ព័ត៌មានជាតិ
កម្ពុជាធ្វើជាប្រធានប្ដូរវេនកិច្ចសហប្រតិបត្តិការអាស៊ានស្តីពីកិច្ចការមុខងារសាធារណៈ អាណត្តិឆ្នាំ២០២៤-២០២៦
កម្ពុជាទទួលធ្វើជាប្រធានប្ដូរវេន «កិច្ចសហប្រតិបត្តិការអាស៊ាន លើកទី២៣ និងអាស៊ានបូក៣ លើកទី៨ ស្តីពីកិច្ចការមុខងារសាធារណៈ» សម្រាប់អាណត្តិឆ្នាំ២០២៤-២០២៦ ក្រោមមូលបទ «នវានុវត្តន៍ក្នុងការផ្តល់សេវាសាធារណៈឱ្យកាន់តែប្រសើរ»។
![](https://www.kampucheathmey.com/wp-content/uploads/2024/08/image-428-1024x683.png)
ការទទួលបានសិទ្ធិធ្វើជាប្រធានប្ដូរវេនកិច្ចសហប្រតិបត្តិការអាស៊ានស្តីពីកិច្ចការមុខងារសាធារណៈនេះ គឺស្របពេលដែលឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ អញ្ចើញដឹកនាំគណៈប្រតិភូកម្ពុជាចូលរួមក្នុងកិច្ចប្រជុំប្រមុខមុខងារសាធារណៈនៃកិច្ចសហប្រតិបត្តិការអាស៊ាន និងអាស៊ានបូក៣ ស្តីពីកិច្ចការមុខងារសាធារណៈ នៅប្រទេសប្រ៊ុយណេ។
ថ្លែងក្នុងពិធីផ្ទេរតំណែងជាប្រធានប្តូរវេន ឯកឧត្តមឧបនាយករដ្ឋមន្ត្រី ហ៊ុន ម៉ានី បានប្រកាសពីមូលបទខាងលើ និងបានលើកឡើងថា កិច្ចសហប្រតិបត្តិការអាស៊ានស្តីពីកិច្ចការមុខងារសាធារណៈ គឺជាអត្តសញ្ញាណនៃកិច្ចសហប្រតិបត្តិការ នវានុវត្តន៍ និងដំណើរវិវឌ្ឍវិស័យមុខងារសាធារណៈក្នុងតំបន់អាស៊ាន។ វេទិកានេះ បានដើរតួនាទីក្នុងការជំរុញឱ្យសម្រេចបានគំនិតផ្តួចផ្តើមជាច្រើនសំដៅដល់ការពង្រឹងគុណភាព វិជ្ជាជីវៈ និងប្រសិទ្ធភាពនៃការផ្តល់សេវាសាធារណៈ។
![](https://www.kampucheathmey.com/wp-content/uploads/2024/08/image-429-1024x683.png)
ឯកឧត្តមឧបនាយករដ្ឋមន្ត្រី ហ៊ុន ម៉ានី បានបញ្ជាក់ជូនប្រទេសជាសមាជិកអាស៊ាន ថា ក្នុងនាមជាប្រធានប្តូរវេន កម្ពុជាបានត្រៀមខ្លួនរួចរាល់ក្នុងការពង្រឹង និងពង្រីកវិសាលភាពនៃកិច្ចសហប្រតិបត្តិការជាមួយបណ្តាប្រទេសជាសមាជិកអាស៊ានទាំងអស់ និងប្រទេសជាដៃគូផ្សេងទៀត ដើម្បីបន្តដឹកនាំសម្របសម្រួលការងារតាមមូលដ្ឋានដ៏ជោគជ័យរបស់កិច្ចសហប្រតិបត្តិការអាស៊ានស្តីពីកិច្ចការមុខងារសាធារណៈ កន្លងទៅ។ ការងារទាំងនេះ គឺសំដៅដល់ការសម្រេចបានចក្ខុវិស័យការងារប្រកបដោយថាមវន្ត ក្នុងវិស័យមុខងារសាធារណៈ ដើម្បីប្រជាជនជាចម្បង។
![](https://www.kampucheathmey.com/wp-content/uploads/2024/08/image-430-1024x683.png)
ក្នុងឱកាសនោះ ឯកឧត្តម ហ៊ុន ម៉ានី បានថ្លែងអំណរគុណដល់អគ្គលេខាធិការដ្ឋានអាស៊ាន បណ្តាប្រទេសជាសមាជិកអាស៊ានទាំងអស់ រួមទាំងប្រទេសដែលជាដៃគូ និងភាគីពាក់ព័ន្ធដែលបានផ្តល់កិច្ចសហការដឹកនាំ សម្របសម្រួល ចូលរួមគ្រប់ដំណើរប្រព្រឹត្តទៅនាពេលកន្លងមក ហើយបានលើកកម្ពស់កិច្ចសហប្រតិបត្តិការនៅក្នុងវិស័យមុខងារសាធារណៈសម្រាប់តំបន់អាស៊ានកាន់តែប្រសើរឡើង និងសម្រេចបានសមិទ្ធផលជាបន្តបន្ទាប់។
ក្នុងនាមជាប្រធាន សម្រាប់អាណត្តិឆ្នាំ២០២៤-២០២៦ កម្ពុជានឹងរៀបចំកិច្ចប្រជុំធំៗសំខាន់ៗ រួមមាន៖ ១) កិច្ចប្រជុំមន្ត្រីជាន់ខ្ពស់អាស៊ានស្តីពីកិច្ចការមុខងារសាធារណៈ ក្នុងខែឧសភា ឆ្នាំ២០២៥ នៅខេត្តព្រះសីហនុ។ ២) កិច្ចប្រជុំសហប្រតិបត្តិការអាស៊ានស្តីពីកិច្ចការមុខងារសាធារណៈ និងកិច្ចប្រជុំសហប្រតិបត្តិការអាស៊ានបូក៣ ស្តីពីមុខងារសាធារណៈ ក្នុងខែសីហា ឆ្នាំ២០២៦ នៅខេត្តសៀមរាប។ ៣) ការបន្ត និងដាក់អនុវត្តគម្រោងនានា រួមទាំងការរៀបចំកិច្ចប្រជុំ និងវេទិកាអមផ្សេងៗទៀត។ បន្ថែមលើនេះ ក្នុងដំណាក់កាលកម្ពុជាធ្វើជាប្រធានចាប់ពីពេលនេះតទៅ កម្ពុជាមានភារកិច្ចដឹកនាំសម្របសម្រួលការងារផ្សេងៗ ក្នុងក្របខណ្ឌនៃវិស័យមុខងារសាធារណៈអាស៊ាន ដូចជា ការងារចំពោះមុខគឺការតាក់តែងផែនការសកម្មភាពរួមរបស់ អាស៊ាន ២០២៦-២០៣០ ជាដើម។ នេះបើតាមសេចក្ដីប្រកាសរបស់ក្រសួងមុខងារសាធារណៈរបស់កម្ពុជា។
![](https://www.kampucheathmey.com/wp-content/uploads/2024/08/image-431-1024x683.png)
គួររម្លឹកថា កាលពី២០ឆ្នាំមុន កម្ពុជាធ្លាប់បានធ្វើជាម្ចាស់ផ្ទះនៃកិច្ចប្រជុំនេះម្តងរួចមកហើយ ពោល គឺនៅក្នុងអាណត្តិឆ្នាំ ២០០៤-២០០៦ ក្រោមមូលបទ «ការគ្រប់គ្រងធនធានមនុស្សក្នុងសេវាសាធារណៈ ជាដៃគូយុទ្ធសាស្ត្រសម្រាប់ការអភិវឌ្ឍជាតិ៖ គំរូថ្មីសម្រាប់បរិបទអាស៊ាន»។ សម្រាប់ពេលនេះ កម្ពុជានឹងធ្វើជាម្ចាស់ផ្ទះប្តូរវេនសាជាថ្មីម្តងទៀត ដោយបានកំណត់មូលបទថ្មី ដែលសម្របតាមបរិបទនៃដំណើរវិវឌ្ឍរបស់សង្គមកម្ពុជា និងសហគមន៍អាស៊ានក្នុងពេលបច្ចុប្បន្ន ៕
![](https://www.kampucheathmey.com/wp-content/uploads/2024/08/image-432-1024x683.png)
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៦ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ១៧ ម៉ោង ago
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
ព័ត៌មានជាតិ៧ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៧ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៥ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ៣ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៤ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
ព័ត៌មានជាតិ១ សប្តាហ៍ ago
យុវជនចេញមុខពន្យល់រឿងCLVយ៉ាងសាមញ្ញ ដើម្បីកុំឱ្យយុវជនខ្លះជឿការញុះញង់ដោយគ្មានមូលដ្ឋាន