ព័ត៌មានជាតិ
ប្រជាប្រុស ស្រី ក្មេង ចាស់ ខេត្តកោះកុង នាំគ្នាអបអរសាទរពិធីបើកការដ្ឋានព្រែកជីកហ្វូណនតេជោ យ៉ាងកុះករ
ប្រជាប្រុស ស្រី ក្មេង ចាស់ មិនថាតែរដ្ឋបាលខេត្ត មន្ត្រីរាជការ កងកម្លាំងប្រដាប់អាវុធ សិស្ស និស្សិត និងប្រជាពលរដ្ឋគ្រប់ស្រទាប់វណ្ណៈក្នុងខេត្តកោះកុង សុទ្ធតែបង្ហាញការគាំទ្រពេញទំហឹងយ៉ាងច្រើនកុះករលើការបើកការដ្ឋានព្រែកជីកហ្វូណនតេជោ នាថ្ងៃទី ៥ ខែសីហា ឆ្នាំ ២០២៤ នេះ។
មិនខុសពីកន្លែងប្រារព្ធបើកការដ្ឋានក្រោមវត្តមាន សម្តេចធិបតី ហ៊ុន ម៉ាណែត នាយករដ្ឋមន្ត្រី បណ្តារាជធានី និងខេត្ត ដទៃទៀតឡើយ សម្រាប់ខេត្តកោះកុង ក៏ផុសផុលខ្លាំងណាស់ដែរក្នុងពិធីបើកការដ្ឋានព្រែកជីកហ្វូណនតេជោ ដោយមានការទូងស្គរជ័យ ជួង គង ខ្លឹមសារសាទរជាបដា ដើរព្យុហយាត្រា និងស្រែកច្រៀងចម្រៀងរួមគ្នាយ៉ាងសប្បាយរីករាយពេកក្រៃ។
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង និងលោក មុំ ម៉ាលិកា ប្រធានមន្ទីរព័ត៌មានខេត្តកោះកុង បានឱ្យដឹងនៅថ្ងៃទី ៥ ខែសីហា ឆ្នាំ ២០២៤ ថា ថ្ងៃនេះជាប្រវត្តិសាស្ត្រដែលកម្ពុជាបើកការដ្ឋានព្រែកជីកហ្វូណនតេជោដែលកម្ពុជាមិនធ្លាប់មានពីមុនមកទេ។ គម្រោងនេះផ្ដួចផ្ដើមដោយ សម្តេចតេជោ ហ៊ុន សែន ប្រធានព្រឹទ្ធសភា ទៀតផង។
តំណាងប្រធានមន្ទីរសុខាភិបាល និងមន្ទីរព័ត៌មានខេត្តកោះកុង បន្តថា ដើម្បីជាសកម្មភាពអបអរសាទរជាមួយរាជរដ្ឋាភិបាល និងរដ្ឋបាលខេត្តកោះកុង មន្ទីររបស់ពួកគាត់មានការរៀបចំជាបដាពាក្យសាទរ ស្គរ ទង់ជាតិ ការប្រគំតន្ត្រី ដើរក្បួនព្យុហយាត្រា និងស្រែកច្រៀងជាដើម។
លោកវេជ្ជបណ្ឌិត ទៅ ម៉ឹង និងលោក មុំ ម៉ាលិកា យល់ថា កម្ពុជា នឹងមានសេដ្ឋកិច្ចរីកចម្រើនខ្លាំងក្លាផ្នែកដឹកជញ្ជូនតាមផ្លូវទឹកពីទន្លេរហូតដល់សមុទ្រ ដោយលែងពឹងផ្អែកលើប្រទេសជិតខាងតទៅទៀតហើយនៅពេលទទួលបានសមិទ្ធផលព្រែកជីកហ្វូណនតេជោ រួចរាល់។ ដូច្នេះពួកគាត់អំពាវនាវដល់គ្រប់ស្រទាប់វណ្ណៈមហាជន បន្តគាំទ្រគម្រោងនេះជាមួយរាជរដ្ឋាភិបាល ដោយកុំជឿតាមការញុះញង់របស់ក្រុមប្រឆាំងមួយចំនួនដែលស្រែកថា គម្រោងនេះគ្មានប្រយោជន៍សម្រាប់ជាតិនោះទេ ដែលចេតនាបំផ្លាញសាមគ្គីភាព និងសុខសន្តិភាពដែលកម្ពុជាកំពុងតែមានសព្វថ្ងៃនេះ។
បើតាមការថ្លែងបញ្ជាក់របស់ សម្ដេចធិបតី ក្នុងពិធីបើកការដ្ឋានព្រែកជីកហ្វូណនតេជោ ទោះបីមានអ្នករិះគន់ចំពោះការកសាងព្រែកជីកនេះក៏ពិតមែន តែបើប្រៀបធៀបជាមួយកម្លាំងអ្នកគាំទ្រដ៏ច្រើនលើសលប់នោះ គឺមិនមែនជាបញ្ហារាំងស្ទះនោះទេ។ ការចូលរួមផ្ដល់កម្លាំងចិត្តពីសំណាក់ប្រជាពលរដ្ឋនេះហើយ ដែល សម្ដេច តែងនិយាយថា «ស្មារតីរួបរួមជាតិ» ដែលបានជំរុញឱ្យរាជរដ្ឋាភិបាលប្ដេជ្ញាចិត្តធ្វើគម្រោងព្រែកជីកនេះឱ្យបាន ដែលនេះហើយជាស្មារតី និងអត្ថន័យ នៃគម្រោងព្រែកជីកហ្វូណនតេជោ។
សម្ដេចធិបតី នាយករដ្ឋមន្ត្រី បានលើកទឹកចិត្តដល់ប្រជាពលរដ្ឋ សូមថតរូបក្នុងថ្ងៃបើកការដ្ឋានព្រែកជីកនេះឱ្យបានគ្រប់គ្នា ចាំដល់ថ្ងៃសម្ពោធដាក់ឱ្យប្រើប្រាស់នាពេល ៥ ឆ្នាំក្រោយ សឹមមកជិះទូកលេងកម្សាន្តនៅតាមព្រែកជីកនេះទៅខេត្តតាកែវ ខេត្តកំពត ខេត្តកែបជាដើម។ ម្យ៉ាងទៀត ចំពោះប្រជាពលរដ្ឋរស់នៅតាមបណ្ដាព្រែកជីកនេះដែរ នៅពេល ៥ ឆ្នាំក្រោយ តាមបណ្ដោយព្រែក នឹងក្លាយជាសក្ដានុពលសេដ្ឋកិច្ចសម្រាប់ប្រជាពលរដ្ឋ សម្រាប់បង្កើតនូវអាជីវកម្មផ្សេងៗ បង្កើនរបរកសិកម្ម ឬឧស្សាហកម្ម ដែលធ្វើឱ្យជីវភាពរស់នៅនឹងប្រែប្រួលរីកចម្រើន៕
អត្ថបទ ៖ សិរីវឌ្ឍនៈ
Update ៖ អគ្គិភ័យឆាបឆេះផ្ទះ ០៨ ខ្នង និងរងរបួសក្រុមពន្លត់អគ្គិភ័យកាណូតម្នាក់ នៅខណ្ឌឫស្សីកែវ
សម្តេចតេជោ ហ៊ុន សែន៖ កូនៗ ចៅៗ នៅអង្គការអាហ្វេស៊ីប ត្រូវសិក្សាយ៉ាងហោចចប់បរិញ្ញាបត្ររង
លោក Lavrov គំរាម អាមេរិក ថា រុស្ស៊ីគឺជាមហាអំណាចនុយក្លេអ៊ែរ
អាកាសយានដ្ឋានអន្តរជាតិតារាសាគរ ហោះហើរធ្វើតេស្តសាកល្បងត្រួតពិនិត្យឧបករណ៍បច្ចេកទេសឡើងវិញ ត្រៀមហោះហើរយន្តហោះខ្នាតតូច ចុងខែវិច្ឆិកាខាងមុខ
ប្រជាពលរដ្ឋនាំគ្នាសម្រុកចេញពីភ្នំពេញ ទៅលេងស្រុកកំណើត នាឱកាសបុណ្យភ្ជុំបិណ្ឌ
អាកាសយានដ្ឋានអន្តរជាតិតារាសាគរ ហោះហើរធ្វើតេស្តសាកល្បងត្រួតពិនិត្យឧបករណ៍បច្ចេកទេសឡើងវិញ ត្រៀមហោះហើរយន្តហោះខ្នាតតូច ចុងខែវិច្ឆិកាខាងមុខ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាពលរដ្ឋនាំគ្នាសម្រុកចេញពីភ្នំពេញ ទៅលេងស្រុកកំណើត នាឱកាសបុណ្យភ្ជុំបិណ្ឌ
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍១ ថ្ងៃ agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ