ព័ត៌មានជាតិ
បុរសម្នាក់ប្រមូលផលល្មើពី២០ ទៅ៣០គីឡូក្នុងមួយដើម លើផ្ទៃដីមួយហិកតា បន្ថែមចំណូលលើអាជីពជាគ្រូពេទ្យ
លោក សាន សុខន ត្រូវបានគេស្គាល់ថា ជាគ្រូពេទ្យម្នាក់រស់នៅក្នុងឃុំសន្តិភាព ស្រុកសំពៅលូន ខេត្តបាត់ដំបង
ដែលបានបម្រើសេវាកម្មសុខភាព នៅក្នុងស្រុកសំពៅលូន ដែលជាមុខរបរឯកជនផ្ទាល់ខ្លួនរបស់លោក សម្រាប់ទ្រទ្រង់សេដ្ឋកិច្ចគ្រួសារ។ គ្រូពេទ្យរូបនេះបានផ្តល់បទសម្ភាស់ជាមួយ កម្ពុជាថ្មី នៅថ្ងៃទី១១ ខែសីហា ដោយលោកបានលើកឡើងថា សម្រាប់លោក គឺមិនបានបម្រើក្នុងក្របខ័ណ្ឌនោះទេ លោកមានកម្រិតជាវេជ្ជបណ្ឌឹត ហើយឪពុកក្មេកលោក៏ជាវេជ្ជបណ្ឌឹតដែរ តែលោក និងឪពុកក្មេកបានបើកព្យាបាលអ្នកស្រុកធម្មតាជិត១០ឆ្នាំហើយដោយបើកព្យាបាលនៅផ្ទះធម្មតា មិនបានបើកជាគ្លីនិក ឬដាក់តាំងអ្វីមួយនោះដែរ។
![](https://www.kampucheathmey.com/wp-content/uploads/2024/08/Screenshot_20240809_092559.jpg)
លោកបន្តថា ដោយមុខរបរគ្រូពេទ្យរបស់លោកមិនជាការមមាញឹក លោកក៏ចាប់ផ្តើមសាកល្បងដាំល្មើលើផ្ទៃដី ១ហិកតាជាដំណាក់កាលដំបូង ក្នុងចំណោមផ្ទៃដីរបស់លោកសរុបជាង៥ហិកតា។ លោកថា ការសាកល្បងដាំដំណាំមួយនេះ ដោយសារតែលោកឃើញភរិយារបស់លោកចូលចិត្តបរិភោគផ្លែល្មើ ឲ្យតែដល់រដូវកាល គឺលោក និងភរិយាស្វែងរកទិញយកមកបរិភោគក្នុងគ្រួសារ ដោយសារតែកត្តានេះហើយ ទើបលោករកទិញកូនល្មើមកដាំសាកល្បងលើទំហំដី ១ហិកតា ដោយប្រើប្រាស់កូនល្មើចំនួន១៥០ដើម។
![](https://www.kampucheathmey.com/wp-content/uploads/2024/08/Screenshot_20240809_092556.jpg)
លោកបន្តថា ការសាកល្បងនេះក៏បានទទួលផលល្អ ហើយបើគិតមកដល់ឆ្នាំ២០២៤នេះ ដំណាំល្មើ១ហិកតារបស់លោក បានប្រមូលផលរយៈពេល៥ឆ្នាំជាប់ៗគ្នាមកហើយ ខណៈការដាំបើគឹតមកដល់ឆ្នាំ២០២៤នេះ មានរយៈពេល៧ឆ្នាំមកហើយ និងបានដើរលើទីផ្សារធំៗមួយចំនួនក្នុងស្រុកបានយ៉ាងប្រសើផងដែរ។ លោកថា មានអតិថិជនមកពីទីជិតឆ្ងាយទិញយកទៅបរិភោគជាលក្ខណៈគ្រួសារមិនតិចនោះដែរក្នុងមួយថ្ងៃៗដោយលោកលក់នៅក្នុងចម្ការក្នុង១គីឡូក្រាមតម្លៃ៣មុឺនរៀល ខណៈបច្ចុប្បន្នលោកប្រមូលផលបានចន្លោះពី២០ទៅ៣០គីឡូក្រាមក្នុង១ដើម ក្នុងចំណោមទាំង១៥០ដើមលើផ្ទៃដី១ហិកតា។ លោកថា ផ្អែកលើផលដំណាំនេះអាចជួយទ្រទ្រង់សេដ្ឋកិច្ចគ្រួសារលោកបានយ៉ាងប្រសើរជាងមុន បន្ថែមលើអាជីពរបស់លោកជាគ្រូពេទ្យ។
![](https://www.kampucheathmey.com/wp-content/uploads/2024/08/Screenshot_20240809_093041.jpg)
លោក សាន សុខន បន្តថា ក្រៅពី១ហិកតានេះ លោកក៏បានដាំបន្តបានជាង២ហិកតាបន្ថែមទៀតដែរ នឹងត្រៀមប្រមូលផលឆ្នាំដំបូងក្នុងឆ្នាំ២០២៦ ហើយដីដែលនៅសល់ លោកនឹងបន្តការដាំដុះរហូតដល់គ្រប់លើទំហំដីដែលលោកមានទាំងអស់សរុបជាង ៥ហិកតា ដោយក្នុងមួយហិកតាដាំបានចំនួន១៥០ដើម។ លោកថា បច្ចុប្បន្នទីផ្សារមិនមានការប្រឈមនោះទេ ហើយអ្វីដែលប្រឈម គឺកត្តាធម្មជាតិ បើកូនរដូវរងាឆាប់ចូលមកដល់ ល្មើក៏ឆាប់ហុចផល បើកូនរដូវរងារបានអូសបន្លាយពេល គឺល្មើមិនបានហុចផលឆាប់នោះដែរ គឺតម្រូវការផ្តល់ទឹកទើបឆាប់ហុចផល។ ដោយឡែកសម្រាប់ការថែទាំ លោកបានប្រើប្រាស់ជីកំប៉ុសកប់តាមរណ្តៅដើម គឺគ្មានការខូចខាតនោះទេហុចផល ទាំង១៥០ដើមតែម្តង
![](https://www.kampucheathmey.com/wp-content/uploads/2024/08/Screenshot_20240809_092618.jpg)
លោក សាន សុខន បញ្ជាក់ថា ដំណាំនេះប្រមូលផលបានរាប់សិបឆ្នាំតែបើទុកយូឆ្នាំពេក វាខ្ពស់ដូចដើមដូងដែរ ត្រូវការចំណាយច្រើន បើយើងប្រមូលផលត្រឹម៨ឆ្នាំចុះ អាចចំណាយតិចចំណូលច្រើន។ លោកថា ដំណាំល្មើ បើគឹតពីចាប់ផ្តើមដាំកូនដែលមានកម្ពស់ប្រហែល១ចំអាម ឬប្រហែល២តឹក គឺបានហុចផលក្នុងរយៈពេល២ឆ្នាំ២ខែ ហើយប្រូលផលឆ្នាំដំបូងបានចន្លោះពី១០ទី១៥គីឡូ និងការប្រមូលផលឆ្នាំទី២បានចន្លោះពី២០ទៅ៣០គីឡូក្រាមក្នុង១ដើម ជារួមលោកថា ទិន្នផលវាកើនគ្រប់១ឆ្នាំម្តង ហើយកម្ពស់វាក៏លូតប្រមាណ៨តិកឬ១ម៉ែត្រផងដែរក្នុង១ឆ្នាំ ។
![](https://www.kampucheathmey.com/wp-content/uploads/2024/08/Screenshot_20240809_092546.jpg)
លោក ហេង សិទ្ទ មន្ត្រីកសិកម្មខេត្ត បានឲ្យដឹងថា ដំណាំល្មើក្នុងខេត្តបាត់ដំបង មានកសិករដាំដុះលើផ្ទៃដីសរុបចំនួន ៥៥ហិកតា ក្នុងនោះផ្ទៃដីទទួលផលទើបបាន២២ហិកតាប៉ុណ្ណោះ ក្នុងនោះមាន នៅក្នុងកំរៀង១៥ហិកតា ស្រុកភ្នំព្រឹក ០៣ហិកតា ស្រុកសំពៅលូន ០២ហិកតា និងស្រុករតន:មណ្ឌល ០២ហិកតា នេះជាផ្ទៃដីប្រមូលផល៕
អត្ថបទ៖ សៅ សារិទ្ធ
![](https://www.kampucheathmey.com/wp-content/uploads/2024/08/Screenshot_20240809_093122.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៦ ថ្ងៃ ago
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
វប្បធម៌ ជំនឿ២ ថ្ងៃ ago
ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
ព័ត៌មានជាតិ៥ ថ្ងៃ ago
អាកាសធាតុអំណោយផល ចំណោតដែលរអិលផុងខ្លាំងផ្លូវជាតិលេខ ៤៨ ត្រូវកែសម្រួលល្អឡើងវិញ
-
ព័ត៌មានអន្ដរជាតិ១៨ ម៉ោង ago
រោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
វប្បធម៌ ជំនឿ១ សប្តាហ៍ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ព័ត៌មានជាតិ២១ ម៉ោង ago
ខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
សន្តិសុខសង្គម៤ ថ្ងៃ ago
សាលាដំបូងរាជធានី បំភ្លឺជុំវិញការចាប់ខ្លួនលោក សាន អឿន
-
ព័ត៌មានអន្ដរជាតិ២ ថ្ងៃ ago
ទើបផុតរញ្ជួយដី ពេលនេះជប៉ុន ត្រូវជួបគ្រោះធម្មជាតិធំមួយទៀត