ព័ត៌មានជាតិ
មូលនិធិ អ៉ឹង ហ្វោនដេហ្ស៊ិន ប្រារព្ធពិធីអបអរសាទរការបើកដំណើរការការដ្ឋាន«ព្រែកជីកហ្វូណនតេជោ»នៅស្រុកកំពង់លែង
មូលនិធិ អ៉ឹង ហ្វោនដេហ្ស៊ិន បានប្រារព្ធពិធីអបអរសាទរការបើកដំណើរការការដ្ឋានសាងសង់«ព្រែកជីកហ្វូណនតេជោ» នាព្រឹកថ្ងៃទី ៥ ខែសីហា ឆ្នាំ ២០២៤ នេះ នៅស្រុកកំពង់លែង ខេត្តកំពង់ឆ្នាំង ក្រោមអធិបតីភាព លោក អ៉ឹង ស៊ីវម៉េង តំណាងអ្នកឧកញ៉ា អ៉ឹង ប៊ុនហ៊ូវ ប្រធានមូលនិធិ អ៉ឹង ហ្វោនដេហ្ស៊ិន ក្រុមការងារមូលនិធិ ក្រុមប្រឹក្សាស្រុកនិងរដ្ឋបាលសាលាស្រុកកំពង់លែង កងកម្លាំង អាជ្ញាធរមូលដ្ឋាន ព្រះសង្ឃ តាជី យាយជី ប្រជាការពារ ប្រជាពលរដ្ឋ លោកគ្រូ អ្នកគ្រូ សិស្សានុសិស្ស យុវជនកាយរឹទ្ធិ យុវជនកាកបាទក្រហម សរុបជិត ៥០០ អង្គ/នាក់ ស្របតាមការជូនដំណឹងរបស់រាជរដ្ឋាភិបាលឱ្យគ្រប់បណ្តាស្ថាប័នរដ្ឋ និងឯកជន ចូលរួមប្រារព្ធពិធីអបអរសាទរព្រែកជីកហ្វូណនតេជោនេះ ឱ្យបានអធិកអធម ប្រកបដោយភាពសប្បាយរីករាយ។
ពិធីអបអរសាទរការបើកដំណើរការការដ្ឋានសាងសង់ «ព្រែកជីកហ្វូណនតេជោ» នៅស្រុកកំពង់លែង ត្រូវបានរៀបចំឡើងដោយមានការយកចិត្តទុកដាក់បំផុតពីអ្នកឧកញ៉ា អ៉ឹង ប៊ុនហ៊ូវ ប្រធានមូលនិធិ អ៉ឹង ហ្វោនដេហ្ស៊ិន ធ្វើយ៉ាងណាឱ្យមានភាពអធិកអធម ក្នុងគោលបំណងគាំទ្រយ៉ាងពេញទំហឹងចំពោះគម្រោងព្រែកជីកប្រវត្តិសាស្ត្រនេះ ដោយបានរៀបចំការទូងស្គរជ័យ និងគងជ័យដ៏ធំ អមដោយក្រុមភ្លេងមានស្គរ ស្នែងជ័យ ក្រុមឆៃយ៉ាំ និងការបង្ហោះប៉េងប៉ោងចំនួន ៩០៩ ដែលមានភ្ជាប់ពាក្យស្លោកថា «គាំទ្រគម្រោងព្រែកជីកហ្វូណនតេជោ»។
ការរៀបចំពិធីរបស់មូលនិធិ អ៉ឹង ហ្វោនដេហ្ស៊ិន គឺជាសក្ខីភាព នៃការគាំទ្រ និងចូលរួមពីវិស័យឯកជនក្នុងការអបអរសាទរចំពោះការចាប់ផ្តើមការដ្ឋានសាងសង់ព្រែកជីក «ហ្វូណនតេជោ» ជាព្រែកជីកប្រវត្តិសាស្ត្ររបស់កម្ពុជា ដែលមានតម្លៃវិសេសវិសាល ជានិមិត្តរូប និងជាហេដ្ឋារចនាសម្ព័ន្ធប្រវត្តិសាស្ត្រសម្រាប់សេដ្ឋកិច្ចជាតិ ដែលប្រជាជនកម្ពុជាយើងទាំងអស់គ្នានឹងចងចាំជានិច្ច។ ក្រោមការផ្តួចផ្តើមប្រកបដោយចក្ខុវិស័យដ៏វែងឆ្ងាយពី សម្តេចតេជោ ហ៊ុន សែន ព្រែកជីក ហ្វូណនតេជោ បានក្លាយជាមរតកប្រវត្តិសាស្ត្រដ៏ធំមួយរបស់កម្ពុជា តាមលំនាំ នៃកេរដំណែលមរតកពីបុព្វបុរស នៃយើង ហេតុនេះហើយការកំណត់យកកាលបរិច្ឆេទបើកការដ្ឋានសាងសង់ ថ្ងៃទី ០៥ ខែសីហា ចំថ្ងៃខួបកំណើតរបស់ សម្តេចតេជោ គឺញ៉ាំងឲ្យឃើញយ៉ាងប្រត្យក្សនូវនិមិត្តរូបដ៏ថ្លៃថ្លា នៃសមិទ្ធផលជាកេរដំណែលចុងអាណត្តិរបស់រាជរដ្ឋាភិបាលកម្ពុជា ដឹកនាំដោយ សម្តេចតេជោ ដ៏រុងរឿងឧត្តុង្គឧត្តមប្រកបដោយសន្តិភាព និងឯកភាពទឹកដីដ៏ពេញលេញ។
ព្រែកជីកហ្វូណនតេជោ នឹងលើកកម្ពស់ស្វ័យភាពសេដ្ឋកិច្ចកម្ពុជា និងផ្ដល់អត្ថប្រយោជន៍លើវិស័យជាច្រើនដូចជា វិស័យដឹកជញ្ជូន ទេសចរណ៍ កសិកម្ម ធារាសាស្ត្រ វារីវប្បកម្ម អចលនទ្រព្យ និងការវិនិយោគ មានជាអាទិ៍ការបង្កើតតំបន់ពាណិជ្ជកម្ម ឧស្សាហកម្ម តំបន់សេដ្ឋកិច្ចពិសេស រមណីយដ្ឋានទេសចរណ៍ និងមជ្ឈមណ្ឌលភស្តភារកម្ម ជាដើម ពិសេសការតភ្ជាប់ផ្លូវនាវាចរណ៍យុទ្ធសាស្ត្រពីភ្នំពេញទៅសមុទ្រ នៃខេត្តកែប តាមខេត្តកណ្តាល និងតាកែវ ដោយពុំចាំបាច់ត្រូវឆ្លងកាត់តាមផែអន្តរជាតិនៃប្រទេសវៀតណាមដូចមុនទៀត។ ស្ថានភាពនេះ នឹងជួយលើកកម្ពស់បរិយាកាសវិនិយោគ ផលិតកម្ម និងការនាំចេញ ជាមួយនឹងគុណសម្បត្តិប្រកួតប្រជែងថ្មី ក្នុងនោះការចំណាយនឹងត្រូវកាត់បន្ថយ ពេលវេលា នៃការធ្វើដំណើររបស់នាវាដឹកទំនិញរួមខ្លីជាងមុន និងការបំពេញបែបបទដឹកទំនិញមានប្រសិទ្ធភាពជាងមុនជាដើម ព្រែកជីកនេះនិងក្លាយជាប្រព័ន្ធគ្រប់គ្រងធនធានទឹកដ៏មានប្រសិទ្ធភាព។
មូលនិធិ អ៉ឹង ហ្វោនដេហ្ស៊ិន រដ្ឋបាលសាលាស្រុកកំពង់លែង កងកម្លាំង អាជ្ញាធរមូលដ្ឋាន ព្រះសង្ឃ តាជី យាយជី ប្រជាការពារ ប្រជាពលរដ្ឋ លោកគ្រូ អ្នកគ្រូ សិស្សានុសិស្ស យុវជនកាយរឹទ្ធិ យុវជនកាកបាទក្រហម ពិតជាមានសេចក្តីរំភើបរីករាយឥតឧបមា សូមប្រកាសគាំទ្រយ៉ាងពេញទំហឹង និងចូលរួមអបអរសាទរយ៉ាងកក់ក្ដៅបំផុតចំពោះរាជរដ្ឋាភិបាលកម្ពុជា ក្នុងឱកាសជាប្រវត្តិសាស្ត្រ នៃការបើកការដ្ឋានសាងសង់ជាផ្លូវការ នូវព្រែកជីក ហ្វូណនតេជោ នាថ្ងៃនេះ៕
កម្ពុជាបានចំណាយជាង២,៦៩ពាន់លានដុល្លារនាំចូលប្រេងឥន្ធនៈ និងប្រេងម៉ាស៊ូតក្នុងឆ្នាំ២០២៤
រដ្ឋមន្ត្រីមហាផ្ទៃបង្ហើបពីការសិក្សាកែសម្រួលការជ្រើសរើស និងលក្ខណៈសម្បត្តិថ្នាក់ដឹកនាំភូមិ
Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ
ឥណ្ឌូណេស៊ីពិន័យ Google ជាង ១២ លានដុល្លារ ដោយចោទពីបទ «អនុវត្តអាជីវកម្មមិនស្មើភាពគ្នា»
រថយន្តកូរ៉េដឹកជ្រូក បើកគេចម៉ូតូឆ្លងផ្លូវ ជ្រុលបុកខឿនចែកទ្រូងផ្លូវខ្ទាតប៉ះម៉ូតូដួល របួសធ្ងន់ម្នាក់
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ