Connect with us

ព័ត៌មានជាតិ

លោក ឃឹម ហ្វីណង់ ជំរុញ​កសិករនៅ​ស្រុកកណ្តៀង រងគ្រោះ​ពីការ​ប្រែប្រួលអាកាសធាតុ ​ចងក្រង​ជា​សហគមន៍

បានផុស

នៅ

លោក ឃឹម ហ្វីណង់ អនុរដ្ឋលេខាធិការ និង​ជា​អ្នក​នាំ​ពាក្យ​ក្រសួង​កសិកម្ម រុក្ខា​ប្រមាញ់ និង​នេសាទ បាន​លើក​ទឹក​ចិត្ត​ដល់​កសិករ​នៅក្នុងស្រុកកណ្តៀង ខេត្ត​ពោធិ៍សាត់​ ដែល​តែង​ខាត​បង់​ផល​ដំណាំ​ដោយ​សារ​ទឹក​ជំនន់​ជា​រៀងរាល់​ឆ្នាំ គួរ​តែ​ពិចារណា​រួមគ្នា​​បង្កើត​ជា​សហគមន៍ ដើម្បី​ការពារ​សមាជិក​ម្នាក់ៗ​​ពី​ហានិភ័យ​នៃ​ការ​ប្រែប្រួល​អាកាសធាតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​រយៈ​សំណេរ​នៅ​លើ​បណ្តាញ​ទំនាក់​ទំនង​សង្គម​ផ្លូវ​ការ លោក ឃឹម​ ហ្វីណង់ បាន​លើក​ឡើង​ថា កសិករ​នៅក្នុងស្រុកកណ្តៀង ខេត្តពោធិ៍សាត់ ​តែងតែ​ខាតបង់​ផលដំណាំ​របស់ខ្លួនដោយ​សារជំនន់ទឹកភ្លៀង​ស្ទើរតែរៀងរាល់ឆ្នាំ ខណៈ​ឆ្នាំ​នេះ ជាង ៥០% នៃ​ដំណាំស្រូវ​ប្រមាណ ៨១៥ ហិកតា ​ទើបទទួលរងផលប៉ះពាល់​ពីទឹកជំនន់ ខូច​ខាតធ្ងន់ធ្ងរមិនអាចស្តារឡើងវិញបាន។

លោក​ថា លក្ខខណ្ឌ​ភូមិសាស្ត្រតំបន់​នេះ​គឺជាទីតាំងទំនាបខ្លាំង និង​កន្លែងមុខទឹកហូរកាត់ពីផ្ទៃរងទឹកភ្លៀងនៃជួរភ្នំក្រវ៉ាញ​ទៅកាន់បឹងទន្លេសាប ងាយនឹងរងជំនន់ទឹកភ្លៀងណាស់។ ជា​ទូទៅ មួយឆ្នាំធ្វើ​ស្រែ​បានតែម្តង និង​សមស្របតែជាមួយប្រភេទស្រូវឡើងតាមទឹកតែប៉ុណ្ណោះ។

លោក ឃឹម​ ហ្វីណង់ បាន​សង្កត់​ធ្ងន់​ថា «ការបង្ក​បង្កើន​ផល​ស្រូវ​ស្រាលពិតជាប្រថុយប្រថានខ្ពស់ ទាមទារ​ឱ្យមាន​ហេដ្ឋារចនាសម្ព័ន្ធគាំទ្រច្រើន និង​មានផែនការច្បាស់លាស់ទើបអាចធ្វើទៅបាន ហើយក៏ប្រហែល​ត្រូវធ្វើ​ពិពិធកម្ម​បន្ថែម​ប្រភេទ​ដំណាំផ្សេងក្រៅពីស្រូវទើបប្រសើរ»។

លោក បាន​បន្ត​ថា កសិករម្នាក់ៗ កម្រិត​គ្រួសារ​ពិត​ជា​ពិបាកធ្វើ​ដូច្នេះ​​បើ​ជា​សហគមន៍​អាច​ទៅរួច។ នេះគឺ​ជាដំណោះ​ស្រាយមួយ​ដែល​កសិករ​ទទួល​យក​ទៅពិចារណា ចំណែក​ឯការជួយ​ជាគ្រាប់ពូជ​សម្រាប់ការដាំដុះឡើងវិញ​ត្រូវរង់ចាំរហូតដល់​ខែវិច្ឆិកា ក្រោយ​ទឹកស្រកវិញទើបអាចធ្វើទៅបាន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៧ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៥ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១១ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ២ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ៤ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម