ព័ត៌មានជាតិ
ឯកឧត្តម ហ៊ុន ម៉ានី៖ ព្រែកជីកហ្វូណនតេជោ ជាជំហានថ្មី ដែលកម្ពុជាធ្វើជាម្ចាស់ជោគវាសនារបស់ខ្លួន
ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ឯកឧត្តម ហ៊ុន ម៉ានី បានលើកឡើងថា ព្រែកជីកហ្វូណនតេជោ ក្រៅពីផ្តល់ប្រយោជន៍សេដ្ឋកិច្ច និងសង្គម គឺជានិមិត្តរូបនៃការឈានជើងមួយជំហានទៀតរបស់រដ្ឋាភិបាលកម្ពុជា ដើម្បីពង្រឹងអធិបតេយ្យសេដ្ឋកិច្ច ដើម្បីជាម្ចាស់ជោគវាសនារបស់ប្រទេសខ្លួនដ៏រឹងមាំ។
ឯកឧត្តម បានសរសេរសំណេរលើហ្វេសប៊ុកបែបនេះ ក្នុងឱកាសបើកការដ្ឋានសាងសង់ព្រែកជីកហ្វូណនតេជោ នៅព្រឹកថ្ងៃទី០៥ ខែសីហា ឆ្នាំ២០២៤ ដែលជាព្រឹត្តិការណ៍ដ៏ប្រវត្តិសាស្ត្រមួយរបស់កម្ពុជា។ ក្នុងការបើកការដ្ឋាននេះ ឯកឧត្តម ហ៊ុន ម៉ានី បានលើកឡើងសង្កត់ធ្ងន់ក្នុងនាមជាកូនខ្មែរមួយរូប និងនិយាយប្រកបដោយមោទនភាពថា “ខ្មែរអាចធ្វើបាន ដើម្បីខ្មែរ!”។
ឯកឧត្តម បន្តថា ក្រៅពីប្រយោជន៍សេដ្ឋកិច្ច និងសង្គម ព្រែកជីកហ្វូណនតេជោ គឺជានិមិត្តរូបនៃការឈានជើងមួយជំហានថែមទៀតនៃរាជរដ្ឋាភិបាលកម្ពុជា ក្នុងការពង្រឹងអធិបតេយ្យសេដ្ឋកិច្ច ដើម្បីធ្វើជាម្ចាស់ជោគវាសនាប្រទេសជាតិខ្លួនឯងប្រកបដោយភាពរឹងមាំ និងយូរអង្វែង។ ឯកឧត្តមថា អ្វីដែលកូនខ្មែរគួរមានមោទនភាពថែមទៀតនោះ គឺព្រែកជីកហ្វូណនតេជោ ធ្វើឱ្យរស់រានឡើងវិញនូវសក្តានុពលនៃនយោបាយទឹក ដែលបានជួយឱ្យបុព្វបុរសកសាងបានអាណាចក្រដ៏រុងរឿងក្នុងសម័យអតីតកាល។
ឧបនាយករដ្ឋមន្ត្រី ហ៊ុន ម៉ានី ក៏បានលើកឡើងពីប្រសាសន៍របស់សម្តេចធិបតី នាយករដ្ឋមន្ត្រីកម្ពុជាថា៖ “យើងមិនត្រូវប្រៀបធៀបអ្វីដែលយើងធ្វើនេះជាមួយអ្នកដទៃដែលមានលទ្ធភាព មានភព្វសំណាងជាងយើងកាលពីមុននោះទេ តែយើងត្រូវប្រៀបធៀបអ្វីដែលយើងសម្រេចបានថ្ងៃនេះ ទៅនឹងអ្វីដែលយើងមិនធ្លាប់មាននៅទីនេះ កាលពីមុន”។
សូមជម្រាបថា គម្រោងព្រែកជីកហ្វូណនតេជោ ដែលជាប្រវត្តិសាស្រ្តរបស់ខ្មែរ ត្រូវបានចុចប៊ូតុងបើកការដ្ឋានសាងសង់នៅព្រឹកថ្ងៃទី៥ ខែសីហា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់នាយករដ្ឋមន្ត្រីកម្ពុជា និងលោកជំទាវបណ្ឌិត ព្រមជាមួយការអបអរសាទររបស់ប្រជាជនខ្មែរគ្រប់ទិសទី។ ព្រែកជីកនេះ គ្រោងចំណាយថវិកាសាងសង់ប្រមាណ ១៧០០លានដុល្លារ ជាប្រភេទគម្រោងវិនិយោគ BOT ដែលឆ្លងកាត់ខេត្តចំនួន៤ មានខេត្តកណ្តាល ខេត្តតាកែវ ខេត្តកំពត និងខេត្តកែប។ ព្រែកជីកនេះមានទទឹងខាងលើ ១០០ម៉ែត្រ ទទឹងខាងក្រោម ៨០ម៉ែត្រ និងជម្រៅ ៥,៤ម៉ែត្រ (នាវាជម្រៅ ៤,៧ ម៉ែត្រ)។ ព្រែកជីកហ្វូណនតេជោ ជាសមិទ្ធផលដ៏វិសេសវិសាលថ្មីមួយរបស់កម្ពុជា ត្រូវបានគេមើលឃើញថា នឹងជួយឱ្យសេដ្ឋកិច្ចកម្ពុជា កាន់តែរីកចម្រើនតាមរយៈគម្រោងនេះ៕
ដោយ៖ អុន ស្រីមាន
អភិបាលខេត្តកំពង់ចាម ចុះពិនិត្យការសាងសង់ទប់ស្កាត់ច្រាំងទន្លេនៅខាងក្រោយវត្តមាន់ដប់
បេក្ខជនប្រកួតសំណេរអង្គរមិនសូវរំពឹងពី លទ្ធផលតែរីករាយនឹងចូលរួមច្រើនជាង
រដ្ឋមន្ត្រីទេសចរណ៍ ស្នើឱ្យក្រុមហ៊ុន PATA ជួយជំរុញការផ្សព្វផ្សាយគោលដៅទេសចរកម្ពុជាទៅទីផ្សារអន្តរជាតិ
ខេត្តសៀមរាប និងរាជធានីភ្នំពេញ ជាប់ជាកន្លែងកម្សាន្តដ៏ល្អបំផុតសម្រាប់ឆ្នាំ ២០២៥ ក្នុងតំបន់អាស៊ី
ឆ្នាំ ២០២៥ ខេត្តសៀមរាប នឹងបន្តបោះបង្គោលព្រំតំបន់ ២ ចំនួន ៤៧២ បង្គោលទៀត ដើម្បីការពារជីវចម្រុះបឹងទន្លេសាប
តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
«ឆ្នេរតេជោសន្តិភាពកែប» នឹងបើកការដ្ឋានសាងសង់នៅសប្តាហ៍ក្រោយនេះ
អគ្គីភ័យឆេះផ្ទះប្រជាពលរដ្ឋ ២ ខ្នងនៅស្រុកស្ទឹងត្រង់ ព្រោះប្អូនម្ចាស់ផ្ទះជាអ្នកដុត
វិញ្ញាសារសំណេរអង្គរលើកទី២ រំលេចពីភាពអស្ចារ្យនៃប្រាសាទអង្គរ
-
ចរាចរណ៍៦ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៦ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៥ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៣ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ២ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៣ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៣ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ