប្រជាពលរដ្ឋ ទាក់ទាញភ្ញៀវទេសចរ និងជួយបង្កើនសេដ្ឋកិច្ចជាតិផងដែរ។
ចំណែកលោកស្រី អ៊ុច សិរីរ័ត្ន មន្ត្រីរាជការ នៃក្រសួងការងារ និងបណ្ដុះបណ្ដាលវិជ្ជាជីវៈ បានបង្ហាញក្តីរំភើបសប្បាយរីករាយ និងមានមោទនភាពចំពោះប្រជាជាតិខ្មែរទាំងអស់ដែលបានរួបរួមគ្នាគាំទ្រព្រឹត្តិការប្រវត្តិសាស្ត្រមួយនេះ។ លោកស្រីថា ព្រែកជីកហ្វូណនតេជោនេះ ជួយដល់សេដ្ឋកិច្ចជាតិយ៉ាងច្រើន ព្រោះបានសម្រួលដល់ការដឹកជញ្ជូនតាមផ្លូវទឹកដែលមិនធ្លាប់មាន និងមានប្រយោជន៍ដល់ការធ្វើកសិកម្មរបស់ប្រជាពលរដ្ឋទៀតផង។
ក្រៅពីបានបង្ហាញមោទនភាពចំពោះព្រែកជីនេះ អ្នកស្រី ឈន សុភាក់ មន្ត្រីរាជការ នៃក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវឱ្យប្រជាពលរដ្ឋនៅទូទាំងប្រទេសគាំទ្ររាជរដ្ឋាភិបាលកម្ពុជា គាំទ្រគម្រោងព្រែកជីកហ្វូណនតេជោ ដែលជាព្រែកជីកប្រវត្តិសាស្ត្រសម្រាប់ជាតិ ព្រោះនឹងធ្វើឱ្យកម្ពុជាមានឯករាជ្យភាពជាតិលើការដឹកជញ្ជូន ជាគន្លឹះ នៃការពង្រឹងសេដ្ឋកិច្ច និងការអភិវឌ្ឍ។
សូមបញ្ជាក់ថា គម្រោងព្រែកជីកហ្វូណនតេជោ ដែលជាការតភ្ជាប់ផ្លូវទឹកពីទន្លេទៅកាន់សមុទ្រនេះ មានប្រវែង ១៨០ គីឡូម៉ែត្រ ចាប់ពីព្រែកតាកែវ នៃទន្លេ មេគង្គ ឆ្លងកាត់តាមព្រែកតាឯក នៃទន្លេបាសាក់ ចូលតាមព្រែកតាហ៊ីង នៃទន្លេបាសាក់ ស្រុកកោះធំ និងបន្តរហូតដល់សមុទ្រ ខេត្តកែប ដោយឆ្លងកាត់ខេត្ត ៤ រួមមាន ៖ ខេត្តកណ្តាល តាកែវ កំពត និងខេត្តកែប ដែលមានប្រជាជនសរុបប្រមាណ ១,៦ លាននាក់ រស់នៅអមសងខាងផ្លូវទឹកនេះ មានទទឹងមុខកាត់ផ្នែកខាងលើ ប្រវែង ១០០ ម៉ែត្រ និងមុខកាត់ផ្នែកខាងក្រោម ប្រមាណ ៨០ ម៉ែត្រ និងជម្រៅទឹកប្រមាណ ៥,៤ ម៉ែត្រ (ជម្រៅនាវាចរណ៍ ៤,៧ ម៉ែត្រ និងគម្លាតសុវត្ថិភាព ០,៧ ម៉ែត្រ ) មានគន្លងនាវាចរណ៍ ចំនួន ២ គន្លង អាចចេញ-ចូល និងចៀសគ្នាបានដោយសុវត្ថិភាព។
សូមបញ្ជាក់ថា គម្រោងព្រែកជីកហ្វូណនតេជោ ដែលជាគម្រោងមហិមាជាលក្ខណៈប្រវត្តិសាស្ត្រនេះ ជាគំនិតផ្ដួចផ្ដើមដ៏ថ្លៃថ្លារបស់ សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា ហើយបានបន្តអនុវត្តដោយ សម្តេចធិបតី ហ៊ុន ម៉ាណែត នាយករដ្ឋមន្ត្រី ដែលនឹងផ្ដល់អត្ថប្រយោជន៍ជាច្រើនដល់ប្រទេសកម្ពុជា ជាពិសេសវិស័យដឹកជញ្ជូន អចលនទ្រព្យ និងការវិនិយោគផ្សេងៗ នឹងនាំឱ្យកម្ពុជាមានឯករាជ្យភាពសេដ្ឋកិច្ច និងចរាចរណ៍កាន់តែខ្លាំងបន្ថែមទៀត៕
លោក ស៊ុន ចាន់ថុល៖ ទំព័រប្រវត្តិសាស្ត្រថ្មីក្នុងវិស័យនាវាចរណ៍ចារឹក ជាមួយការគាំទ្រពេញផ្ទៃប្រទេស
នាយកដ្ឋានប្រឆាំងបទល្មើសបច្ចេកវិទ្យា ឃាត់ខ្លួនថៅកែប្រាក់កម្ចីអនឡាញម្នាក់បញ្ជូនទៅសាលាតុលាការ
អាមេរិក បារម្ភខ្លាំង រឿងថៃ ចង់រំលាយគណបក្សចលនាឆ្ពោះទៅមុខ
ឥណ្ឌូណេស៊ីរំពឹងកំណើនសេដ្ឋកិច្ច ៥ ភាគរយសម្រាប់ត្រីមាសទី២ ដោយការចំណាយប្រចាំថ្ងៃរបស់ពលរដ្ឋរឹងមាំ
ក្រសួងការងារ រៀបចំពិធីវាយគងទូងស្គរអបអរសាទរពិធីបើកការដ្ឋានសាងសង់ព្រែកជីកហ្វូណនតេជោ
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
រថយន្ដដង្ហែទានព្រះវស្សាដាច់ហ្វ្រាំងធ្លាក់ជ្រោះរបួស២៩នាក់ និងស្លាប់ម្នាក់នៅព្រំដែនកម្ពុជា ថៃ
មន្រ្តីក្រសួងសាធារណការ បញ្ជាក់ហេតុការណ៍ធ្លាក់ទូរថភ្លើងដឹកប្រេងឥន្ធនៈនៅខេត្តពោធិ៍សាត់
ប្រមុខដឹកនាំកម្ពុជា ឆ្លើយតបប្រតិកម្មមហាជនជុំវិញ ការបោះបង្គោលព្រំដែននៅជ្រៃធំទឹកដីកម្ពុជា
នាយករដ្ឋមន្ត្រីកម្ពុជា៖ គ្មានការបង់លុយផ្ទាល់តាមព្រលានទៀតទេ ស្នើសុំវីសានិងបង់លុយតាមអនឡាញទាំងអស់
-
សន្តិសុខសង្គម៦ ថ្ងៃ agoនគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ៦ ថ្ងៃ ago១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
សេដ្ឋកិច្ច៣ ថ្ងៃ agoខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ១ សប្តាហ៍ agoខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
ព័ត៌មានជាតិ៤ ថ្ងៃ agoរដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៧ ថ្ងៃ agoលោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ៧ ថ្ងៃ agoមន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានជាតិ៤ ថ្ងៃ agoពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ