ព័ត៌មានជាតិ

អាជីវករលក់គ្រឿងសំណង់ម្នាក់ ប្រកាសឧបត្ថម្ភបង្គោលចរាចរណ៍ដល់ប៉ុស្តិ៍រដ្ឋបាលទូទាំងស្រុកត្រាំកក់

បានផុស

៧ ខែ មុន

នៅ

ថ្ងៃពុធ ៧ សីហា ២០២៤

ដោយ

អាជីវករលក់គ្រឿងសំណង់ នៅផ្សារអង្គតាសោម ស្រុកត្រាំកក់ ម្នាក់ បានប្រកាសឧបត្ថម្ភបង្គោលចរាចរណ៍ដល់ប៉ុស្តិ៍នគរបាលរដ្ឋបាលទាំងអស់ ទូទាំងស្រុក យកទៅប្រើការ។

នៅព្រឹកថ្ងៃទី ០៧ ខែសីហា ឆ្នាំ ២០២៤ នេះ តាមរយៈទំព័រហ្វេសប៊ុកផ្លូវការ លោកស្រី ពៅ សុភាព អាជីវករលក់គ្រឿងសំណង់ក្បែរផ្សារអង្គតាសោម ស្រុកត្រាំកក់ ដែលត្រូវជាភរិយា លោកឧត្ដមសេនីយ៍ត្រី ឆាយ សាវុធ ស្នងការរង នៃស្នងការដ្ឋាននគរបាលខេត្តតាកែវ បានរៀបរាប់ឲ្យដឹងថា «នាងខ្ញុំ ជាភរិយាលោកប្ដី ,ឆាយ សាវុធ, បម្រើការងារនៅស្នងការដ្ឋាននគរបាលខេត្តតាកែវ នាងខ្ញុំ ជាអាជីវករនៅទឹកដីស្រុកត្រាំកក់ ,(ផ្សារអង្គតាសោម) សូមអញ្ជើញលោកមេប៉ុស្តិ៍ទាំងអស់ គ្រប់ប៉ុស្តិ៍ នៃទឹកដីស្រុកត្រាំកក់ ខេត្តតាកែវ មកយកបង្គោលចរាចរណ៍ ក្នុងមួយប៉ុស្តិ៍ (៤ ដើម) ដើម្បីឲ្យបងៗ យកទៅដាក់តាមគោលដៅ តាមការគួរ (មកយកនៅផ្ទះនាងខ្ញុំ នៅកាច់ជ្រុងស្តុប,នៃផ្លូវបំបែកផ្សារអង្គតាសោម សូមអរគុណ និងអរព្រះគុណរង់ចាំចែកជូនបងៗ ដោយក្តីរីករាយ, ជួយស៊ែរផងឲ្យបងជាមេប៉ុស្តិ៍បានឃើញ»។

តាមរយៈនេះដែរ លោកស្រី ពៅ សុភាព ក៏បានបញ្ជាក់ប្រាប់ កម្ពុជាថ្មី ដែរថា លោកស្រីពិតជាបានប្រកាស និងសូមឲ្យលោកមេប៉ុស្តិ៍ទូទាំងស្រុកត្រាំកក់ ដែលមាន ១៥ ប៉ុស្តិ៍រដ្ឋបាល មកទទួលយកបង្គោលចរាចរណ៍នៅផ្ទះលោកស្រីទៅប្រើប្រាស់តាមតម្រូវការពិតមែន៕

អត្ថបទ ៖ វីរៈ