ព័ត៌មានជាតិ
ប្រធានអាជ្ញាធរអេដស៍ ជំរុញអ្នកសារព័ត៌មាន ជួយទប់ស្កាត់ការឆ្លងរាលដាលមេរោគអេដស៍ នៅកម្ពុជា
លោកទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានលើកទឹកចិត្ត និងជំរុញឱ្យអ្នកសារព័ត៌មានទាំងអស់ ជួយផ្សព្វផ្សាយបង្ការ និងទប់ស្កាត់ការឆ្លងរាលដាល នៃមេរោគអេដស៍នៅកម្ពុជា ខណៈបច្ចុប្បន្នអត្រាឆ្លងមេរោគអេដស៍ថ្មីមានការកើនឡើងគួរព្រួយបារម្ភ។
ថ្លែងបើកសិក្ខាសាលាជាមួយបណ្តាញសារព័ត៌មានស្ដីពីស្ថានភាព និងការចូលរួមឆ្លើយតបទៅនឹងមេរោគអេដស៍ និងជំងឺអេដស៍នៅប្រទេសកម្ពុជា នាសណ្ឋាគារភ្នំពេញ កាលពីព្រឹកថ្ងៃទី ៨ សីហា លោកទេសរដ្ឋមន្ត្រី បានមានប្រសាសន៍ថា ការជំរុញឱ្យអ្នកសារព័ត៌មានជួយផ្សព្វផ្សាយពីជំងឺអេដស៍នេះ ដោយសារឆ្នាំ ២០២៣ កន្លងទៅ អត្រាអ្នកឆ្លងមេរោគអេដស៍ថ្មីនៅកម្ពុជាមានការកើនឡើងចំនួន ១ ២០០ នាក់ និងអ្នកផ្ទុកមេរោគអេដស៍ចំនួន ៧៦ ០០០ នាក់ ក្នុងនោះមានអ្នកទៅព្យាបាលមានប្រមាណ ៦៨ ០០០ នាក់ និងអ្នកមិនបានទៅធ្វើតេស្តប្រមាណ ៨ ០០០ នាក់។
លោកទេសរដ្ឋមន្ត្រី បានបន្តថា «ដូច្នេះយើងត្រូវចូលរួមឱ្យបានកាន់តែសកម្មទាំងអស់គ្នា ជាពិសេសអ្នកសារព័ត៌មានក្នុងការផ្សព្វផ្សាយជំរុញឱ្យមានការយល់ដឹងពីហានិភ័យ នៃមេរោគអេដស៍ និងឱ្យអ្នកសង្ស័យមកធ្វើតេស្តឱ្យបានច្រើន ដើម្បីសម្រេចគោលដៅ ៩៥ ទី ១»។
ជាមួយគ្នានេះដែរ លោកទេសរដ្ឋមន្ត្រី បានស្នើអ្នកសារព័ត៌មាន និងសិក្ខាកាមទាំងអស់ បន្តចូលរួមផ្សព្វផ្សាយឱ្យកាន់តែសកម្មអំពីហានិភ័យ នៃមេរោគអេដស៍ ផ្សព្វផ្សាយលើកទឹកចិត្តឱ្យអ្នកសង្ស័យទៅធ្វើតេស្តរកមេរោគអេដស៍ និងផ្សព្វផ្សាយពីរឿងរ៉ាវជោគជ័យ នៃគ្រួសារដែលរងគ្រោះដោយសារមេរោគអេដស៍ ព្រមទាំងចូលរួមលុបបំបាត់ការមាក់ងាយ និងរើសអើងលើគ្រប់ទម្រង់ ភេទ អ្នកផ្ទុកមេរោគអេដស៍ និងអ្នកជំងឺអេដស៍។
លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ីរបស់អង្គការមូលនិធិថែទាំសុខភាពអ្នកជំងឺអេដស៍(AHF) បានមានប្រសាសន៍ថា ចាប់តាំងពីដើមទសវត្សរ៍ទី ៩០ នៅពេលដែលការរីករាលដាល នៃមេរោគអេដស៍/ជំងឺអេដស៍បានចាប់ផ្តើមក្នុងប្រទេសកម្ពុជា ការរីកចម្រើនគួរឱ្យកត់សម្គាល់ក្នុងការពង្រីកលទ្ធភាពទទួលបានការព្យាបាលមេរោគអេដស៍ និងជំងឺអេដស៍ សព្វថ្ងៃនេះ ជាង ៩០% នៃអ្នកផ្ទុកមេរោគអេដស៍កំពុងទទួលការព្យាបាលដោយថ្នាំប្រឆាំងមេរោគអេដស៍។ ប៉ុន្តែចំនួនអ្នកឆ្លងមេរោគអេដស៍ថ្មី ជាពិសេសក្នុងចំណោមយុវជនវ័យក្មេង និងការស្លាប់ដោយសារជំងឺអេដស៍នៅតែជាការព្រួយបារម្ភដែលយើងទាំងអស់គ្នាត្រូវផ្តោតការយកចិត្តទុកដាក់ និងចូលរួមប្រយុទ្ធទប់ស្កាត់ឱ្យសកម្មបំផុត។ ការរើសអើង និងការមាក់ងាយនៅគ្រប់ទម្រង់ចំពោះអ្នករស់នៅជាមួយមេរោគអេដស៍ និងក្រុមប្រឈម នៅតែមានបន្ត ជាឧបសគ្គចម្បងសម្រាប់ការឆ្លើយតបនឹងមេរោគអេដស៍។
លោកវេជ្ជបណ្ឌិត បានបន្តថា «ដូចនេះប្រព័ន្ធផ្សព្វផ្សាយបានដើរតួនាទីសំខាន់ណាស់ក្នុងការចូលរួមបេសកកម្ម ដើម្បីបញ្ចប់ជំងឺអេដស៍នៅឆ្នាំ ២០៣០ ជាមួយរាជរដ្ឋាភិបាលដូចជាការផ្សព្វផ្សាយរឿងរ៉ាវជោគជ័យ និងបញ្ហាផ្សេងៗ ទៀត ដែលប្រឆាំងនឹងការមាក់ងាយ និងការរើសអើងចំពោះប្រជាជនដែលរងគ្រោះ និងអ្នករស់នៅជាមួយមេរោគអេដស៍ និងជំងឺអេដស៍»។
លោកវេជ្ជបណ្ឌិត បញ្ជាក់ថា អង្គការមូលនិធិថែទាំសុខភាពអ្នកជំងឺអេដស៍ គឺជាអង្គការពិភពលោកដ៏ធំបំផុតដែលបាននិងកំពុងផ្តល់សេវាថែទាំព្យាបាលដោយមិនគិតពីលទ្ធភាព នៃការបង់ប្រាក់ ដល់អតិថិជនជាង ២ លាននាក់ ក្នុង ៤៧ ប្រទេស ជុំវិញពិភពលោក ដូចជានៅសហរដ្ឋអាមេរិក អាហ្វ្រិក អាមេរិកឡាទីន ការាបៀន តំបន់អាស៊ី ប៉ាស៊ីហ្វិក និងអឺរ៉ុប។
លោកទេសរដ្ឋមន្ត្រី អៀង មូលី សូមថ្លែងអំណរគុណអង្គការមូលនិធិថែទាំសុខភាពអ្នកជំងឺអេដស៍ ដែលបានយកចិត្តទុកដាក់រៀបចំសិក្ខាសាលានេះ ដោយបានអញ្ជើញ លោកស្រី ឆៃ ច័ន្ទរិទ្ធី សូលីដា រដ្ឋលេខាធិការ និងប្រធាន គណៈកម្មាធិការប្រយុទ្ធនឹងជំងឺអេដស៍ក្រសួងព័ត៌មាន និងអ្នកសារព័ត៌មានសំខាន់ៗ ពីស្ថាប័នប្រមាណ ១៥ ស្ថាប័នផងដែរ។ គណៈកម្មការប្រយុទ្ធនឹងជំងឺអេដស៍ក្រសួងព័ត៌មាន បាននិងកំពុងចូលរួមផ្សព្វផ្សាយការឆ្លើយតបនឹងមេរោគអេដស៍ និងជំងឺអេដស៍ឱ្យដល់សាធារណជនបានជ្រួតជ្រាបយ៉ាងសកម្ម និងឆាប់រហ័ស។
លោកទេសរដ្ឋមន្ត្រី បានបញ្ជាក់ថា ការចូលរួមពីអ្នកសារព័ត៌មានទាំងអស់នៅពេលនេះ ក៏ជាសក្ខីភាពក្នុងវឌ្ឍភាព នៃការចូលរួមពីបណ្តាញព័ត៌មាននៅក្នុងសម័យឌីជីថលដែលជួយជំរុញការផ្សព្វផ្សាយឱ្យបានទូលំទូលាយពីការ បង្ការ និងទប់ស្កាត់ការឆ្លងរាលដាល នៃមេរោគអេដស៍៕
អត្ថបទ ៖ សំអឿន
តម្លៃទីផ្សារម្រេចកើនឡើងខ្ពស់ ធ្វើឱ្យកម្ពុជារកចំណូលបានជាង ៣៤ លានដុល្លារ ពីការនាំចេញ
ថ្ងៃនេះ ការប្រកួតប្រដាល់សកលថ្នាក់ជាតិ មាន២៣គូវគ្គពាក់កណ្តាលផ្តាច់ព្រ័ត្រ
មន្រ្តីជំនាញពន្យល់អត្ថន័យបច្ចេកទេស អគារជាប់គាំង និងគម្រោងវិនិយោគជាប់គាំងនៅខេត្តព្រះសីហនុ
កម្មវិធីជិះកង់សប្បុរស ២ កំពុងជួយរៃអង្គាសថវិកាជូនមន្ទីរពេទ្យកុមារអង្គរ និងគន្ធបុប្ផា ដើម្បីកុមារកម្ពុជា
និន្នាការពលរដ្ឋម៉ាឡេស៊ីទៅធ្វើការនៅសិង្ហបុរីកើនឡើង ដោយសារតែប្រាក់ខែថ្លៃ អាចសន្សំទុកពេលចូលនិវត្តន៍
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
ក្រោយភ្លៀង មេឃស្រឡះ! លោក ផាត់ ហ៊ន ត្រូវបានរដ្ឋមន្ត្រីក្រសួងព័ត៌មាន និងយុត្តិធម៌ ជួយឱ្យរួចផុតពីបណ្ដឹងព្រហ្មទណ្ឌ
-
ព័ត៌មានជាតិ៥ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម២០ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៤ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
សន្តិសុខសង្គម៤ ម៉ោង agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល