ព័ត៌មានជាតិ
ក្រូចថ្លុងកូនកាត់ មានសាច់ពណ៌ផ្កាឈូក ធ្លាក់ថ្លៃមួយផ្លែនៅសល់តែជាង ៣០០០ រៀល
តម្លៃផ្លែក្រូចថ្លុងបានធ្លាក់ថ្លៃបន្តិចនៅប៉ុន្មានខែចុងក្រោយនេះ ស្របពេលរដូវក្រូចថ្លុងទើបហុចផលហើយមានអាជីវករបានចុះទៅទិញពីចម្ការមកបោះលក់បន្តតាមទីផ្សារក្នុងក្រុងបាត់ដំបង។
ស្ត្រីម្នាក់ដែលជាអាជីវករប្រកបមុខរបរលក់ផ្លែក្រូចថ្លុង និងក្រូចពោធិ៍សាត់នៅក្នុងទីតាំងផ្សារបឹងឈូកក្នុងក្រុងបាត់ដំបងបានរៀបរាប់ថា សព្វថ្ងៃនេះក្រូចថ្លុងដែលសម្បូរច្រើនជាងគេ និងចែកចាយមកលើទីផ្សារ គឺភាគច្រើនមកពីខាងភូមិអូរដំបង ភូមិអូរខ្ជាយ នៅភូមិអូរស្រឡៅ ចំណែកនៅតំបន់ផ្សេងៗទៀតគឺមិនសូវសម្បូរដូចតំបន់ខាងលើនោះទេ។

ស្ត្រីដដែលបានបន្តថា ក្នុងចំណោមក្រូចថ្លុងទាំង ៣ ប្រភេទដែលក្នុងនោះមាន ក្រូចត្រយ៉ោក ក្រូចតាម៉ៅ និងក្រូចកូនកាត់ (ជូរអែម) គឺក្រូចថ្លុងកូនកាត់បានឈានមុខគេ គឺសម្បូរទាំងអ្នកដាំ និងសម្បូរទាំងអ្នកចូលចិត្តទទួលទាន ព្រោះក្រូចនេះមានសាច់ពណ៌ផ្កាឈូក ដែលប្រជាពលរដ្ឋនិយមយកទៅទទួលទានមានរសជាតិជូរអែម ហើយក៏អាចយកទៅញ៉ាំភ្លាធ្វើជាម្ហូបប្រចាំថ្ងៃបានដែរ។ ដោយឡែកសម្រាប់ក្រូចតាយ៉ោក និងក្រូចតាម៉ៅ គឺនៅសល់តិចតួចបំផុតហាក់ដូចជាមិនសូវឃើញនៅលើទីផ្សារ។


ស្ត្រីដដែលបានសង្កត់ធ្ងន់ថា សព្វថ្ងៃបើដើរប្រមូលទិញតាមចំការយកមកលក់នៅលើទីផ្សារ ក្នុងមួយផ្លែបានតម្លៃចន្លោះពី ៣.៥០០ រៀល ទៅ ៤.៥០០ រៀល តែប៉ុណ្ណោះ។ ដោយឡែកជាងមួយខែមុន ក្រូចថ្លុងមួយផ្លែអាចលក់បានតម្លៃចាប់ពី ៥.០០០ រៀល ទៅ ៦.០០០ រៀល ឯណោះ ប៉ុន្តែទោះបីជាយ៉ាងនេះក្តី ក៏គាត់អាចរកចំណូលបានគ្រប់គ្រាន់សម្រាប់ជីវភាពប្រចាំថ្ងៃ៕
អត្ថបទ៖ សោ និយមរ័ត្ន

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ