ព័ត៌មានជាតិ

ផ្លូវក្នុងភូមិ ១ ខ្សែក្នុងក្រុងបាត់ដំបង រអិលពិបាកធ្វើដំណើររាប់ឆ្នាំ ខណៈអាជ្ញាធរមិនគិតគូរ

បានផុស

៣ ខែ មុន

នៅ

ថ្ងៃព្រហស្បតិ៍ ៨ សីហា ២០២៤

ដោយ

ប្រជាពលរដ្ឋ រស់នៅក្នុងភូមិព្រៃកូនសេក សង្កាត់អូរចា ក្រុងបាត់ដំបង បានប្រាប់ «កម្ពុជាថ្មី» ថា «តើឲ្យពួកគាត់ត្រូវរស់នៅក្នុងភូមិសង្កាត់នេះដល់ឆ្នាំណាទៀត ទើបអាចទទួលបានផ្លូវ ១ ខ្សែ អាចធ្វើដំណើរបានស្រួល ខណៈដល់រដូវភ្លៀងម្តងៗប្រឈមនឹងបញ្ហលំបាកខ្លាំងក្នុងការធ្វើដំណើរ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុភូមិម្នាក់តំណាងឱ្យពលរដ្ឋ បានឱ្យដឹងថា ផ្លូវក្នុងភូមិ ១ខ្សែនេះ ស្ថិតនៅភូមិព្រៃកូនសេក សង្កាត់អូរចា ក្រុងបាត់ដំបង នេះ គឺមានប្រវែងសរុបប្រមាណ ៤ គីឡូម៉ែត្រ មានប្រជាពលរដ្ឋប្រមាណ ៤០០ខ្នងផ្ទះ ស្មើនិង ១៩៧៩នាក់ ដែលប្រឈមការលំបាកនៅក្នុងការធ្វើដំណើរទៅមកជាប្រចាំ។ រាល់ឆ្នាំផ្លូវនេះដល់រដូវភ្លៀង ប្រជាពលរដ្ឋប្រឈមក្នុងការធ្វើដំណើរទៅមក លុះដល់រដូវប្រាំងពលរដ្ឋក្នុងភូមិចូលលុយគ្នាចាក់ដីបំពេញកន្លែងដែលខូចខាត មិនមានមន្ត្រីពាក់ព័ន្ធណាមើលឃើញឡើយ។

អនុភូមិដដែលបន្តថា «ការស្នើសុំពីពលរដ្ឋក៏ច្រើនលើកច្រើនសារហើយ។ ពួកគាត់ស្ទើរអស់ជំនឿទាំងស្រុងលើអាជ្ញាធរដឹកនាំ»។

ទោះបីយ៉ាងណា លោក ព្រួញ រិទ្ធថា ប្រធានមន្ទីរ សាធារណៈការខេត្ត ធ្លាប់ប្រាប់ «កម្ពុជាថ្មី» ថា ផ្លូវ ១ខ្សែខាងលើនេះ មិនពាក់ព័ន្ធនឹងគម្រោងរបស់មន្ទីរទេ។

«ចាំមើលខ្ញុំជួយរំរុញទៅខាងរដ្ឋបាលក្រុងឱ្យ»។ លោកបញ្ជាក់យ៉ាងដូច្នេះ។

អនុភូមិបានអះអាងថា ពលរដ្ឋស្នើដល់អាជ្ញាធរមេត្តាជួយគិតគូរឱ្យបានយ៉ាងហោចណាស់ត្រឹមតែចាក់គ្រួសកុំឱ្យរអិល និងស្នើដល់អភិបាលខេត្តជួយសម្រួលនិងគិតគូរពីផលលំបាករបស់ពលរដ្ឋ ដែលបានប្រឈមជាច្រើនឆ្នាំមកនេះ៕

អត្ថបទ៖ សៅ សារិទ្ធ